އެސްފިޔަ 
ތިޔައީ މަގޭ މިތުރާއޭ 10
Level 3
“ތިބުނީ އެގޮތަށް ނިންމާލަން ބުންޏޭދޯ.. އެ އޮތީ އޭނަ އޮތް ހާލަތު.. އެހާލުގަ ކިހިނެއް ތިވަރު ކަމަކަށް އޭނަ ބުނާނީވެސް.. ތިކިޔާއެއްޗެއް ދިމަލެއް ނުވެއެއްނު. ބުނޭ ތެދަށް.. ނޫނީ ދެން އަހަރެން ޖަވާބު ހޯދާނީ ފުލުހުންގެ ހާޒިރުގަ… ” ބިރުންތިބި ދެމީހުން އެކަން ރޭވިގެން އައި ހިސާބުން ފެށިގެން މިރޭވީ ހުރިހާ ކަމަކަށް ދާންދެން އުވައިޝްއަސް ކިޔާ ނިންމާލަދިނެވެ. “އަހަރުމެން ދިޔަޔަސް އޯކޭދޯ ދެން..” ވާހަކަތަށް ކިޔައިދިންމީހާ ނޫން ދެންއިން މީހާ އުވައިޝް ކުރެން އަހާލިއެވެ. އޭރު ސަހަރްއަށް ރަނގަޅަށް ހޭވެރިކަން ވެފައި ވުމުން އުވައިޝް ސަހަރްއަށް ލައްވާފައިއިން ކޯޓްގެ ގޮށްތަށް އަޅުވާލަދިނެވެ. ” އަހަރެން ނުބުނަން ކިޔައިދިނަކަސް ދޫކޮށްލާނަމޭއެއް.” އުވައިޝް ފޯނުނަގާ ޕޮލިހަށް ގުޅާލަމުން ބުނެލިއެވެ.
“ވައު.. މީ ކޮން ކަމެއް..” ބޭރުންއައި ހަލީމަށް ގޭތެރެ އާއި ވައުޒާގެ ހާލުފެނި ކައިރިއަށް ދެވުނެވެ. “މިއީ ކަލޭގެ ލޯބިވާ ތާރާ އަށާ ކަލެޔަށް ލިބިފަ ހުރި ދަރީގެ ރަނގަޅުކަން.. އަހަރެން ހުރިހާ ކަމެއް ހަނދާން ނައްތާލާފަވެސް އޭނައާމެދު މިހާ ލޯބިން ކަންތައް ކުރީމަ އޭގެ އަގު މީ.. ދެ ފިރިހެނުން ގެނެސްގެ މިކަން ކުރުވާފަ ނުވިތާކަށް ވ…