ނަން ކަލާގެ މިހިތުގައި ފެވިއްޖޭ…70

ރާއިލް ގެ ވާހަކަ އިން ޒީކާން އަށް ވިސްނާލަން މަޖުބޫރުވިއެވެ. ތެދަށް ބުނަންޏާ އޭނާ ވެސް ރައިޝާ އޭނާގެ މިލްކަކަށް ހަދަން ބޭނުމެވެ. އެހެން ނަމަވެސް ހަމަ ކޮންމެ ފަހަރަކު ވެސް ފަސް ޖެހެވެނީ އެވެ. ރައިޝާ ނޫނެކޭ ބުނެފާނެ ކަމުގެ ބިރަށެވެ.

****************

ޒީކާން އަށް ވިސްނާނެ ވަރަކަށް ވިސްނަން ވަގުތު ދީފައި ރާއިލް އާއި ނުކްޝާން އުޅުނީ ވެއިޓަރ ކާ އެއްޗިހި ގެނެއުމުން އެ ފޮޓޯ ނަގައި ސްނެޕް ކުރުމުގައި އެވެ. ދެމީހުން ފޮޓޯ ނަގަމުން ދިޔަ އިރު އަންހެން ކުއްޖަކަށް ވެސް ދޫނުދޭނެކަން ގަައިމެވެ.ދެމީހުން ހިތްހަމަޖެހޭ ވަރަށް ފޮޓޯ ނެގުނީ ލައްކަ އަކާއި ގާތް ވުމުން ނެވެ. ފޯނުގެ ސްޓޯރޭޖް ފޮޓޯ ނަގަ ނަގަ ނުކްޝާން އާއި ރާއިލް އެއް ދުވަހުން ފުރާލާނެ ކަންނޭނގެ އެވެ. އެ އޮށް ބައިވަރު ޖީބީގެ ފޯނުގެ ސްޓޯރޭޖް ފޮޓޯ ނަގައިގެން ފުރޭނީ ކިހާ ވަރެއް ވުމުން ހެއްޔެވެ.

“އަދި ވެސް ވިސްނާނެ ވަރަކަށް ނު ވިސްނޭ؟” ފޮޓޯ ނަގައި ނިމުމުން ނުކްޝާން އަހާލީ ދެން އެމީހުން ކުރާނެ އިތުރު ކަމެއް ނުފެނުމުން ނެވެ. “ހަދާނެ ގޮތެއް ނުކް އަށް އިނގިއްޖެ. މާ ގަދަ އަށް ވިސްނުން ތަކެއް ވިސްނާކަށް ނުޖެހޭނެ. ޒީކް ބުނަން ޖެހޭނީ ހަމަ އެކަނި ޔެސް އޭ ތިމަންނަ އަށް ވާނެ އޭ. އެހާ ހިސާބުން އަހަރުން އަހަރުންގެ މަސައްކަތް ފަށާނަން ދޯ” ނުކްޝާން ދޯ އެއްލީ ރާއިލް އަށް ށެވެ. ވަގުތުން ރާއިލް ބޯ ޖަހާލި އެވެ. “ތިން ދުވަހުން ނުކް އަށް ނިންމޭނެ ކަމުގެ ޔަޤީން ކަން އޮތިއްޔާ ޒީކް އަށް އޯކޭ” ޒީކާންގެ ޖަވާބުން ރާއިލް އާއި ނުކްޝާން ޔެސް އޭ ކިޔާފައި ޓަޗެއް ޖަހާލި އެވެ.

އެހާ ހިސާބުން ދެން ފެށިގެން ދިޔައީ ކަން ކުރާނެ ގޮތާއި ހުރިހާ ކަމެއް ރޭވުމެވެ. މާ ކުރިން ކަންތައް ކުރާނެ ގޮތް ނިންމާފައި ވުމުން މާ ގިނަ ވިސްނުން ތަކެއް ވިސްނާކަށް ނުޖެހުނެވެ. ނުކްޝާން އާއި ރާއިލް ދެމީހުން ދައްކަމުން ދިޔަ ވާހަކަ ގުޅުވަ ގުޅުވައިގެން މި ޕްލޭން ސަޅި ދޯ އޭ ކިޔަމުން ދިޔަ އެވެ.

ޖެހިގެން އައި ދުވަހުގެ ހެނދުނު ގެ ވަގުތުވެ. ހެނދުނު ގެ ސައި ނިންމާލުމަށް ފަހު ޒީކާން ސޯފާގައި އިންދާ ނުކްޝާން ޒީކާން އަށް ލޮލުގެ އިޝާރާތުން ކޮޓަރި އަށް އައުމަށް އެންގި އެވެ. މާ ގިނަ ވަގުތު ތަކެއް ބޭކާރު ނުކޮށް ޒީކާން ނުކްޝާން ގެ ފަހަތުން ދިޔައީ ނުކްޝާން ކުރަން އުޅޭ ކަމެއް ބަލާލާ ހިތުން ހުރި ވަރުން ކަންނޭނގެ އެވެ.

ޒީކާން ކޮޓަރި އަށް ވަނުމާއި އެކު ނުކްޝާން އަތުގެ އިޝާރާތުން އޭނާގެ ގާތަށް އައުމަށް ޒީކާން އަށް ގޮވާލި އެވެ. “ކޮން ތަނެއް ރެޑީ ކުރާނީ ޕްރޮޕޯސް ކުރަން. ދެން ގެއަކު ނުކުރެވޭނެ ދޯ”ނުކްޝާން އަހާލީ ޒީކާންގެ ހިޔާލެއް ބަލައިލުމުގެ ގޮތުން ނެވެ. “ނޭނގެ.ޒީކް ލައްވާ ޕްރޮޕޯސް ކުރުވަން އުޅުނީ ތި ދެމީހުންނެއްނު. އެހެން ވީމަ އެކަން ވެސް ކުރޭ ތި ދެ މީހުން” ދެކޮނޑު އަރުވާލަމުން ޒީކާން ބުނެލި ގޮތުން ހީވީ ތިއީ ތިމަންނަ އާއި ބެހޭ ކަމެއް ނޫނޭ ބުނެލި ހެންނެވެ. “ކަލޭނޭ.ހްމްމް ދާން އުޅޭ މަ މި ގުޅަނީ ތުއްތު އަށް” ނުކްޝާން ގެ ކޮނޑުގައި އަތް އަޅުވާލާ ކުޑަ ކޮށް ކޮއްޕާލަމުން ބުނެލި އެވެ. “އޭ ނޯ” ވަގުތުން ޒީކާން ބުނެލީ ނުކްޝާން ގެ ފޯނު އަތުލަމުން ނެވެ. “ސާބަސް. ނޫޅެމޭـ” ދެން އިތުރަށް ނުކްޝާން އަށް ނުކްޝާން ގެ ޖުމުލަ ފުރިހަމަ ކުރެވޭ ގޮތެއް ނުވީ ކޮޓަރި އަށް ވަދެގެން އައި ރާއިލް ވާހަކަ ދައްކަން ފެށުމުން ނެވެ.

“މިހާރު ކިހާ ހިސާބަކަށް ތަ ދިޔައީ؟” ކޮޓަރީގެ ދޮރު ލައްޕާލަމުން ރާއިލް ބަލައިލީ ނުކްޝާން އަށް ފޯނު ނުދޭން ވެގެން ނުކްޝާން އާއި ފޯނު ދުރުކޮށްލައިގެން ހުރި ޒީކާން އަށް ށާއި ޒީކާންގެ ފޯނު އަތުލަން މަސައްކަތް ކުރަން ހުރި ނުކްޝާން އާއި ދިމާލަށް ށެވެ.”ތިއީ ކޮން ކަމެކޯ؟” ރާއިލް ގެ ފަރާތުން ދެވަނަ ސުވާލެއް ޒީކާން އަށް ށާއި ނުކްޝާން އަށް ކުރިމަތިވި އެވެ. “ކިހާ ހިސާބަކަށް ދާނެ ހެން ހީވަނީ؟ މީނަ އަކަށް ނޭނގެ އޯ އެކަން ކުރަންވީ ތަނެއް ވެސް”ނުކްޝާން ޒީކާންގެ އަތުގައި އޮތް އޭނާގެ ފޯނު އަތުލިއެވެ. “ޕިސް ޕިސް. އަހަރުން ގޭގެ ފަހަތުގައި އަންނަ ބައިގައި ކުރެވޭނެ އެއް ނުން. ސަޅި ކޮށް އެތަން އިންނާނީ ވެސް. މަންމަ މެން ނުވަންނާނެ އެ ތަނަކަށް އެހާ ގިނައިންނެއް. ދެން އެ ރައިނާގަނޑު ވަދެދާނެ. އެއީ ދެން އޭނަގެ ގަނޑުވަރު ވިއްޔާ.ދެން ވަންނާނެ އެއްނުން. އޭނަ އަތުން މާދަން ރެ އަށް އެތަން ގަންނަން ކަންނޭނގެ ޖެހޭނީ ވެސް” ޒީކާން އާއި ދިމާލަށް ޗުސް ތަޅާލަމުން ރާއިލް ފެށި ވާހަކަ ނިންމާލީ ބޯ ކަހާލަމުން ނެެވެ. “އޭރުން ރައިނާ އަށް އެނގޭނެ އެއްނުން. އޭނަ އަހާނެ ދޯ ކީއްކުރަން ހެއްޔޭ” ޒީކާން މޫނު މައްޗަށް ގޮތެއް ހަދާލަމުން ބުނެލިި އެވެ. “މީނަ މި އުޅެނީ ދުނިޔެ އަށް ވެސް ސިއްރުން ދޯ ރައިޝާ އަށް ޕްރޮޕޯސް ކުރަން.ސާބަހޭ އެހެން ވިއްޔާ. ރައިނާ އަށް އެނގިގެން ދޯ ރައިޝާ އަށް ނޭނގޭ ގޮތަށް ހުރިހާ ކަމެއް ކުރެވޭނީ” ނުކްޝާން ދެ ފަރާތަށް ބޯ ހޫރުވާލި އެވެ.

“ހްމްމް ދެން ހެވޭ. އެކަމް ރައުޝާ ދައްތަ އެތަނަށް އެއްފަހަރު ވެސް ވަދުނިއްޔާ” ޒީކާން ރައުޝާ ދައްތަ އޭ ބުނުމުން މަންމަ އޭ ކިޔާފައި ނުކްޝާން ދިމާ ކޮށްލި އެވެ. ވަގުތުން ޒީކާން ނުކްޝާން އާއި ދިމާލަށް އެންމެ ކައިރީގައި ހުރި ބާލީސް އެއްލި އެވެ. “އޭ ދެން ހެވޭ ދެމީހުން. އަދި ވެސް ޕްރޮޕޯސް ކުރާނެ ތަނެއް ނޭނގިގެން އުޅޭ އިރު ވެސް ތަޅާ ފޮޅާތިި. އަދި އޮތީ ދޯ ރެޑީީ ކުރުމުގެ ކަންތައް ވެސް” ރާއިލް ބުނެލީ ދެ ފަރާތަށް ބޯ ހޫރުވާލަމުން ނެވެ. “އޯކޭ. އެހެންވީމަ ހަމަ އެންމެ ރަނގަޅު ވާނީ… ޑްރީމީ ސްޓޭ ގެ ޓެރަހުގަ އެކަން ކުރިއްޔާ” ވާނީ އޭ ކިޔާފައި އިރުކޮޅަކު ހުއްޓިލުމަަށް ފަހު ނުކްޝާން ބުނެލި ޖުމުލަ އިން ޒީކާން ދެލޯ ބޮޑު ކޮށްލަމުން ނުކްޝާން އަށް ގޮވާލި އެވެ. “ނޯވޭ އެތަނުގަ..” ދެވަނަ ފަހަރަށް ވެސް ނުކްޝާން އަށް ބުނެލެވުނެވެ. “އަޅެ އެތަން ބުކް ކޮށްލާނީ އޭ މާދަން ރެ އަށް. ތި އެހާ ހާސް ވާން ޖެހޭ ކަމެއް ނޫނޭ” ނުކްޝާން ހާސް ވާކަށް ނުޖެހޭނެޔޭ ބުނެލި ކަމުގައި ވީ ނަމަވެސް ހާސް ނުވެ ޒީކާން އަށް ހުރެވޭނެ ހެއްޔެވެ.

ޑްރީމް ސްޓޭ އަކީ ޒަޔާން ހިންގާ ހޮޓަލެކެވެ. އަދި އެވެސް މެލެޝިޔާގައި ޒަޔާން ހިންގާ އެންމެ މަޝްހޫރު ފަސް ތަރީގެ ހޮޓެލް ވިއްޔާ އެވެ. ދެން އެތަނުގެ ޓެރަސް މާދަމަ އަށް އޭނާ އަށް ދޭށޭ ބުނުމުން ޒަޔާންގެ ކިހާ ބައިވަރު ސުވާލެއް އޭނާ އަށް އަމާޒު ވާނޭ ހެއްޔެވެ. އެ ސުވާލު ތަކަށް އޭނާ ދޭނީ ކޮން ޖަވާބެއް ހެއްޔެވެ.

“ޗިލް ބްރޯ. ނުކް ބުނެފަނަމޭ ތުއްތު ކައިރީގަ ދެށޭ. ކޮންމެހެން ޒީކް ބުނާނެ ކަމެއް ނެތޭ” ޒީކާން ފާޑަކަށް އިނުމުން ނުކްޝާން ބުނެލީ ފޯނުން ޒަޔާންގެ ނަންބަރ އަށް ގުޅާލަމުން ނެވެ. “ނުބުނާތި އިނގޭ ޒީކް ގެ ކަމަކު އޭ ވެސް” ޒީކާން ނުކްޝާން އާއި ދިމާލަށް ޝަހާދަތް އިނގިލި ދިއްކޮށްލީ އިންޒާރެއް ދޭ ފަދަ ގޮތަކަށް ށެވެ. ވަގުތުން ނުކްޝާން ވަރަށް ރީތި ކޮށް އޯކޭ އޭ ބުނެލައިފި އެވެ.

އެވަގުތު ވީ ޒަޔާން ފޯނު ނެގި ވަގުތަށް ވުމުން ނުކްޝާން ޝްޝްޝް އޭ ދެން ތިބި ދެމީހުންގެ ކައިރީގައި ބުނެލި އެވެ. ފޯނު ސްޕީކާރ އަށް ލަމުން ނުކްޝާން ހަލޯ އޭ ބުނެލީ ޒަޔާން ދައްކަމުން ދިޔަ ވާހަކަ ދެން ތިބި ދެމީހުންނަށް އަޑު އިއްވަން ތޯ އެއްޗެކެވެ. “ހަލޯ ތުއްތޫ. ނުކް އަށް މާދަމަ އަށް ޑްރީމް ސްޓޭ ގެ ޓެރަސް ބުކް ކޮށް ދެވިދާނެ ތަ؟” ނުކްޝާން އެހާ ރީތިކޮށް ބުނެލި ގޮތުން ރާއިލް އަށް ޒީކާން އާއި ދިމާލަށް އެއް ބުމަ އަރުވާލެ ނެވެ. ވާނީ ވެސް އެހެންތާ އެވެ. ނުކްޝާން ބުނެލީ ނިކަން ޅަވެލަމުން ވިއްޔާ އެވެ. “އެ ކީއްކުރަން ޓެރަސް ބުކް ކޮށްލަ ދޭންވީ؟” ޒަޔާންގެ ސުވާލުން ޒީކާން ނުކްޝާން އާއި ދިމާލަށް ބަލައިލީ ދެން ހަދާނެ ވާހަކަ އެއް ހަދާށޭ ބުނެލައިފަދަ ގޮތަކަށް ށެވެ. އެ ބަލައިލުމުން އެކަނި ވެސް އޭނާ ގެ ވާހަކަ އެތާ ތެރެ އަށް ނުލާށޭ ބުނެލި ފަދަ އެވެ. “އެއީ ނުކް ކަމެއް ސެލެބްރޭޓް ކުރަން” ނުކްޝާން އަނގަ ހަދާލީ ޒީކާން އާއި ދިމާލަށް ށެވެ. ހީވީ ތިމަންނަ އެންމެ ފަހުން ޒަޔާން އަށް ދޮގު ހަދަން މި ޖެހުނީ ޒީކާން ސަލާމަތް ކޮށްދޭންނޭ ބުނެލި ހެންނެވެ. “މައްސަލަ އެއް ނެތް. މާދަމާ އަށް ތުއްތު ނުކް އަށް ޓެރަސް ބުކް ކޮށްލަ ދޭނަން” ޒަޔާން ގެ ޖުމުލަ އިން ރާއިލް އަށް ފުންމާލެވުނެވެ. ނުކްޝާން ތެންކިޔޫ އޭ ބުނެލަމުން ފޯނު ކަނޑާލި އެވެ.

“ޔެސް. އޭ ބްރޯ ޖެހޭނެ މިކަން ކުރަން. މަ މިވަރު ކޮށްދިން ކަމަަށް ޓަކައި ވެސް އެކަން ފަނި ނުކޮށްލާތި” ނުކްޝާން ބުނެލީ ރާއިލް އާއި ޓަޗެއް ޖަހާލަމުން ނެވެ. ނުކްޝާން އާއި ރާއިލް ދެމީހުންނަށް ހީވީ އީދެއް އައިސްގެން އުޅޭހެންނެވެ. ޒީކާން އަށް ވުރެ ބޮޑަށް ޒަޔާންގެ ޖަވާބުން އެދެމީހުން އުފާވި ހެން ހީވެއެވެ. “ތުއްތު އަށް އިނގުނީމަ ތުއްތު ބުނާނެ ދޯ ތުއްތުގެ ހޮޓަލް ނެގީ ޒީކް މީހަކާއި ދެވަން ހޭ” ރާއިލް އާއި ދިމާލަށް ނުކްޝާން ބުނެލީ ބޯ ކަހާލަމުން ނެވެ. ވަގުތުން ރާއިލް ޖަހާލީ ހިނިގަނޑެކެވެ. “އޭ ހިނގާބަލަ އަހަރުންގެ ގެ އަށް.އެ ރައިނާ އަށް ދޭން ޖެހޭނެ އެއްނުން މި ހަބަރު” ރާއިލް ގެ ޖުމުލަ އިން ފޯނާއި ކުޅެން އިން ޒީކާން ނުކްޝާން އާއި ރާއިލް އާއި ދިމާލަށް ބަލައިލި އެވެ.

“ހްމްމް ހްމްމް. ކުއްޖަކަށް ގޮތް ތަކެއް ވެއްޖެ ތިގެ އަށް ދާ ވާހަކަ ބުނީމަ ވެސް”ނުކްޝާން ބުނެލީ ކީކޭ ކަން އެނގުމާއި އެކު ރާއިލް ހީލި އެވެ. ޒީކާން ވެސް ވަކި ދެރަ ނުވާން ލޯ އަޅާލަމުން އެނދުން ތެދުވި އެވެ. “ހްމްމް އަހަރުން ހިނގާށޭ ދާން ނުބުނަނީސް މި ސޮރު ތައްޔާރު ވެއްޖެ އެއްނުން” ނުކްޝާން ދިމާކޮށްލަމުން ކޮޓަރިން ނިކުންނަން ހިނގައިގަތެވެ. ނުކްޝާން ގެ ފަހަތުން ޒީކާން އާއި ރާއިލް ވެސް ނިކުންނަން ހިނގައިގަތެވެ.

ޒީކާން އާއި ނުކްޝާން ގެ އިތުރުން ރާއިލް ކޮޓަރިން ނިކުން އިރު ޒާރާ ސޯފާގައި އޮތެވެ. “ޒާ. ކޫ ކައިރި ބުނައްޗެ އިނގޭ ޒީކް އާ ނުކް ދިޔައީ ރާއިލްމެންގެ ގެ އަށްށޭ.” ނުކްޝާން ގެ ވާހަކަ އަށް ޒާރާ ބޯ ޖަހައިލިއެވެ.

ޒީކާން މެން ރާއިލް މެންގެ އަށް ދިޔަ އިރު ސޯފާގައި ރައިނާ އާއި ރައިޝާ ތިއްބެވެ. ރައިނާ އާއި ރައިޝާ ރައިނާގެ ފޯނުން ކޮންމެވެސް ވީޑިއޯ އެއް ބަލަމުން ދިޔަ އިރު އެދެމީހުން ކުރިމަތީގައި ބޮޑު ޓީވީ އެއް ހުޅުވާފައި ހުއްޓެވެ. ބޮޑު ސްކްރީން އެއް ކުރިމަތީގައި ހުރި އިރު ވެސް ކުޑަ ކުޑަ ސްކްރީން އަކުން ދެމީހުން އެއްކޮށް ބަލާތީ އެންމެ އަސަރު ކުރީ ނުކްޝާން އަށްށާއި ރާއިލް އަށް ށެވެ. ދެމީހުންނަށް އަސަރު ކުރި ނަމަވެސް އެންމެ ފުރަތަމަ ދިމާ ކުރަން އަނގަ ހުޅުވާލީ ރާއިލް އެވެ. “ދެން ތި ބޮޑު ސްކްރީންގަނޑު ހުޅުވާފަ ބޭންދުމުގެ ބޭނުމަކީ ކޮބަޔޯ ފޯނުން ބަލާ އެއްޗެއް ބަލާ އިރު” ރާއިލް އެއް ފަހަރު ޓީވީ އަށް އަދި އަނެއް ފަހަރު ރައިނާ އާއި ރައިޝާ އާއި ދިމާލަށް ބަލައިލަމުން ބުނެލި އެވެ. “ރާއިލް.ދެޓްސް މައި ލައިން”ރާއިލް އަށް ގޮވާލަމުން ނުކްޝާން ބުނެލި އެވެ. ވަގުތުން ރާއިލް ހިނިގަނޑެއް ޖަހާލަމުން އޭރު ވެސް އެއީ ނުކްގެ ލައިން ކަން އެނގެއޭ ބުނެލި އެވެ.

“ރައީ.އާދެބަ ވަރަށް ބޮޑު ވާހަކަ އެއް ބުނަން” ރާއިލް ބުނެލީ ސިޑި އާއި ދިމާލަށް ހިނގައިގަންނަމުން ނެވެ. ރާއިލް ގެ ޖުމުލަ އިން ސޯފާގައި އިން ދެ ރައި ރާއިލް އާއި ދިމާލަށް ބަލައިލި އެވެ. “ޝާ އެއް ނޫން ނާ” ސިޑީގެ ދެ ހަރުފަތަށް އެރުމަށްފަހު ފަސް އެނބުރި ސޯފާގައި ތިބި ދެ އަންހެންކުދިންނާއި ދިމާލަށް ބަލައިލަމުން ރާއިލް ބުނެލި އެވެ.

ސިޑީގެ ހަރުފަތަށް ގިރާ ކުރުމަށްފަހު ރާއިލް ނުކްޝާން އާއި ޒީކާން ގޮވައިގެން ގޮސް ވަނީ ރައިނާގެ ކޮޓަރި އަށް ށެވެ. ރާއިލް އަށް ރަނގަޅަށް ރައިނާގެ ކޮޓަރީގެ ދޮރު ލައްޕާލެވުމުގެ ކުރަން ރައިނާ ދުވަމުން ކަހަލަ ގޮތަކަށް އައިސް ލެއްޕެމުން ދިޔަ ދޮރު ހުޅުވާލި އެވެ. “ކިހިނެތް ވީތަ؟ އެ އޮށް ރީތި ކާރޫނު ބަލަން އިންދަ އޭ ގޮވީ. އަދި އައިސް ވެސް ވަނީ ރައީގެ ކޮޓަރި އަށް” ރައިނާ ވާހަކަ ދައްކަން ފެށީ ރަނގަޅަށް ދޮރު ލައްޕާނުލެވި އޮށްވަ އެވެ. ރާއިލް ގެ އަނގަ ގަދަކަން ދެން ރައިނާގެ ވެސް ހުންނާނެ ތާ އެވެ.

“ތި ކާޓޫން ބެލުމަށް ވުރެ ބޮޑު ކަމެއް ކޮށްދޭން ވެއްޖެ އޭ”ރައިނާ ދޮރު ލައްޕާލުމާއި އެކު ރާއިލް ގޮސް ދޮރު ތަޅުލި އެވެ. “ކޮން ކަމެއް” ފާޑަކަށް މޫނު ހަދައިގެން ހުރެ ރައިނާ ބުނެލީ އޭނާގެ ކާޓޫނު ނުނިމި ދާނެތީ ކަންނޭނގެ އެވެ. “ކޮންހާ މޫނެއްތަ ތި ހަދަނީ. މޫނު ހަދާ ކަހަލަ ވާހަކަ އެއް ނޫނޭ ބުނާކަށް މި އުޅެނީ” ރާއިލް ބުނެލި އެވެ. “އޯކޭ އޯކޭ ކޮން ކަމެކޯ ކޮއްދޭންވީ؟” ހިނިތުންވެލަމުން ރައިނާ ބުނެލީ ރާއިލް އޭނާގެ ގާތުގައި މޫނު ނުހަދާށޭ ބުނުމުންނެވެ. “ރައި ވަރަށް ދޮންބެ ކައިރީގަ ދެއްކީމެއްނު ދޯ ވާހަކަ އެއް. ކަމެއް ނުވެގެން. އެކަން ކުރަން މިހާރު މި އުޅެނީ.ދެން ގެސް ކޮށްބަލަ” ރާއިލް ރައިނާ ގެ ކައިރީގައި އޭނާ ބުނަން އުޅުނު ވާހަކަ ބުނެލީ ދުރު ދުރުން ނެވެ. އެވަގުތު އެ ވާހަކަ އަޑު އަހަން ހުރި ނުކްޝާން ގެ ގާތަށް އައި ހިނިގަނޑު ކޮންޓްރޯލް ކުރަން އޭނާ އަށް ވީ އުނދަގޫ ކަމަކަށް ށެވެ. “ލޮލް. ހާދަ އިމޯޝަނަލް އޭ ދޯ” ހީލަމުން ރާއިލް އާއި ނުކްޝާން ދިމާ ކޮށްލި އެވެ.

އޭރު ރައިނާ ހުރީ ރާއިލް އޭނާގެ ގާތުގައި “ގެސް” ކުރަން ބުނި އެއްޗެއް އޭނާ އަށް “ގެސް” ކުރެވޭތޯ ބަލާށެވެ. އެކި އެކި ކަހަލަ ހިޔާލުތައް ވެރިވަމުން ދިޔަ ރައިނާ ކުއްލިއަކަށް ޒީކާން އާއި ދިމާލަށް ބަލައިލަމުން ރާއިލް އާއި ދިމާލަށް ބަލައިލި އެވެ.” ޒީކް ދޮނާ އަށް ޕްރޮޕޯސް ކުރަނީ ތަ؟” ރާއިލް ހީކުރި ވަރަށް ވުރެ ކުރިން ރައިނާ އަށް ރާއިލް ބުނެލި ވާހަކަ ނަގައިގަނެވުނެވެ. “ޔެއާހ”ބުމަ އަރުވާލަމުން ރާއިލް ފޮނި ގޮތަކަށް ބުނެލުމާއި އެކު ރައިނާ އޯ އެމް ޖީ އޭ ބުނެލީ ދެލޯ ބޮޑު ކޮށްލަމުން ނެވެ. “އަޅޭ ރައި އަށް ހީވި އޭ ޒީކް ދޮނާ ދެކެ ލައިކް ވެއޭ” ރައިނާ ބުނެލި ގޮތުން ހީވީ ޒީކާން ކުރަން އެ އުޅެނީ އޭނާ އެންމެ އިންތިޒާރު ކުރަމުން އައި ކަންތައް ހެންނެވެ.

“އޭއި ދެން ފޮނި ކަނޑަން ވީކީ ނޫން. ދޮންބެ މެންނަށް ރައި ހެލްޕެއް ވެދޭންވީ” ރާއިލް ބުނެލީ ރައިނާ ގެ އިސްތަށިގަނޑަށް ދަމާ ލަމުން ނެވެ. ވަގުތާއި ހާލަތުގެ ގޮތުން ކަންނޭނގެ އެވެ. އެވަގުތު ރާއިލް އެހެން ހެދުމުން ވެސް އެއްޗެކޭ ނުބުނެ ރާއިލްމެން ގާތުގައި އޭނާ ކޮށް ދޭންވީ ކޮން ކަމެއް ތޯ އަހާލި އެވެ. “މިއަދަކު ނޫނޭ. މާދަމާ ރޭ އޭ ދޯ ޕްރޮޕޯސް ކުރާނީ.ދެން އެހެންވީމަ މިއަދު އެހާ ގިނަ ކަންކަމެއް ނުޖެހޭނެ ކުރާކަށް” ރާއިލް ދޯ އެއްލީ ޒީކާން އަށް ށެވެ. ވަގުތުން ޒީކާން ފޯނު ހިފައިގެން އިނދެފައި ވެސް ބޯ ޖަހާލައިފި އެވެ. ފޯނު ހިފައިގެން އިން ނަމަވެސް އޭނާ ދިޔައީ އެމީހުން ދައްކަމުން ދިޔަ ހުރިހާ ވާހަކަ އެއް އަޑު އަހަމުން ކަން ޒީކާންގެ އެހަރަކާތުން އެނގޭހާ ވެ އެވެ. “ދެން އަނެއްހެން ރައި ނުޖެހޭނެ މާ ބޮޑު ކަމެއް ކޮށްދޭކަށް ތަން ރެޑީ ކުރާނަން ނުކް އާ ރާއިލް އެންޑް ޒީކް ވެގެން. ރައި ހަމަ އެކަނި ޖެހޭނީ ރައިޝާ އަށް ޝައްކު ނުވާނެ ހެން ހުރިހާ ކަމެއް ފޫބައްދަން” ނުކްޝާން ގެ ވާހަކަ އަށް ނިކަން ފަސޭހައިން ރައިނާ ތިކަން ވެދާނެ އޭ ބުނެލައިފި އެވެ.

އެވަގުތު ވީ ކޮޓަރީގެ ދޮރުގައި މީހަކު ޓަކި ޖަހާލި ވަގުތަށް ވުމުން ރައިނާ އާއި ރާއިލް ގެ އިތުރުން ނުކްޝާން އެކަކު އަނެކަކާއި ދިމާލަށް ބަލައިލި އެވެ. އޭރު ވެސް ފޯނު ހިފައިގެން އޭނާ ކުރިން އިން ގޮތަށް ރައިނާގެ ޑްރެސިންގް ޓޭބަލް ގެ ކައިރީގައި އިން ގޮނޑީގައި އިށީނދެލައިގެން އިނެވެ. އެތަނުގައި ކަމެއް ވާހެން ވެސް އޭނާ އަށް ހީނުވާ ފަދަ އެވެ. ފަހަރަކު މީހެއްގެ މޫނަށް ބަލާލުމަށް ފަހު ރައިނާ ދޮރު ހުޅުވަން ދިޔަ އިރު އެއީ ކޮންމެ މީހަކަށް ވީ ކަމުގައި ވީ ނަމަވެސް އެ މީހަކަށް އެމީހުން ދެއްކި ވާހަކަތައް އަޑު ނީވޭތޯ އެ ވަގުތު އެ ކޮޓަރީގެ ތެރޭގައި ތިބި ހުރިހާ ހިތްތަކަކަށް ދުޢާ ކުރެވެމުން ދިޔަ އެވެ.

ރައިނާ ދޮރު ހުޅުވާލުމާއި އެކު އެއޮށް ހުރިހާ އިރު ފޯނުގައި ލޯ ޖައްސާލައިގެން އިން ޒީކާން ވެސް ދޮރާއި ދިމާލަށް ބަަލައިލި އެވެ. ކުޑަ ކުޑަކޮށް ދޮރު ހުޅުވާލުމަށް ފަހު ރައިނާ ދެލޯ މަރާލި ގޮތުން އެކަނި ވެސް ދޮރު ކުރިމަތީގައި ހުރި މީހާ އަކީ ކާކު ކަން ދެނެގަންނާކަށް ކޮޓަރި ތެރޭގައި އެ ވަގުތު ތިބި ތިން ޒުވާނުން ނަކަށް އުނދަގުލެއް ނުވިއެވެ. ތިން ޒުވާނުނަށް އެކަކު އަނެކަކާއި ދިމާލަށް ވަށް ކަޅިން ބަލާލެވުނީ ވެސް އެހެންވެ އެވެ.

ރައިނާ އެއްކޮށް ދޮރު ހުޅުވާލުމާއި އެކު ކޮޓަރީގެ ބޭރުގައި ހުރި ރައިޝާ ކޮޓަރީގެ ތެރެ އަށް ނަޒަރު ހިންގާލި އެވެ. ކޮޓަރި ތެރޭގައި އެވަގުތު ތިބި އެންމެން ގެ ނަޒަރު އޭނާ އަށް ހުއްޓިފައި ވުމާއި އެކު ރައިޝާ ފާޑަކަށް ފަހަރަކު މީހެއްގެ މޫނާއި ދިމާލަށް ބަލައިލި އެވެ. “ތީ ކޮން ކަމެއް؟”ރައިޝާ އަހާލީ ކޮޓަރި ތެރޭގައި ރާއިލް ގެ އިތުރުން ޒީކާން އާއި ނުކްޝާން ވެސް ހުރުމުން ކަންނޭނގެ އެވެ. ކޮންމެ ސަބަބަކާއި ހުރެ ނަމަވެސް ރައިޝާ އެވަގުތު އެ ސުވާލު ކުރުމުން ކޮޓަރި ތެރޭގައި އެވަގުތު ތިބި މީހުންގެ ހިތްތަކުގައި ވާ ނުތަނަވަސްކަން ފިލައިގެން ދިޔައީ ރައިޝާ އަށް އެމީހުން ދެއްކި އެއްވެސް ވާހަކަ އެއް އަޑު ނީވޭހެން ހީވުމުން ނެވެ. “އެއީ ވާހަކަ އެއް ދައްކާލަން ވެގެން ރައި ކައިރީގަ ދޯ”އޭނާގެ ހިތުގެ ތެޅުން ހަމައަކަށް އަޅުވާލަމުން ރައިނާ އަށް ވުރެ ކުރިން ޖަވާބު ދިނީ ރާއިލް އެވެ. “އޯހ. މާ ފާޑަކަށް ތިބީމަ ދޯ”ރައިޝާ ބުނެލީ އޭނާގެ އާންމު ރާގުގައި އެވެ.

“ހިނގާބަ އެ ކާޓޫނު ކޮންޓިނިއު ކުރަން ދާން. މިހާރު ދެން ތި ދައްކާ ވާހަކަ އެއް ދައްކާ ނިމިއްޖެ އެއްނުން” ރައިޝާ ބުނެލީ ފަސް ދީފައި އެނބުރި އައި ކޮޅަށް ދަމުން ނެވެ.ވައި އަޑުން ނަސީބެކޭ ބުނުމަށް ފަހު ރައިނާ ވެސް ރައިޝާ ގެ ފަހަތުން ހިނގައިގަތީ ރާއިލް އާއި ދިމާލަށް ބޮޑުވައި އިނގިލި ހިއްލާލަމުން ނެވެ.

ރައިނާ އާއި ރައިޝާ ދިއުމާއި އެކު ރާއިލް ފުންނޭވާ އެއް ދޫކޮށްލި ގޮތުން ހީވީ މިއޮށް ހުރިހާ އިރު އޭނާ ހުރީ ނޭވާ ނުލާ ހެންނެވެ. “ބްރޯ މަ ހީކުރީ ރައިޝާ އަށް އަޑު އިވުން ކަމަށް” ދެ ފަރާތަށް ބޯ ހޫރުވާލަމުން ނުކްޝާން ބުނެލި އެވެ. “މަ ވެސް ކަލޯގަޔާ. މައެ ހިތަށް އެރި މަގޭ ފަހު ދުވަހޭ ވެސް” ރާއިލް ގެ ވާހަކަ އިން އެންމެ ހިނި އައީ ނުކްޝާން ގެ ގާތަށް ށެވެ. “އޭ ދެން ވެސް ހިނގާ މިތަނުން ނިކުމެގެން ދާން. އެހެން ނޫނީ އަނެއްކާ އަަނެއް ކަމެއް ލައި ގަނެފާނެ” ދޮރުގެ ތަޅުގައި ހިފާ އަނބުރާލަމުން ނުކްޝާން ބުނެލި އެވެ. ނުކްޝާން ގެ ބަހަށް އެއްބަސް ވަމުން ރާއިލް އާއި ޒީކާން ވެސް ކޮޓަރިން ނިކުތެވެ.

ޒީކާން މެން ގެއިން ނިކުންނަން ދިޔަ އިރު ރައިނާ އާއި ރައިޝާ ކުރީގައި ވެސް ސޯފާ އަށް ދެމީހުން އަރާ ތިބިހެން ދެފައި ވަށް ކޮށްލައިގެން ފޯނު ހިފައިގެން އޮތެވެ. ޒީކާންމެން ރައިނާ އާއި ރައިޝާ އާއި އަރާ ހަމަވުމާއި އެކު ރައިނާ އެއް ލޯ މަރާލި އެވެ. ހަމައެކަނި ރައިނާ ގެ އެ އަމަލުން އެކަނި ވެސް ރައިނާ އެބުނެލީ ކީކޭ ކަން ޒީކާން މެންނަށް އިނގުނެވެ. ފޯނަށް ގެއްލިފައި އޮތް ވަރުން ރައިޝާގެ ލޮލުގައި ރައިނާގެ އެ ޢަމަލެއް އަޅައިގަންނަ ގޮތެއް ނުވި އެވެ.

ޒީކާން އާއި ނުކްޝާން ގެ އިތުރުން ރާއިލް އެ ދުވަހުގެ ބޮޑުބައި އޭގެ ފަހުން ހޭދަ ކުރީ ގަންނާނެ އެއްޗެހީގެ ލިސްޓެއް ހަދާ އޭގައި ހުރި އެއްޗިހި ގަތުމުގައި އެވެ. ޒިވާގެ އަތުން އެންމެ ރުފިޔާ އެއްވެސް ނަގަން ނުކެރުމުން ނުކްޝާން އަށް ޒީވާ އޭނާ މެލޭޝިޔާ އަށް އައުމުގެ ކުރިން ދިން ދުއިސައްތަ ޑޮލަރު ނުކްޝާން ހޭދަ ކުރީ އެކަމުގައި އެވެ. ނުކްޝާންމެންގެ ނަސީބު ކަން ދިމާ ކުރި ގޮތުން ދެ ޑޮލަރަށް ސަތޭކަ ފުއްޕާ ހަން އިންނަ ކަހަލަ ޕެކެއް ލިބުމުން އޭގެ ދެ ޕެކުގެ އިތުރަށް ފިނިފެންމާ ނުކްޝާންމެން ގަތުނެވެ. އޭގެ އިތުރުންވެސް އެތަން ޑިޒައިން ކުރުމަށް ބޭނުން ވާނޭ ތަފާތު ތަކެތި ގަތުނެވެ. އެހުރިހާ އެއްޗެއް ގަތުމަށް ފަހު ނުކްޝާން މެންނަށް ގަމަޖެހުމުގެ ނޭވާ އެއް ލެވުނީ އެ ދުވަހު ހަވީރު ވެސް ވީ ފަހުން ނެވެ.

“ބޮޑު ދުވަހެއް ތާ” ފެން ވަރައިގެން އައިސް ސޯފާ މައްޗަށް ވެއްޓެމުން ނުކްޝާން ބުނެލީ އެނދުގައި އިށީނދެލައިގެން އިން ޒީކާން ގެ ގާތުގައި އެވެ. “މާދަމާ އެއްނު އަދި ކަންތައް އޮތީ. މިއަދު މީ އަދި ކުޑަ ދުވަހެކޭ ހީ ކޮށްލާ” ޒީކާން ބުނެލީ އެނދުމަތީގައި އޮށޯންނަމުން ނެވެ. “މިއަދު ފިސާރި ހިނގިއްޖެ. މާދަމާ ނުޖެހޭނެ އެވަރު ކުރާކަށް. ދެން ޒީކް އަށް ވާނީ ބޮޑު ދުވަހަކަށް ތާ ދޯ” ވަރުބަލި ކަން އެކުލެވިގެންވާ ރާގެއްގައި ނުކްޝާން ބުނެލީ ޒީކާން އާއި ދިމާކޮށްލާށެވެ. ނުކްޝާން ގެ ބަހަށް ވަކި ދެރަ ނުވާން ވެގެން ޒީކާން ވެސް ހްމްމް އަޅުވާލި އެވެ.

“ކޫ ކައިރީ މާދަން ކީކޭ ކިޔާފަ އޯ ދާނީ ތަން ރެޑީ ކުރަން” ސޯފާ މަތީގައި އެ އޮތް ގޮތަށް އޮވެ ނުކްޝާން ވިސްނާލީ އެކަމާއި މެދު އެވެ. “ނޭނގެ. ނުކް ދޯ ބައްޕަ އަށް ގުޅައިގެން އެތަން ހަމަޖެއްސީ ވެސް. ދެން ދޮގެއް ނުހެދޭނެ ދޯ. ދޮގު ހެދިއަސް އިނގޭނެ ވިއްޔާ” ދެންމެ އޮށޯވެގެން އޮތް ޒީކާން މީހާރު އަނެއްކާ އިނީ އިށީނދެލައިގެން ނެވެ. ނުކްޝާން ބުނެލި ވާހަކަ އިން އޭނާ ވަގުތުން ކޮޅަށް ޖެހުނީ އެވެ. “ހްމްމް ހަމަ ތެދަށް ބުނާނީ. ބުނާނީ ޑްރީމް ސްޓޭ އަށްށޭ މިދަނީ” ނުކްޝާން ގެ ވާހަކައިގެ އެއްބައި އަޑު އިވުނު އިރަށް ޒީކާން އިނީ ދެލޯ ބޮޑު ކޮށްލައިގެން ނެވެ. އެހެން ނަމަވެސް ނުކްޝާން ގެ ވާހަކަ ނިމުމާއި އެކު އޭނާގެ މޫނުމަތިން ކުރިން ފެނުނު އަސަރުތައް ފިލާ ގޮއްސިއެވެ. “ޒީކް ހީކުރީ މަ ބުނާނެ ކަމަށް ތަ ޒީކް ރައިޝާ އަަށް ޕްރޮޕޯސް ކުރާތީ އެ ތަން ރެޑީ ކުރަންނޭ ދަނީ” ފަނޑު ހިނިތުންވުމަކާއި އެކު ނުކްޝާން ބުނެލި އެވެ. “ދެން އެވަރުގެ ކަމެއް މަށެއް ވެސް ނުކުރާނެ ދޯ” ނުކްޝާން ބުނެލީ ތިމަންނަ އަށް އިތުބާރު ކުރާށޭ ބުނާފަދަ ރާގެއްގައި އެވެ.

ވާހަކައިގައި ތިބެފައި ޒީކާން އާއި ނުކްޝާން އަށް ވަގުތު ދިޔަ ގޮތް ވެސް ނޭނގުނެވެ. މަޣުރިބު ނަމާދަށް ގޮވައިފި ކަން ވެސް އެނގުނީ ޒާރާ އައިސް ޓަކި ޖަހާލަމުން ބަންގި ގޮވައިފިއޭ ބުނުމުން ނެވެ. އެރޭ އިޝާ އަށް ވީ އަރަށް ނުކްޝާން ހުރީ ވާނެ ވަރެއް ވެފައި އެވެ. ކިރިޔާ ލޯ ހުޅުވާލައިގެން އިނދެވެނީ އޭ ބުނުމަކުން ދޮގަކަށް ނުވާނެ އެވެ. ވަރުބަލި ވެގެން ގޮސް އޭނާ ވަނީ ވެއްޓެން ކައިރިވެފައި އެވެ. ވާނީ ވެސް އެހެނެއް ނޫން ހެއްޔެވެ. މުޅި މެލޭޝިޔާ ގެ ބޮޑުބައިގައި އޭނާ އުޅުނީ ފައިމަގުގައި ވިއްޔާ އެވެ. ޒިވާ ކައިރީގައި ބުނެގެން ކާރުގައި ނުދިޔައީ ވެސް ޑްރައިވަރ އިންނާނެ ތީ އެވެ. ޑްރައިވަރ އިނިއްޔާ ދެން އެމީހުން ބޭނުން އެއްޗެއް ނަގައިގެން އައިސް ކާރަކަށް ނެރޭނެ އެއް ނޫން ހެއްޔެވެ. އެ ވަރަކުން ކާރަށް ނާރާ މިއަދު އެ ތިން މީހުން އުޅުނީ އެހެންވެ އެވެ. އަނެއް ކޮޅުން އަށާރަ އަހަރު ނުވާތީ އާއި ވެސް އެކުގައި ޒީކާންމެން މީހަކަށް ކާރު ދުއްވެނީކީ ވެސް ނޫނެވެ. ދެން އަށާރަ އަހަރު ނުވަންޏާ ލައިސެންސް ގަނޑެއް ހާ ހިސާބު ވެސް ނޯންނާނެ ތާ އެވެ.

ކައި ނިންމައިގެން އެނބުރި ކޮޓަރި އަށް ވަންނަން ދިޔަ ޒީކާން އަށްށާއި ނުކްޝާން އަށް ކޮޓަރި އަށް ނުވަދެ މަޑު ކުރަން ޖެހުނީ ޒިވާ ގޮވާލުމަށް ފަހު އޭނާގެ ކައިރި އަށް އަންނަން އެދުމުން ނެވެ. ޒިވާ ހަމައެކަނި ގޮވާލުމާއި އެކު ނުކްޝާން ގެ ނިދިގަނޑު ވެސް ފިލައިފިއެވެ. ވާނީ ވެސް އެހެން ތާ އެވެ. ޒިވާ ދައްކަން އުޅޭ ވާހަކަ އަކާއި އެ ދެމީހުންގެ ކުރިމައްޗަށް އަޅަން އުޅޭ ސުވާލު ގޯނި އޭނާ އަށް އެނގޭ ވިއްޔާ އެވެ. އެ ސުވާލު ތަކުގެ ޖަވާބު ޒީކާން ދޭން ވެއްޖެ ނަމަ ޒީކާންގެ ބަސްތައް ޒީކާންގެ އަނގައިން ނިކުންނާނީ ސާފު ސީދާލަށް އެންމެ ގޮތަކަށް ވެސް ކައްޗެއް ނުވެ އެވެ.

“ތުއްތު ބުނި ކޫ ކައިރީގަ ނުކްމެން ޑްރީމް ސްޓޭ ގެ ޓެރަސް ކޮންމެ ވެސް ކަމެއް ކުރަން ބުކް ކުރި ވާހަކަ. އެއީ ކޮން ކަމަކު؟” ޒިވާ އަހާލީ މަޑުމައިތިރި ރާގަކަށް ށެވެ.”އެއީ ނުކް ދިއުމުގެ ކުރިން ކުޑަ ކަމެއް ކޮށްލަން”ނުކްޝާން ބުނެލީ ދޮގެއް ވެސް ނޫން ވިއްޔާ އެވެ. ޒީކާން ލައްވާ ރައިޝާ އަށް ޕްރޮޕޯސް ކުރުވަނީ އޭނާ ދިއުމުގެ ކުރިން އެކަން ނިންމަން ވިއްޔާ އެވެ. ނުކްޝާން ގެ ޖަވާބުން ޒިވާ އިރުކޮޅެއް ވަންދެން ނުކްޝާން އާއި ޒީކާންގެ މޫނާއި ދިމާލަށް ބަލަހައްޓައިލައިގެން އިނެވެ. ހީވާ ގޮތުން ނުކްޝާން ބުނެލި ވާހަކަ އޭނާ އަށް ގަބޫލު ނުކުރެވެނީ އެވެ. އެހެން ނަމަވެސް އިރުކޮޅެއް ވަންދެން އެހެން އިނުމަށް ފަހު އެންމެ ރަނގަޅޭ ޒިވާ ބުނެލި އެވެ.”ކޫ އެހެންވީމާ ނުކްމެން މާދަން ހެނދުނު އެތަން ރެޑީ ކުރަން ދާނަން އިނގޭ” ނުކްޝާން ލިބުނު ފުރުސަތުގައި ޒިވާގެ ކިބައިން އެތަނަށް ދިއުމުގެ ހުއްދަ ހޯދަން އުޅެގަތެވެ. ޒިވާ ހްމްމް އަޅުވާލުމާއި އެކު ހިތާ ހިތުން ޔެސް އޭ ބުނެލުމަށްފަހު ނުކްޝާން އާއި ޒީކާން ކޮޓަރި އަށް ވަންނަން ދިޔަ އެވެ.

“ދެން އެކަން ވެސް އެ ނިމުނީ އެއްނުން” ނުކްޝާން ބުނެލީ ޒީކާންގެ ގާތުގައި އެވެ. ވަގުތުން ޒީކާން ހްމްމް އަޅުވާލައިފި އެވެ. “މިއަދު އެއްކަލަ ގަޑީގަ ރައިޝާ ހުއްޓެއްނު ދޯ ދޮރު ހުޅުވި ގަޑީގަ.އަދި އެވަގުތަށް ވުރެ މާ ބޮޑަށް މަ ބިރުގަތޭ ކޫ ބަލަން ހުރި ގޮތުން” ނުކްޝާން ބުނެލީ ބޯ ކަހާލަމުން ނެވެ. “ނުކް ހީކުރީ ހަމަ ފަޅާ އަރަނީ އޭ”ނުކްޝާން ހީލަމުން ބުނެލީ އޭނާ އަށް ހީވި ގޮތުގެ ވާހަކަ އެވެ. ނުކްޝާން ކިޔަމުން ދިޔަ ކޮންމެ އެއްޗެއް އަޑު އެހުން ނޫން ކަމެއް އެވަގުތު ޒީކާން އެއް ނުކުރި އެވެ.

އިރުކޮޅެއް ވަންދެން ވާހަކަ ދައްކަން ތިބުމަށްފަހު ދެމީހުން ނިދަން އެރީ މާދަމަ އަށް އަދި ބޮޑެތި ތައްޔާރީ ތަކެއް ވާން ހުރުމުންނެވެ.

ނުނިމޭ