ވާނޭކަމެއް ނޫން!

ރީތި ހުތުރުން މިނެ ކިރުން އޭ މޮޔަ ހިތަށް ވާނޭ ކަމެއް ނޫން
ލޭގެ ހިނގުމަށް އަޑުގެ ޖާދޫ އެކުވެ ފެތުރި ހިމޭން ވުމުން
މޭގެ ރިހުމާ ލޮލުގެ ތެތްކަން ހުރުމަކީ ޖާއިޒު ކަމެއް ނޫން
ކަންފަތަށް ތައުރީފު އޮހުމުން ހިތް އެދޭ މިތުރުގެ ދުލުން
ހިތްފަސޭހަނުވާނެ މަގަކުން ދިއުމަކީ ވާނޭ ކަމެއް ނޫން
މަންމަނެއްގެ މިސާލުގައި ބަސް،ހުއްޓުމީ އެދެވޭ ގޮތެއް ނޫން
ފޮރުވުމުން ލޯބީގެ އޮށްތައް ހިތުތެރޭ ސިއްރުން އެކަނި
ކުރިފަޅާ އާރޯކަމާއެކު ހެދުމަކީވެސް ދުރުކަމެއް ނޫން
ރޯކުރާ ލޯބީގެ ހުޅުކޮޅު، ނަފްރަތުގެ އަލިފާނުގައި
ދޫކުރީމާ އޭގެ ހޫނުން އެނދުމަކީ ބޭނުން ގޮތެއް ނޫން
ހިތްހަދާ ތައްގަނޑުތަކަށް މީހަކު ފެތޭހިނދު މަޑުމަޑުން
ހިތުގެ ކޭތަ ފިލާ ދެތިންތަރި ފިޔަ ޖެހުމަކީ އާކަމެއް ނޫން
ލޯބި ފާލުން ނެއްޓިގޮސް ކޫރެއް އެޅިއްޖެ ހިތެއް އެއީ
މާބުރާ ބަޅިނދުގެ ބަހާނާ ގައި ބޭހޭނޭ ޚާދިމެއް ނޫން