ބަރުބާދު ކޮށްލީ ހަޔާތޭ އަނިޔާތަކެއް އޭރުދީފާ-13

ގެޔަށް އައިރު ރޭގަނޑު ވެއްޖެވެ. މަންމަ އަހަރެން ކައިރީ ބުނީ އަވަހަށް ނިދުމަށެވެ. މާދަން މެންދުރު އަހަރެންގެ ކައިވެނި ކުރަން ކޯޓަށް ދާން ޖެހެއެވެ. ބާކީ އަހަރެންގެ ކައިވެންޔަށް އޮތީ މަދު ގަޑިއިރުކޮޅެއްކަން އެނގުމުން އަހަރެންގެ ހިތް ތެޅި ގަތެވެ. ދެން އަހަރެން ވާނީ އެހެން މީހެއްގެ ހައްގަކަށެވެ. ދެން އަހަރެން އުޅެން ޖެހޭނީ އެހެން މީހަކާއި އެކުގައެވެ. އެމީހާގެ ކައިރީގަ އެވެ.

*ޕާރްޓް-13*

ހިޔާލުތަކުގައި އޮވެ އަހަރެންނަށް ނިދުނު އިރެއްވެސް ނެންގެއެވެ. ހޭލެވުނީ ފޯނު އެލާރްމް ވާން ފެށުމުންނެވެ. އަވަހަށް ތެދުވެ ފެން ވަރާ ތާޒާ ވެލައިގެން ބަދިގެޔަށް ވަނީރު ބައްޕަ ކާމޭޒު ދޮށުގައި މީހަކާއި ގުޅަގެން ކައިވެނީގެ ކޮންމެވެސް ވާހަކައެއް ދައްކަން ހުއްޓެވެ.

އަހަރެން ވެސް ސައިބުއި ހަދައިގެން ދިޔައީ މަންމަ ކައިރިއަށެވެ. ކައިވެނީގެ ވާހަކަ ދައްކާލައިފައި އަހަރެން ވެސް ދެން ދިޔައީ ފެން ވަރާ ތައްޔާރު ވެލުމަށެވެ.

މިހާރު މެންދުރު އަނބުރާ 2 ޖަހަނީއެވެ. ކޯޓައްދާން ގަނޑިކޮޔައިފައި އޮތީ ދެގަނޑި ފަނަރަ އަށެވެ. މަންމަ އާއި ބައްޕަ އާއި އެކު އަހަރެން ދިޔައީމެވެ. އޭރު ޒާންގެ މައިންބަފައިންނާއި އޭނާގެ އެއްބަނޑު އެއްބަފާ ކޮއްކޮ ވެސް ހުއްޓެވެ. އެއްމެން އެއްކޮށް ވަނީމެވެ. ގާޒީ ހުތުބާކިޔައިދިނީރު އަހަރެން ވެސް ބެލީ އަޑުއެހޭތޯއެވެ. ނަމަވެސް އަހަރެންނަށް ވިސްނެމުން ދިޔައީ ޔޫޝައު އާއި މެދު އެވެ. އޭނާ ދެން އަހަރެންނާއި ވާހަކަ ދައްކާނޭ ހެއްޔެވެ. އޭނާ ހުރީ އަހަރެންދެކެ ރުޅި އައިސް އެވެ.

“އަނބި ގަބޫލު ކޮށްފިން..” އަހަރެން ސިއްސައިގެން ދިޔައީ ޒާން އަހަރެންގެ އަތުގައި ހިފާ ލުމުންނެވެ. އަހަރެން ފަނޑު ހިނިތުން ވުމެއް ރައްދު ކޮށްލީމެވެ. މިސިކުންތުން ފެށިގެން ދެން އަހަރެންމީ މީހެއްގެ އަންބެކެވެ. އާއެކެވެ. ޒާންގެ އަބިމީހާއެވެ.

ކޯޓުން ނުކުމެ އާއިލާ މީހުން އެއްކޮށް ފޮޓޯ ނަގައި ހަދައިގެން ދިޔައީ ގެޔަށެވެ. ޕާޓީ އޮތީ ރޭގަނޑެވެ. ޒާން މެން އާއިލާ މީހުންގެ ގެސްޓު ހައުސް ރަށް ކައިރީގަ އެވެ.

އަހަރެން ގެޔަށް އައިސް އެދެމަތި އޮށޯވެލީމެވެ. އަހަރެން މާދަމާ މިރަށުން ދާނެއެވެ. ޒާން އާއި އެކު އޭނާގެ ރަށަށް ދާންށެވެ. މަންމަމެންނާއި ވަކިން އުޅުމަށެވެ. އަހަރެން ދެންޖެހޭނީ ޒާން އަށް ހިދުމަތް ކޮށްދިނުމަށް ހުންނާށެވެ. އަހަރެން ރަގަނޅު އަނބަކަށް ވާންޖެހޭނެއެވެ.

ރޭގަނޑު ޕާޓީ ގަޑި ޖެހިއްޖެ އެވެ. މިހާރު އަހަރެން މިހިރީ ޒާން އާއި އެކު ޕާޓީ އެންޓްރެސް ކައިރީގައެވެ. ޕާޓީ އަށް އަންނަ ކޮންމެ މީހަކު އަހަރެމެން ދެމީހުންނަށް މަރުހަބާ ކިޔެވެ. އަހަރެން ހުރީ އުދަގޫވެ ފޫހިވެފައެވެ. އަހަރެންނަކީ އެއްގޮތަކަށްވެސް މީހުންތެރޭ އުޅޭހިއްވާ ކުއްޖެއް ނޫނެވެ. އަހަރެންގެ މޫނުގައި ފިނި ވައިރޯޅި އެއް ބީހިލިއެވެ. މުޅި ހަށިގަނޑުން ހީބިނަގައިގަތެވެ. އެއޮށް ވަދެގެން އަންނަނީ ޔޫޝައު އެވެ. އޭނާގެ މޫނުމަތީ ފެންނަން ހުރީ ހިތާމައިގެ އަސަރެވެ. އޭނާ އަހަރެންނާއި ދިމާއަށް ބަލައިވެސް ނުލައެވެ. އެހެންވެ އަހަރެންނަށް ދެރަ އިހްސާސް ކުރެވުނެވެ. ޔާނިޝްބެ އާއި ޝާނަށްތަ އަހަރެންނާއި ވާހަކަ ދައްކާލައިފައި ދިޔައެވެ. ޔޫޝައު ވެސް ޒާން އާއި ސަލާމް ކޮށްލާފައި އަހަރެންނާއި ދިމާއަށް ބަލާލިއެވެ. އަހަރެން ހިނިތުންވެލީމެވެ.

“ކޮންގްރާ..” ޔޫޝައު ބުނެލިއެވެ. އަދި ދިޔައެވެ. އަހަރެންނަށް އިތުރު އެއްވެސް ބުނާނެ ފުރުސަތެއް ނުދީ އެވެ. އަހަރެންނަށް ޔޫޝައު އާއި ދިމާއަށް ބަލަހައްޓައިގެން ހުރެވުނީއެވެ.

މިއަދު އަހަރެން އައީ އަހަރެންގެ އަމިއްލަ ގެޔަށެވެ. ޒާން ވެސް ދިޔައީ އޭނާގެ ގެސްޓް ހައުސް އަށެވެ. ނަމަވެސް މާދަން އަހަރެން ދާނީ އޭނާ އާއި އެކީ އޭނާގެ ގެޔަށެވެ. ކޮޅަށް ހުރެ ހުރެ ވަރުބަލި ވެފައިހުރުމުން އަހަރެންނަށް ނިދުނެވެ.

ހެނދުނު ސައިބޯން ޒާން މެން އާއިލާ މީހުން އައީ އަހަރެމެން ގެޔަށެވެ. މަންމަ އަހަރެންނަށް ނަސޭހަތް ދިނެވެ. ބައްޕަ ވެސް އަހަރެން ކައިރީ ބަސް އަހައިގެން އުޅުމަށް ނަސޭހަތް ތެރި ވެދިނެވެ. ބަނދަރަށް ގޮސް އައި އަހަރެންނަށް މަންމަ ގައިގައި ބައްދާލެވުނެވެ.

“ދެން ތި ނުރޮއިބަލަދޯ..” މަންމަ އަހަރެން ދުރުކޮށްލަމުން ބުނެލިއެވެ. ގޭގައި އުޅޭއިރު މަންމަމެން ގިނައިރު ނޫޅުނަސް އަސްލު ހަގީގަތުގައި މަންމަމެންނާއި ވަކިވެގެން ދާން ޖެހުމުން އަހަރެން ދެރަވިއެވެ.

އެއްމެ ފަހު ފަހަރަށް ކަމަށް ރަށާއި ދިމާއަށް ބަލާލައިފައި އަހަރެން ލޯންޗަށް އެރީމެވެ. ސީޓްގައި ހަމަޖެހިލުމަށް ފަހު ލޯމަރާލިއެވެ. ލޮލުގެ ކަނުން ކަރުނަ ތިއްކެ ވެއްޓުނެވެ.

“ހާސް ނުވޭ.. ބަންދުގަ އަންނާނަން ރާނިޔާ ހޮވައިގެން ރަށަށް..” ޒާން ބުނެލިއެވެ. އަހަރެންނަށް ހިނިތުންވެލެވުނެވެ. ލިބުނު ބޮޑުހިންހަމަޖެހުމެއްގެ ސަބަބުންނެވެ.

*ނުނިމޭ*

ހުރިހާ ކިޔުންތެރިންގެ ކިބައިން ވެސް ވަރަށް ބޮޑަށް މަޢާފަށް އެދެމެވެ. ވަރަށް ގިނަދުވަސް ފަހުން ވާހަކަ އަޕްލޯޑް ކުރެވުމުނެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.