ތިނެސްކަން ލޯބި (ޓްރެއިލާ)

﷽

އައްސަލާމުޢަލައިކުމް

މިއީ އަޅުގަނޑު މި ސައިޓަށް ލިޔާ ފުރަތަމަ ދިގު ވާހަކައެވެ. މިއީ އަޅުގަނޑުގެ އަމިއްލަ ޙިޔާލުގެ މައްޗަށް ލިޔާ ލޯބީގެ މުޅިން ތަފާތު ވާހަކައެކެވެ. މި ވާހަކަ ކުރިއަށް ގެންދިޔުމަށް ޓަކައި ތިޔަ ލޮބުވެތި ކިޔުންތެރިންގެ ލޮއެއްބާއި އެއްބާރުލުން ނުހަނު ބޭނުންކަމަށް ފާހަގަކޮށްލަމެވެ.

ވިޔަފާރީގެ ދުނިޔޭގައި މުޅިން ތަފާތު މިޒާޖުގެ މީސްމީހުންނާއި ދިމާވެ ފެނިދެނިވެ ވާހަކަދެކެވި އެކަކު އަނެކަކާ އޮންނަ ގުޅުން ވަރުގަދަވެގެންދެއެވެ. ވާދަވެރިކަން އެއްބައެއް އަނެއްބައެއްގެ މެދުގައި އޮތްކަމުގައިވިޔަސް އެކަން ހާމަނުކުރާނެކަންގައިމެވެ. މިފަދަ ގުޅުންތަކުގެ ސަބަބުން ވިޔަފާރިވެރިން އެމީހުންގެ ދަރިން ވެސް އެކަކު އަނެކަކަށް ތަޢާރަފުކޮށްދީ ބޮޑެތި ވިޔާފާރިވެރިންގެ ގުޅުންތަކުގެ ސިއްކަ ވަރުގަދަ ކުރުމަށް މަސައްކަތްކުރެއެވެ. މުސްކުޅިވެ ގައިބާރު ދެރަވުމުގެ ސަބަބުން ދެން އެ ވިޔާފާރިވެރިންގެ ވާރުތަވެރިން އެ ވިޔަފާރިތަކާ ހަވާލުވެއެވެ. މިލްކުވެރިންގެ ގުޅުންތަކުގެ ފެށުން އަންނަނީ މިހާހިސާބުންނެވެ.

ރާއްޖޭގައި އޮތް އެންމެ ވަރުގަދަ “ވިޔަފާރިވެރިންގެ މާލަން” ބޮޑު އިވެންޓުގެ ތެރެއިން ތަފާތު ޒުވާން ވިޔަފާރިވެރިންނާއި ދިމާވެއެވެ. މި ބޮޑު އިވެންޓުގެ ތެރެއިން ‘ވިޔަފާރި’ މި ލަފުޒުގެ ކުލަ ފަނޑުވަމުން ގޮސް ‘ލޯބި’ މި ލަފުޒުގެ ކުލަ ގަދަވާނެކަމަށް ހީކުރާނީ ކާކު ހެއްޔެވެ؟ އެއް ރަހިމަކުން އުފަންނުވިޔަސް އެއް ލެޔެއް ހިނގާ ޒުވާން ދެ ވިޔަފާރިވެރިންނަށް ލޯބިވެވެނީ އެކެއް ދެކެ ކަމެއް އިނގޭނީ ކިހިނެއް ހެއްޔެވެ؟ ވަރުގަދަ ގުޅުމެއްގެ ނިމުން އަންނާނީ ކިހިނެއް ކަމެއް ލަފާކޮށްލާނީ ވެސް ކިހިނެއް ހެއްޔެވެ؟ މިފަދަ ވިޔަފާރީގެ ގުޅުންތަކުގެ ސަބަބުން ލޯބީގެ ގުޅުމެއްގެ ފެށުން އަންނާނީ މިފަދައިން ކަމެއް އިނގޭނޭ ހެއްޔެވެ؟ ނަމަވެސް އެފަދަ ގުޅުމެއްގެ ބިންގާ އެޅިއްޖެއެވެ. ވިޔަފާރީގެ ދުނިޔޭގައި ޒުވާން ވިޔަފާރިވެރިންތަކެއްގެ މެދުގައި ތިނެސްކަން ލޮއެއްބެއްގެ ބިންގާ އެޅިއްޖެއެވެ.

މައިގަނޑު ޝަޙުޞިއްޔަތުތައް:

ޒިވިއަން:

ޒާލިމް ޒާކިރާއި ބަލްގިސް އަބްދުއްރަޙްމާނުގެ ދޮށީ ދަރިފުޅެވެ. ޢުމުރުން 27 އަހަރުގެ ޒުވާން ވިޔަފާރިވެރިއެކެވެ. އަންހެން ކުދިންގެ ހިތްތަކުގެ ރާޖާއެވެ. ނަމަވެސް އެ ކުދިންގެ ހިތްތައް ޒަޚަމްކޮށްލުމަށްފަހު ޒިވިއަންއަށް ލޯބިވެވެނީ އޭނާ އެންމެ ހީނުކުރާ ކުއްޖާދެކެއެވެ.

މެހެކް:

މަމްދޫހް މުޙައްމަދާއި މަލައިކާ ނާޒިރުގެ އެންމެ ހަގު އަދި ހުރިހަމައެކަނި އަންހެން ދަރިއެވެ. ޢުމުރުން 22 އަހަރުގެ ޒުވާން ރީތި ޖިންސުއްލަތީފެކެވެ. ބައްޕަގެ މިލްކިއްޔާތުގެ ހުރިހާ މުދަލެއްގެ ވާރުތަވެރިޔާއޭ ބުނުމަކުން ދޮގަކަށްނުވާނެއެވެ. ހުރިހަމައެކަނި އަންހެން ކުއްޖާޔަށްވުމުން ކަމަށް ވެސް ވެދާނެއެވެ. މެހެކަށް ލޯބިވެވެނީ އޭނާ އެންމެ ހީނުކުރާ ޒުވާނެއްދެކެއެވެ.

ޒާން:

ޒާލިމް ޒާކިރުގެ ހުރިހަމައެކަނި ކޮއްކޮ ޒޫނާ ޒާކިރާއި ސަލީމް އަޙުމަދުގެ ދޮށީ ދަރިފުޅެވެ. ޢުމުރުން 26 އަހަރުގެ އަންހެން ކުދިންގެ ‘ޝެހެޒާދެވެ’. އެއްމަލުން ފޮނިބޮމުން އަނެއް މަލުގެ ރަހަ ބަލަމުން ދުވާ މާބުރެއްހެން އަންހެންކުދިން ބޭނުންކުރަމުންދާއިރު ޒާންއަށް ލޯބިވެވެނީ ކުޑައިރުންފެށިގެން ވެސް “ކްރަޝް” ގެ ލަޤަބުދީފައިވާ ޒުވާން ހޫރުލްޢީނަކާއެވެ.

މިވާހަކައިގެ ފުރަތަމަ ބައި އިންޝާﷲ ވަރަށް އަވަހަށް ކިޔާލަން ލިބޭނެއެވެ….އިންތިޒާރުކޮށްލައްވާ!