މަޖުބޫރުން ވެވުނު ލޯބި 6

އާ ދުވަހަކަށް އިރު އަރައިފިއެވެ. ގޭ އެންމެންނާއެކު ހެނދުނުގެ ސަޔަށް އިންސާފު ކުރަން ތިބި މިކިޔާލް އާއި މިޝްޔާގެ ތުންފަތުގައި ނުފިލާ ހިނިތުންވުމެއް ވިއެވެ. “ދަރިފުޅާ..މަންމަ އަށް ހާދަ ހީވެއޭ ދަރިފުޅުމެން ދެކުދިން ވާހަކައެއް ބުނަން އުޅޭހެން..” މިކިޔާލްގެ މަންމަގެ ސުވާލާއިއެއްކޮށް މިކިޔާލް އަށް ހުރިހާ ދަތެއް ފެންނަ ވަރަށް ހީލެވުނެވެ. “ލައްބަ މަންމާ..މިޝް ބަނޑުބޮޑު..” މިކިޔާލްގެ ވާހަކައިން އެތާތިބިި އެންމެން ހީވީ އީދެއް އައިސްގެން އުޅޭހެންނެވެ. “ދަރިފުޅާ ދެން ދަރިފުޅު ނުވާނެ ގޭގެ އެއްވެސް މަސައްކަތެއް ކޮށްގެންނެއް އިނގޭ..ދަރިފުޅު އުޅެންވާނީ ދެން ވަރަށް ބަލައިގެން އިނގޭ”..މިކިޔާލްގެ މަންމަ މިޝްޔާގެ ބޮލުގައި ފިރުމާލަމުންް ބުނެލިއެވެ.

ދުވަސްތައް ހަލުވި ކަމާއެކު ފާއިތުވަމުން ގޮސް މިހާރު މިޝްޔާގެ ބަނޑަށްވެސް 8 މަސް 9މަސް ފުރުމާއި ގާތް ވަނީއެވެ. ގޭ އެންމެންގެ ފަރާތުން މިޝްޔާއަށް ލިބެމުންދާ ލޯބި ދުވަހެއް ދުވަހަކަށް ދަނީ އިތުރު ވަމުންނެވެ. އެއްދުވަހެއްގެ މެންދުރުގެ ވަގުތެވެ.މިޝްޔާ އިނީ މިކިޔާލްގެ މަންމަމެންނާއި އެކު ގޭގެ ސިޓިންރޫމްގައެވެ. ކުއްލިޔަކަށް މިޝްޔާއަށް މަންމާއޭ ކިޔާ ގޮވާލެވުނީ މިޝްޔާގެ ބަނޑަށްއެރި  ކުއްލި ތަދަކުންނެވެ. ދަތްތައް ޖައްސާ ބަރުކޮސްލިވަރުން އެކަނިވެސް ވޭނަށް ކެއްކުރަން މަސައްކަތް ކުރާކަން އެގިގެންދެއެވެ. ކުޑައިރުކޮޅެއްގެ ތެރޭގައި ޢާއިލާގެ އެންމެންހެން މިޝްޔާ ގޮވައިގެން ހޮސްޕިޓަލަށް މިކިޔާލްގެ ކޮއްކޮ މައިޝާ ދިޔައީ މިކިޔާލް އަށްގުޅަމުންނެވެ.

މިކިޔާލް އަށް ހޮސްޕިޓަލަށް ދެވުން ވަގުތަށްވީ ތުއްތު ކުއްޖެއްގެ ރުއިމުގެ އަޑު އިވިގެން ދިޔަ ވަގުތަށެވެ. އެހެންކަމުން އެންމެންވެސް ކެތްތެރިކަމެއް ނެތި މަޑުކޮށްލައިގެން ތިބީ އެ ކުޑަ ކުޑަ ފުރާނަ ފެނިލާނެ އިރެއްގެ އިންތިޒާރުގައެވެ. ކުޑަ ދަރިފުޅާއި މިޝްޔާ ޕްރައިވެޓް ރޫމް އަކަށް ބަދަލު ކުރުމުން އެންމެން އެއްފަހަރާ އެތެރެއަށް ވަނެވެ. “ދޮންބެދައްތާ..ބޭބީ އަށް ކިޔާނެ ނަމެއް ޗޫޒްކޮށްފިންތަ؟” މައިޝާގެ ސުވާލަށް މިޝްޔާ ނޫނެކޭ ބުނީ އެކަމާމެދު އެހާ ފުންކޮށް ވިސްނިފައި ނެތީމައެވެ.”އެހެންވިއްޔާ މައި ބުނާނަމެއް ކިޔަން ވާނީ..އޮކޭދޯ”މައިޝާ އެހެން އެހުމުން މިކިޔާލް އާއި މިޝްޔާ އަށް ބޯޖަހާލެވުނީ އެކު އެކީގައެވެ. “މީކާއިލް” މައިޝާ ކިޔާލި ނަން އެންމެންނަށް ވެސް ރީތިވިއެވެ.

4 އަހަރުފަސް

މިކިޔާލްގެ ކުޑަ ކުޑަ ޢާއިލާ ތައްޔާރުވަމުން ދިޔައީ މައިޝާ އާއި މުނާޒްގެ ކައިވެނި ޕާޓީ އަށް ދިޔުމަށެވެ. މަޑު ނޫކުލައިގެ މެކްސީ އެއްގައި ހުރިއިރު މިޝްޔާގެ ރީތިކަން އިތުރު ކޮށްދެނީ 5 މަހަށްދާ ބަނޑުންނެވެ. “ދަރިފުޅު ހިނގާ އަވަހަށް ދާންދޯ..” މިކިޔާލް އުރާލަމުން މިޝްޔާ ގަޔާއި ކައިރި ކޮއްލާ މިކިޔާލް ބުނެލިއެވެ.އެވަގުތު މިޝްޔާ މިކިޔާލްގެ އަތުގައި ހިފާލީ ދުވަހަކުވެސް ދޫކޮށްލާފާ ނުދާނަމޭ ބުނާ ފަދައަކުންނެވެ. އޭނާ އާއިި މިކިޔާލްގެ ގުޅުމަކީ ކޮންމެ ކަހަލަ ގޮތަކަށް ފެށުނު ގުޅުމެއް ނަމަވެސް މިޔަދު މިޝްޔާ މިކިޔާލް ދެކެ އިންތިހާ އަށް ލޯބި ވެއެވެ.

ނިމުނީ

Insha allah vrh avahah alhugandhuge ehn vhk eh kiyaalan libeyne …kiyun therin dhehvaa support ah alhugandhuge hithuge funminun shukuru dhannavan..love you so much