ނަން ކަލާގެ މިހިތުގެގައި ފެވިއްޖޭ…45

“އޭ ނާޔާ.މިޝް އަށް އިނގޭ އިނގޭ ތިހެން ބުންޏަސް މިޝް އާ ކަން ތި ދިމާ ކުރަނީ”މިޝްޔާ ނަވްޔާ ބަލާލުމާއި އެކީގައި ހެން ދެލޯ މައްޗަށް ހިންގާލިއެވެ.”ހެހެ ސޮރީ ސޮރީ”ނަވްޔާ ހީލަމުން މިޝްޔާ ގާތު މާފަށް އެދުނު ގޮތުން އެހެން އެންމެން ގާތަށް ވެސް ހިނި އައެވެ.”މެސީ ވެސް މާ މޮޅެއް ނޫން އިނގޭ.މެސީ ޖެހި ޕެނެލްޓީ އެއް ނުވަން”މިޝްޔާ ތުން އަނބުރާލަމުން ނަވްޔާ އާއި ދިމާލަށް ބުނެލި އެވެ.”ހެވެއްނު.މެސީވާ ކޮޕަ އެމެރިކާގެ ސެމީއަށް ގޮއްސި.ރޮނާލްޑޯ ޔޫރޯގެ ސެމީ އަށް ވެސް ނުދިޔަ”ދެން އިވިގެން ދިޔައީ އެންމެން ވެސް އެންމެ އެމީހެއްގެ އަޑު ނީވޭނެ ކަމަށް އުންމީދުކުރި މީހާގެ އަޑެވެ.

********************************

އާދެ ޒީކާން ގެ އަޑެވެ.މިޝްޔާ ވެސް އުންމީދު ނުކޮށް ހުއްޓާ ޒީކާން އޭނާ އަށް ރައްދު ދިނުމުން ޚުދު މިޝްޔާ އަށް ވެސް ސިހުމެއް ލިބުނެވެ.ނަމަވެސް ޒީކާން އެއް ކަމަކު ދޫ ދޭކަށް މިޝްޔާ އެއް ވެސް ބޭނުމެއް ނުވިއެވެ.ވާނީ ވެސް އެހެން ތާ އެވެ.ކޮންމެ މީހަކު ވެސް އެމީހަކު ތާއީދުކުރާ ފަރާތް އެހެން މީހުންގެ މަލާމާތުން ސަލާމަތް ކުރާނެތާ އެވެ.

“ރޮނާލްޑޯ ދޫ ދިނީ ޔޭ”އިރުކޮޅެއް ވަންދެން އެއްޗެކޭ ނުބުނެ ހުރެފައި މިޝްޔާ ބުނެލި ވާހަކައިގެ ސަބަބުން އެންމެ ފޯރި އެރީ ނަވްޔާ އަށްށެވެ.”އެހެންވިއްޔާ ބްރެޒިލް ވެސް ދޫ ދިނީ”ނަވްޔާ އެއް ބުމަ އަރުވާލީ މިޝްޔާ އަށް ފޮނި ކަނޑާލަން ތޯ އެއްޗެކެވެ.”އާނ މެސީ ވެސް ދޫ ދިނީ އެހެން ވީމަ.ޕެނެލްޓީ ނުވެއްދީ އެހެން ވެގެންނޭ.އިކުއެޑާ ދެން އެއްކަލަ ބަލި ޓީމެއް ވީމަ”ޒީކާން އެއްވެސް އަސަރެއް ނެތް ގޮތަކަށް ބުނެލި އެވެ.

“ދެން ކީއްވެ ޔޯ މެސީ ސަލާމަތް ކުރަންނޭ ކިޔާފަ އެމީ ގޯލްތައް ސޭވް ކުރީ”މިޝްޔާ ދެބުމަ ގޮށްޖަހާލިއެވެ.”އެއީ އެމީ މާރޓިނޭޒް ގެ އަމިއްލަ ކަމެއް ދޯ”ޒީކާން އަދި ވެސް މިޝްޔާ އަށް ދޫދޭކަށް ނޫޅެއެވެ.ކިތަންމެ މަޑުން ހުއްޓެއް ކަމަކު ފުޓުބޯޅަ އަށް ފޯރި ހުންނަ ސޮރެއްތާ އެވެ.

“އޭއި ބޭކާރު ވާހަކަ ނުދައްކާ އިނގޭ.މެސީ ދޫ ދިނީކީ އެއް ނޫން.ހަމަ ޕެނެލްޓީ ނުވަދުނީ މުސްކުޅި ކަމުން”މިޝްޔާ ބޭކާރު ވާހަކަ ނުދައްކަން އަމުރު ކުރި ގޮތުން ހީވީ އެއީ މާ ބޮޑު މީހެއް ހެނެވެ.”ރޮނާލްޑޯ އެ ދެން މާ ޒުވާން މީހެއްތަ؟އޭނ.މެސީ އަށް ވުރެ ދެ އަހަރު ބޮޑޭ.ދެ އަހަރު.ދެން ބޭކާރު ވާހަކަ ނުދައްކާ ބަސް އަހައިގެން އިނދޭ.އަނެއް ފަހަރު އަނެއް ޔޫރޯގަ ކުޅެންއަރަން ރޮނާލްޑޯ އަށް މެސެޖު ކޮށްފަ.ދެ ޔޫރޯ ހަމަ ކޮށްފަ ނޫނީ މައިތިރި ނޫވާށޭ އެސޮރު ކައިރީގައި ބުނެލާތި”ޒީކާން ބުނެލީ ނަރުހުންތެރި ރާގެއްގައި އެވެ.ޒީކާން ގެ ރާގު ހުރި ގޮތުން މިޝްޔާ އަށް ވެސް ދެވަނަ ފަހަރު އަނގަ ހުޅުވާލާކަށް ނުކެރުނެވެ.

މުޅި ތިން އެކީގައި ތައްޔާރު ކޮށް ނިންމާ ލަމުން އެންމެން ފަހަރަކު ތަނެއް ބަލަމުން ދިޔައީ ހިތްހަމަ ނުޖެހޭ ވަރުގެ ކުޑަ ތަންކޮޅެއް ވެސް އިންތޯ އެވެ.އެކި ދިމަ ދިމާަލަށް ނަޒަރު ހިންގަމުން ދިޔަ މިޝްޔާ ފަހަރަކަށް ވުރެ ފަހަރެއް ފަހަތަށް ޖެހެމުން ދިޔައީ ފަހަތް ބެލުމެއް ނެތި އެވެ.ފަހަތަށް ޖެހެމުން ޖެހެމުން ގޮސް މިޝްޔާ މައިތިރިވީ މީހެއްގެ ގައިގައި ޖެހުމުން ނެވެ.

ޒާރާ ރީތި ޑިޒައިން އަކުން “ހެޕީ ބާރތް ޑޭ އައިކާ”ޖަހާފައި އިން ލަކުޑިން ހަދާފައި އިން އެއްޗެއްގައި ފެން ކުލަ ހާކައި ނިންމާލަމުން ޒީކާންގެ އަތަށް ޕެލެޓު ދިނީ ހިފަހައްޓައިލުމަށް އެދެމުންނެވެ.”އެބަ އަންނަން އިނގޭ”ޒާރާ ޒީކާންގެ އަތަށް ޕެލެޓަކާއި ޕެލެޓެއް ދޫކޮށްލާފައި ދިޔައީ ކާގެ އާއި ދިމާލަށް ށެވެ.

ޒާރާ ދިއުމުން ޕެލެޓު އެއް އަތުން ހިފައިގެން އަނެއް އަތުން ފޯނާއި ކުޅެން ހުރި ޒީކާން އަށް ސިހުމެއް ލިބުނީ އޭނާ ޕެލެޓު ހިފައިގެން ހުރި އަތުގައި މީހަކު ޖެހިގަތުމުން ނެވެ.އެދިޔަ ގޮތަށް ގޮސް ޕެލެޓު އޭނާ ގެ މޫނުގައި ޖެހުމުން އޭގައި ހުރި ފެން ކުލަތައް ވެސް މޫނުގެ އެއްބައި ގައި ހޭކުނެވެ.

އަރައިގެން އައި ރުޅިން އޭނާގެ އަތުގައި ޖެހުނު ކުއްޖާ އާއި ދިމާލަށް ބަލައިލީ ފަހަރެއްގައި ވެސް މިޝްޔާ އަށް ވެދާނެ ކަމަކަށް ނޫނެވެ.”ބަލައިގެން އުޅެން ވެސް ނޭނގެނީ އޭ ދޯ”ހިތްހަމަނުޖެހިފައި ހުރި ރާގެއްގައި ޒީކާން ބުނެލީ ދެބުމަ ގޮށް ޖަހާލަމުންނެވެ.މިކުއްޖާފުޅު ހަމަ ރަނގަޅަށް ވެސް އޭނާ މޮޔަކޮށްލާނެ އެވެ.ކުރަނީ އެވަރެއް ނޫން ވިއްޔާ އެވެ.މިއަދު މޫނުގައި ފެން ކުލަ އަނގުޅުނިއްޔާ މާދަން މިޝްޔާ އާއި ހެދި މޫނުގައި އުނގުޅޭނީ ކާން އިން ބަތްތަށި ނޫން ކަމެއް ނޭނގެއެވެ.

“ބަލައިގެންނޭ އުޅުނީ.ޒީކާން ހީކުރީ ލޯ މަރައިގެން ކަމަށްތަ މިޝް އުޅުނީ”ޒީކާން އަށް ވަކި ދޫ ދޭން ބޭނުން ނުވާތީ މިޝްޔާ ބުނެލި އެވެ.”ލޯ މަރައިގެން އުޅޭތީ އެއްނު ތި ވަރު ވަނީ”ޒީކާން ބުނެލީ މޫނުގެ އެއްފަޅީގައި ހުރި ފެން ކުލަތައް ފޮހެލަމުންނެވެ.ޒީކާން އިތުރަށް މިޝްޔާ އަށް ވާހަކަ ދައްކާނެ ފުރުސަތެއް ނުދީ ދާން ހިނގައިގަތީ ހޭން ހުރި ނުކްޝާން އަށް ލޯ އަޅާލަމުންނެވެ.

“އޭއި މި ޒީކް ވެސް މިހާރު ވަރަށް އަނގަ ގަދަ ވެއްޖެ އޭ ދޯ”ޒީކާން ނުކްޝާން ފަހަނަ އަޅާދިއުމުން ޒީކާން އަށް އަޑު އިއްވުމުގެ ގޮތުން ނުކްޝާން ބުނެލީ ރިޔާން ގެ ކަންފަތް ދޮށުގައި އެވެ.ހަމަ ޖެއްސުމަށް ތޯ އެއްޗެކެވެ.ޒީކާން ނުކްޝާން އާއި ދިމާލަށް ބަލައިލަމުން ދެބުމަ ގޮށްޖަހާލީ މަ އަނގަ ގަދަ ކަން އަދި ދައްކައިދޭނަމޭ ބުނާފަދަ ގޮތަކަށްށެވެ.

ކާގެ ތެރެ އަށް އަޅާލި އެންމެ ފުރަތަމަ ފިޔަވަޅާއި އެކީ ވެސް ޒާރާ ގަނޑު ވެގެން ދިޔައީ އައިސް އަލަމާރި ކައިރީގައި ހުރި ކިޔާން ފެނުމުންނެވެ.ހިތުގެ ތެޅުން އިންތިހާ އަށް ބާރުވެ އަތްފައި ފިނިވީ ސިކުންތު ކޮޅެއްގެ ތެރޭގައި އެވެ.އިރުކޮޅެއް ވަންދެން ކިޔާން އާއި ދިމާލަށް ބަލަހައްޓައިގެން ޒާރާ އަށް ހުރެވުނެވެ.ކިތަންމެ ނޫން ކަމަށް ހެދިގެން އުޅުނެއް ކަމަކު ހިތުގައި އަދި ވެސް ކިޔާންގެ ނަން ފެވިފައިވާ ކަމީ ޚުދު ޒާރާ އަށް ވެސް އިނގޭ ކަމެކެވެ.ނަމަވެސް ގަބޫލު ކުރަން ބޭނުން ނުވާ ހަގީގަތެކެވެ.

ކިޔާން އާއި ދިމާލަށް ބަލަހައްޓައިގެން ހުރި ޒާރާ އަށް އެހެން ދިމާލަކަށް ނަޒަރު ހުއްޓާލަން މަޖުބޫރުވީ ކިޔާން ޒާރާ އާއި ދިމާލަށް އެނބުރުމުންނެވެ.ހަލުވި ފިޔަވަޅުތަކެއްގައި އައިސް ޒާރާ ސިންކު ކައިރީގައި ހުއްޓުނީ ކިޔާންގެ ނަޒަރު ހުއްޓިފައިި ހުރީ އޭނާ އަށް ކަމަށް ހީކޮށްށެވެ.އެހެން ނަމަވެސް ޒާރާ ހީކުރި ގޮތާއި ޚިލާފަށް ޒާރާ ސިންކު ކައިރިން ދުރަށް ޖެހިލުމަށްފަހު ވެސް ކިޔާންގެ ނަޒަރު ސިކުންތުކޮޅަކަށް ވެސް ޒާރާ އާއި ދިމާލަށް ދަތުރުނުކޮށްލަ އެވެ.ކޮންމެ މީހެއްގެ ވެސް އޮންނަނީ ހިތެކެވެ.އެ ހިތަށް ވެސް ކެތް ވާނީ ވަކި ވަރަކަށްށެވެ.

ޒާރާ ކާގެ އިން ނުކުތުމާއި އެކީ ހެން ކިޔާން ޒާރާ ދިޔަ ދިމާލަށް ބަލައިލިއެވެ.އެ ދެލޮލުގައި ވާ އާދޭހާއި ހިތާމަ ޒާރާ އަށް ފެންނާނެ ނަމައެވެ.އާދޭސް ކޮށްކޮށް މިހާރު އޭނާ ވަރުބަލި ވެއްޖެއެވެ.ދެން ޒާރާގެ ފަހަތުން އޭނާ އާދޭސް ކުރާކަށް ނުދުވާނެ އެވެ.ޒާރާ އަމިއްލަ އަށް ހަގީގަތް އެނގިގެން އޭނާގެ ގާތަށް އައީޔާ އައީ އެވެ.ނައީޔާ ނައީ އެވެ.

އަސުރު ނަމާދުން ފައިބައިގެން އައި ޝައުން ގޭތެެރެ އަށް އަޅާލި ފުރަތަމަ ފިޔަވަޅާއި އެކީގައި ޝަހްނާގެ އަޑު ކަންފަތުގައި ޖެހުނެވެ.އަޑު އައީ ޝަހްނާ ގެ ކޮޓަރި ތެރެއިން ނެވެ.މަޑު މަޑުން ދޮރު ކައިރީގައި ހުއްޓިލި ޝައުން އަށް ޝަހްނާ ބުނެލި ވާހަކަ އިން ލިބުނު ސިހުމުގައި ފަހަތަށް ފިޔަވަޅެއް އަޅާލެވުނެވެ.

ނުނިމޭ 

ކުރިން ހަފްތާގެ އެޕިސޯޑްތައް ނުގެނެސް ދެވުން ކަމަށްޓަކައި ކިޔުންތެރިންގެ ކިބައިން ނިހާޔަތަށް މާފަށް އެދެން.އިން ޝާ ﷲ ދެން މީގެ ފަހުން ވާހަކަ ގެނެސްދޭން ބުނާ ދުވަހު ވާހަކަ ގެނެސްދޭނަން.

އަޅުގަނޑު ގެ ދެ ޓެސްޓް އެއް މިއަދު(14 ޖުލައި)ގައި އޮތުމުގެ ސަބަބުން ބުދަ ބުރާސްފަތި ހުކުރު ހޮނިހިރު ދުވަހު ވާހަކަ ލިޔާނެ ވަގުތެއް ނުލިބުނީ.އެހެންވެ ވާހަކަ ބުނި ދުވަހު ކިޔާލަން ނުކިބުނީ.އަދި ވެސް އެއްފަހަރު މާފަށް އެެދެން

މި އެޕިސޯޑް ލިޔުންތެރިންނަށް ރީތި ވާނެ ކަމަށް އުންމީދު ކުރަން.ދެން އިން އެޕިސޯޑް އިން ޝާ ﷲ އަންގާރަ ނޫނީ ބުދަ ދުވަހު ކިޔާލަން ކިބޭނެ.