ނަން ކަލާގެ މިހިތުގައި ފެވިއްޖޭ…30

އައިކާ ގެ ކޮޓަރީގައި އިން ޒާރާ ބޭރަށް ނިކުމެލީ ޒީކާން ގެ ކޯލެއް އައުމުންނެވެ.

ގޯތި ތެރޭގައި ހުރި ޒާރާ އަށް ފަހަތުގައި ކިޔާން ހުރި ކަމެއް ނޭނގެއެވެ.ޒީކާން އާއި ވާހަކަ ދައްކާ ނިންމާފައި އެނބުރުނު ޒާރާ އަށް ކުއްްލި ސިހުމެއް ލިބުނީ ގާތުގައި ހުރި ކިޔާން ފެނުމުންނެވެ.”ކިޔާން ކީތް ތި ކުރަނީ މިތާ؟”ޒާރާ އެސުވާލު ކޮށްލީ ދައްކާނެ ވާހަކަ އެއް ނެތުމުން ނެވެ.”އަނެއްހެން ކަމެއް ނުކުރަން”ކިޔާން ޒާރާ އަށް ހިނިތުންވުމެއް ހަދިޔާ ކޮށްލިއެވެ.”އަމްމް ޒާ މިއަދު ހަވީރު އަހަންނާ އެއްކޮށް ތަނަކަށް ދެވިދާނެ ތަ؟ޕްލީޒް ޑޯންޓް ސޭ ނޯ”ކިޔާން އާދޭސް ކޮށްލިއެވެ.ކިޔާންގެ އާދޭސްތަކަށް ބީރުކަންފަތެއް ނުދީ ޒާރާ ވެސް ކިޔާން އާއި އެކީ ދާން އެއްބަސް ވެލިއެވެ.

*************************

ޒާރާ ގެއަށް ވަދެގެން ދިޔަ ތަނަށް ބަލަހައްޓައިގެން ހުރި ކިޔާންގެ ތުންފަތް މައްޗަށް ހިނިތުންވުމެއް ވެރިވިއެވެ.”ކޮބާ މަ ބުނީ މެންނު ޒާ ނޯ އޭ ނުބުނާނޭ.ނާޔާ ބުންޏޭ ޒާ ކިޔާން ދެކެ ލައިކްވާ ހެން ނާޔާ އަށް ހީވެއޭ”މިލާން ބުމަ އަރުވާލީ އޭނާ ފިލާ ހުރި ތަނުން ނިކުންނަމުން ނެވެ.ޒާރާ ޒީކާން އަށް ގުޅައިގެން ހުރުމުން ކިޔާން އެތަނަށް ފޮނުވީ މިލާން އެވެ.”ނާޔާ އަށް ކިހިނެތް ތަ އިނގެނީ”ކިޔާން ބުނެލީ މިލާން އެހެން ބުނެލީ މަޖަލަކަށް ކަމަށް ހިތާ އެވެ.”ކިޔާން ޒާ ދެކެ ލައިކް ވާކަން އަހަރުންނަށް އިނގޭ އިރު ދެން ޒާގެ ކަންތައްތައް ވަކި ނާޔާމެންނަަށް ނޭނގޭނެތަ؟”މިލާން ކިޔާންގެ މޮޔަކަމާއި މެދު މަލާމާތް ކޮށްލިއެވެ.

އައިކާމެން ކޮޓަރި އަށް ވަދެގެން އައި ޒާރާގެ މޫނަށް ބަލާފައި ނަވްޔާ އާއި ލައިނީގެ އިތުރުން އައިކާ އަށް ވެސް ކަމެއް ވެއްޖެކަން އިނގުނެވެ.ޒާރާ ކިޔާން އޭނާ ގާތު އެދުނު ކަންތަކުގެ ވާހަކަ ނަވްޔާމެންނަށް ހިއްސާކުރި އެވެ.”ޒާ ކިޔާން ދެކެ ލޯބި ވޭތަ؟”އައިކާ އަހާލީ ޒާރާގެ މޫނުމަތީގައި ހުރި ކުލަވަރުތަކެއް ދިރާސާ ކޮށްލަމުން ނެވެ.”އައި ތިންކް އައި ލަވް ހިމް”ޒާރާ އެއްވެސް ފޮރުވުމެއް ނެތި އޭނާގެ އެކުވެރިންނަށް އޭނާގެ އިހުސާސްތައް ކިޔާލަދިނެވެ.”ކިހިނެތް ހަދާނީ ކިޔާން އެތަނަށް ގޮއްސަ ޕްރޮޕޯޒް ކޮށްފިއްޔާ”ނަވްޔާ އެސުވާލު ކޮށްލީ ޒާރާގެ ޖަވާބު އަޑު އެހުމުގެ ބޭނުމު ގައި އެވެ.”ބުނާނީ ރިޔާންގެ ޕާޓީ ގަ ޖަވާބު ދޭނަމޭ.ކުޑަ ކޮށް އިންތިޒާރު ވެސް ކުރުވަން ޖެހޭނެ ތާ ދޯ”ޒާރާ އެނާގެ އެކުވެރިންނަށް ދޯ ދިނެވެ.ނަވްޔާމެން ވެސް އެކަކު އަނެކަކާއި ދިމާލަށް ބަލައިލަމުން ހީލަމުން އެމީހުން ކުރަމުން ދިޔަ ކަންކަމައިގެން މަސްއޫލު ވިއެވެ.

ހަވީރު ގެ ވަގުތެވެ.މިއަދު ވެސް އޮތީ އެހެން ދުވަސްތަކެކޭ އެއްފަދައިން ބަނަ ކޮށްށެވެ.ކަޅު ވިލާތަކުން އުޑުމަތި ބައްދާލައިފައި އޮތް އިރު ހީވަނީ ދެންމެ ދެންމެ ވެސް ވިއްސާރަ އޮއްސާލައިގަންފާނެ ހެންނެވެ.ކައިޔަން ގެ އިންތިޒާރުގައި ވަލުކައިރީގައި ހުރި އީޝާ ދިޔައީ ގަޑި ބަލަމުންނެވެ.ލައިގެން ހުރި ހުދު ކުލައިގެ ގަމީސް ހުރީ ކިރިޔާ އަތް ހިއްލާލި އަސް ބަނޑު ފެންނަ ވަރަށްށެވެ.މަޑު ނޫކުލައިގެ ރިޕްޑް ޖިންސް ވެސް ހުރީ ފަޔަށް ހިފާލާފައި އެވެ.އިސްތަށިގަނޑު ވަޔާ ވިހުރެން ދޫކޮށްލާފައި ހުރި އިރު މޫނުމަތިން މައުސޫމް ކަން ފެންނަން ހުއްޓެވެ.އެ މައުސޫމް ކަމުގެ ފަހަތުގައި ވާ ބޮޑާ ވެރިކަން ފެންނަ އެއްވެސް މީހަކު އީޝާ އާއި ދިމާލަށް ބަލާވެސް ނުލާނެކަން ކަށަވަރެވެ.

“ކޮބާ ކައިޔަން ކަލޭ.މިހާރު ގަޑިން ހަތަރު ގަޑި ބައިވީ އެއްނު”އީޝާ ބުނެލީ ނުރުހުމުގެ ރާގެއްގައި އެވެ.އަންނަން ބުނި ގަޑި ފާއިތުވީ އިރު ވެސް ކައިޔަން ނައުމުން އީޝާ ހުރީ ހިތްހަމަނުޖެހިފައި އެވެ.”މިއުޅެނީ ވަރަށް ސީރިއަސް ކަމެއް ވެގެންނޭ”އެކޮޅުން ކައިޔަން ބުނެލި އެވެ.”ކޮން ސީރިއަސް ކަމެކޭ ކިޔާކަށް.މަ ޖެއްސި ކަމަށް ވުރެ ސީރިއަސް ކަމެއް ކަލޭ އަކަށް ނޯންނާނެ.ކަލޭ ބުނި ވަރަށް ލާރި ވެސް ދިނިން ދޯ”އީޝާ ގެ އަޑު ކުރި އަށް ވުރެ ބާރު ވިއެވެ.”އީޝާ ބުނި ކަމެކޭ ކުރަންމި އުޅެނީ”ކައިޔަން ހިތްހަމަނުޖެހުނީ އޭނާ ދައްކާ ވާހަކަ ނުނިމެނީސް އީޝާ އޭނަ އާއި ދިމާލަށް އެއްޗިހި ކިއުމުންނެވެ.”މި އުޅެނީ އެއްކަލަ ޒާރާ އާ ކިޔާން އާ ދެމީހުން ބްލެކް ފްލާވާރ އަށް ދިޔަތަން ފެނިގެން އެމީހުންނަށް ފާރަލާން ވެގެން”ކައިޔަންގެ ވާހަކަ އަޑު އަހަން ހުރި އީޝާ ގެ މޫނުމަތިން ސީރިއަސްކަން ފާޅުވި އެވެ.”އޭނ.އޯކޭ ކައިޔަން އެމީހުން ވީޑިއޯ ކުރާތި ދައްކާ ވާހަކަ އަޑު އިވޭ ވަރު ކުރާތި.މަ އެބަ ދަން ޝަހޫ ނަގައިގެން”އީޝާ ކައިޔަން އަށް އެއްޗެކޭ ބުނުމުގެ ފުރުސަތު ނުދީ ފޯނު ކަނޑާލިއެވެ.

ކިޔާން ޒާރާ ގޮވައިގެން ނިކުތީ ބީޗް ސަރަހައްދަށްށެވެ.ރެސްޓޯރެންޓް ހަދާފައި ހުންނަނީ ބީޗް ސަރަހައްދަށް ވެސް ނިކުމެވޭ ގޮތަށްށެވެ.އުޑުމަތި ބަނަ ކޮށް އޮތުމުން އެއްވެސް މީހެއްގެ ހިލަމެއް އެތަނަކުން ނުވެއެވެ.ޒާރާ އާއި ކިޔާން އޯޑަރު ޖެހީ ދެ ހޮޓް ޗޮކްލެޓް އަށްށެވެ.

ހޮޓް ޗޮކްލެޓް ލިބުމުން އެބޯން އިނދެފައި ކިޔާން ޒާރާ އާއި ދިމާލަށް ބަލައިލަމުން ފުން ނޭވާ އެއް ލީ ހަމަޖެހިލުމައްޓަކައި އެވެ.”ޒާ އަހަރެން މާ ރޮމޭންޓިކް ނުވެ ދާނެ.އެކަމް އައި ވޯންޓް ޓު އާސްކް.ވިލް ޔޫ ބީ މައި ގާރލް ފްރެންޑް”ކިޔާން އަހާލުމާައި އެކު ޒާރާގެ ތުންފަތް މައްޗަށް ހިނިތުންވުމެއް ވެރި ވިއެވެ.އެހިތް އުފަލުން ފޮޅިލޮއެވެ.ކިޔާން މާ ބޮޑު ކަމެއް ނުކޮށް ރައްޓހިވާން އެހި ގޮތް ޒާރާ އަށް ކަމުދިޔަ އެވެ.މާ ގޮތް ބޮޑު ކޮށްލުމަކީ އޭނާ މާ ގަޔާވާ ކަމެއް ނޫނެވެ.”ފަހުން އާންސާ އެއް ދިނަސް އޯކޭ ތަ؟”ތުންފަތުގައި ވާ ހިނިތުންވުން ފޮރުވަމުން ޒާރާ ބުނެލީ އެއްވެސް އަސަރެއް ނެތް ގޮތަކަށްށެވެ.”ރިޔާން ގެ ޕާޓީގަ ޖަވާބެއް ދޭނަން”ޒާރާ ބުނެލި ވާހަކަ އިން ކިޔާން އަނގަ ހަދާލިތަން ޒާރާ އަށް ފެނުނެވެ.ޒާރާ އަތުން ހަތަރު އިނގިލި ދައްކާލިއެވެ.ކިޔާން ވެސް ހީލީ އެންމެ ރަނގަޅޭ ބުނުމުގެ ގޮތުންނެވެ.ބޯ މަތި ވަމުން އަންނަ ކޮޅި ގަނޑު ގެ ހިލަމެއް ވި ނަމަ އޮޅިގެން ވިޔަސް ޒާރާ ކިޔާން އަށް ޖަވާބު ދިނުން ލަހެއް ނުކުރީހެވެ.

ޒާރާ އާއި ކިޔާން އަށް ނޭނގުނީ އެދެމީހުންގެ ހުރިހާ ހަރަކާތަކަަށް ފާރަވެރިވެގެން ކައިޔަން އާއި އިޝާގެ އިތުރުން ޝަހްނާ ހުރި ކަމެވެ.”ބީ ރެޑީ ޝަހޫ.ސަޓަޑޭގަ ރިޔާންގެ ޕާޓީ އޮންނަނީ.ދެވަނަ ފަހަރަށް ކިޔާން ޒާރާ އާއި ދިމާލަށް ނުބަލާ ވަރު ކޮށްލާތި.ނޫނީ ޒާރާ ކިޔާން އާއި ދިމާލަށް ދެވަނަ ފަހަރަށް ނުބަލާ ވަރު ކޮށްލާތި”އީޝާ ބުނެލީ ނުލަފާ ގޮތަކަށް ހީލަމުންނެވެ.

އާދައިގެ މަތިން ފަތިހު ފަތިސް ނަމާދު ޖަމާއަތުގައި ކުރުމަށް ފަހު ރިޔާން ރަޔާން އާއި އެކު ގޭތެރެ އަށް ވަދެގެން އައީ ހަލުވި ފިޔަވަޅުތަކެއްގައި އެވެ.މިއަދަކީ ބޮޑު ދުވަހެކެވެ.ރިޔާންގެ ކައިވެނި ކުރެވޭ ދުވަހެވެ.އައިރާ އާއި އޭނާގެ ކައިވެނި ކުރެވޭ ދުވަހު ވެސް ނުކްޝާން އާއި ޒީކާން ގެ ހަބަރެއް ހަބަރެއް ނުވުމުން ރިޔާން ގެ ހިތްވަނީ މާޔޫސްވެފައި އެވެ.އެންމެ ގާތުގައި އަބަދު ވެސް ހުންނަ އެކުވެރިޔާ ނެތުމުން ދިޔައީ ފަޅު ކަމެއް އިހުސާސް ކުރެވެމުންނެވެ.

“އެއްކަލަ މީހަ.ދެން ވެސް ސޯފާ މައްޗަށް ގުޅަ އަކަށް ޖެހިގެން ނޯވެ އަންނަން ވީ”ރަޔާން ނަމާދުން އައި ގޮތަށް ރިޔާން އެއްޗިހި ބަދަލުކޮށްގެން އައި އިރު ވެސް އެ އޮތް ގޮތަށް ސޯފާގައި އޮތުމުން ރިޔާން ބުނެލީ ރަޔާން ގެ އަތަށް ދަމަމުންނެވެ.”ދެން ދޮންބޭ.އަދި ހައެއް ވެސް ނުޖަހަ އޭ.މިރެ އަށް ދޭބަލަ އެނާޖީ ކޮޅެއް ސޭވް ކޮށްލަން”ރަޔާން ލޯ މަރައިގެން އޮވެ ބުނެލިއެވެ.ރަޔާން އޮތް ތަނުން ހިއްލާލީ ވެސް ގަޑިން ހަގަޑި ބައި ވުމުންނެވެ.

ރަޔާން އާއި ރިޔާން ސައިކަލު ގައި ނަވްޔާމެން ގެ އާއި ދިމާލަށް ދިޔައީ އެންމެންވީ އެގޭގައި އޭ އަޔާން ގުޅާފައި ބުނުމުން ނެވެ.ރަޔާންމެން ވަދުން އިރު އެއްވެސް މީހެއްގެ ހިލަމެއް ސިޓިންރޫމް އަކުން ނުވެއެވެ.ނަަމަވެސް ހުރީ ދިއްލާފައި އެވެ.ކާގެއިން ތަށިތަކެއް ތަޅުވާ އަޑު އިވެއެވެ.އިއްޔެގެ ވަގުތެއްގައި ނަވްޔާ އާއި ޒާރާ އެމީހުންގެ ގެ އަށް ދިޔަ ހަބަރު ވަނީ އޭނާ އަހާފައި އެވެ.އެހެން ކަމުން އެއީ ނަވްޔާ އަށް ވެސް ވެދާނޭ ރިޔާންގެ ހިތަށް އެރި އެވެ.”މައްޗަށް އަރާށޯ”ފޯނަށް އައި މެސެޖް ބަލާލަމުން ރަޔާން ބުނެލީ ސިޑި އާއި ދިމާލަށް ހިނގައިގަންނަމުންނެވެ.”ތި އުޅެނީ ލަނޑެއް ދޭން ދޯ”ރިޔާން ބުނެލީ ސިޑީގެ ހަރުފަތައް ގިރާ ކުރަމުންނެވެ.”ސަހާދެއް މިބުނީ.އަހަރުން މި އުޅެނީ ދޮންބެ އަށް އެވަރޭ ނުކުރެވިގެން”ރަޔާން ބުނެލިއެވެ.

މައްޗަށް އެރި ރަޔާން ސިހިގެން ދިޔައީ ކުއްލިއަކަށް އެންމެން “ސަޕްރައިޒް”އޭ ކިޔާ ހަޅޭއްލަވައިގަތުމުންނެވެ.ރިޔާން ފަހަރަކު މީހެއްގެ މޫނަށް ބަލަމުން ދިޔަ އެވެ.އަންހެން ކުދިން ފިޔަވާ އެހެން އެންމެން އެތަނުގައި ތިއްބެވެ.”އޭއި ރިޔާނޫ މަ ހީކުރީ ނާންނާނެ ކަމަށް އެނާޖީ ސޭވް ކުރާނީ ކަމަށް”ނުކްޝާން އެންމެ ފުރަތަމަވެސް ރިޔާން އާއި ދިމާކޮށްލި އެވެ.ރިޔާން ވެސް ތުން އަނބުރާލީ ދެރަ ނުވާންވެގެންނެވެ.އާންމުކޮށް ފިރިހެން ކުދިން ތުން އެނބުރުމުން ނުކްޝާން އަށް ވަރަށް އަސަރު ކުރާނެ އެވެ.

ހެނދުނު އަތެއް ޖެހި ކަމެއް ނޭނގި ހުރިހާ އަންހެން ވެރިން ވިއްސާރަވިލާގެ އަށް ޖަމާ ވެއްޖެ އެވެ.އައިރާގެ ކައިވެންޏަށް ހެދިކާ ހެދުމަށް އައިސް ދިނުމަށް އައިނާ އޮތީ އެންމެން ގާތު ބުނެފައި އެވެ.

“ނާޔާ.ކަޕް ކޭކު ހަދާ ދެއްޗެ އިނގޭ”ނަވްޔާގެ ކަޕް ކޭކަކީ އެންމެން ނަށް ވެސް ވަރަށް ކަމުދާ އެއްޗެކެވެ.އެހެންކަމުން ޕާޓީ އަށް ކަޕް ކޭކު އަޅައިދޭން އޮތީ ނަވްޔާ އަށްށެވެ.”އޯކޭ އެކަމު އެކަން ވާނީ ހަވީރު”އައިރާ ގާތު ނަވްޔާ ބުނެލީ ފިޔާ ކޮށަން އިނދެފައި އެވެ.މިއަދު ހުރިހާ އަންހެން ވެރިންގެ ކަމަކަށް އޮތީ ޕާޓީ އަށް ހެދިކާ ހެދުމެވެ.ޕާޓީ އަށް ވެޑިން ކޭކާއި ދެން ހުރި ސާމާނު ޒަޔާން އޭނާގެ ހަރަދުގައި ގެނެސް ދޭނަން ކަމަށް ވަނީ ބުނެފައި އެވެ.ޕާޓީ ބާއްވަން ވެސް ހަމަޖެހިފައި ވާ ތަން ވެސް ނަގައިދިނީ ޒަޔާން އޭނާގެ ހަރަދުގައި އެވެ.

މަގުގެ އެއްފަރާތުގައި ހުރި ޝަހްނާގެ ނަޒަރު ދިޔައީ މަގުން ދިޔަ ހުރިހާ ސައިކަލަަކަށް ހުއްޓެމުން ނެވެ.މަގުގެ އެންމެ ކޮޅުގައި ހުރި ސައިކަލުގައި އިން ކައިޔަން އޭނާ އަށް ހަނާ އަޅާލުމާއި އެކު ޝަހްނާ އެދިމާލަށް މިސްރާބު ޖެހިއެވެ.ޝަހްނާ ކައިޔަންގެ ސައިކަލު ފަހަތަށް އެރުމާއި އެކު އެއްވެސް ވާހަކަ އެއް ނުދައްކާ ކައިޔަން ސައިކަލު ދުއްވާލީ ރަށުގެ އުތުރު ފަރާތު ގައި ހުންނަ ވަލާއި ދިމާލަށް ށެވެ.

ފަޅު ގެގަނޑަށް ވަދެގެން އައި ކައިޔަން ގެ ނަޒަރު ހުއްޓުނީ އެއްފަރާތުގައި ހުރި ގޮނޑިއެއްގައި އިށީންދެގެން އިން އީޝާ އަށްށެވެ.އެއްފައި މައްޗަށް އަނެތް ފައި އަރުވައިގެން އިން އީޝާގެ މޫނަށް ހުރީ ފޯނުން އަލި އެޅިފައި އެވެ.ޓިނުން އެކަނި އެގެގަނޑު ހަދާފައި ހުރުމުން ޓިނުތައް ފީވެފައި ހުރުމުން އެތަން ތަނުން ހޮރު ކެނޑި އަލި އެޅިފައި ހުއްޓެވެ.ކަރަންޓުގެ ހިދުމަތް ވެސް ނުދޭ ގެއަކަށް ވުމުން އެ ހޮރުތަކުން އެޅިފައި ހުރި އަލިފިޔަވާ އެހެން އަލި ކަމެއް އެތާކު ނެތެވެ.މެދުގައި މޭޒެއް ހުރި އިރު މޭޒު ވެސް ހުރީ ފީވެފައި އެވެ.ކިރިޔަ ކިރިޔާ ކޮޅަށް ހުންނަ ކަމެވެ.މޭޒު ވަށާ ފަސް ގޮނޑި އަތުރާލާފައި ހުރި އިރު ދޮރުން ވަދެގެން ކަނާތް ފަޅި އާއި ދިމާލަށް ބަލާލާއިރު ފެންނަން ހުރި ދިމާލުގައި ބައިން ދާ ކަހަލަ ވައިޓް ބޯޑެއް ހުއްޓެވެ.މޭޒުގެ ބޯޑާއި ވީ ފަޅީގައި ހުރީ އެންމެ ގޮނޑި އެކެވެ.އެދިމާލުގައި ކަޅު ކުލައިގެ ބޮންޑަ މާކަރެއްގެ އިތުރުން ޑަސްޓަރެއް ވެސް އޮތެވެ.ގޭގެ ތެރޭގައި ލަކުނޑި ގަނޑު ގަނޑު ވެސް މީހެއްގެ ބޮލަށް އުނދަގޫ ވާ ވަރަށް ހުއްޓެވެ.

ކައިޔަން އައުމުން އީޝާ އައިސް ހުއްޓުނީ ބޯޑު ކައިރީގައި އެވެ.ފޯނު މޭޒުމަތީގައި ބާއްވާފައި އީޝާ އައިސް މޭޒުގައި އަތްއަޅުވާލި އެވެ.މައިރާ އާއި ޔަޝާ ވެސް ވަދެގެން އައީ އެވަގުތުއެވެ.”ކައިޔަން ކޮބާ ޒާރާގެ ބައްޕަ ގެ އާ މަންމަ ގެ ހަބަރެއް ލިބުނު ތަ؟”އީޝާ އަހާލީ މާކަރު މޭޒުގައި ޖައްސާލައިގެން ހުރެ އެވެ.”ޒާރާގެ ބައްޕަގެ ހަބަރެއް ނުވޭ.ނުވެސް ފެނެ އެކަމް.މަށަށް ޝައްކުވޭ އެބަ ކަމެއް”ކައިޔަން ބުނެލީ އީޝާ އާއި ދިމާލަށް ބަލައިލަމުން ނެވެ.”ކޮންކަމެއް ޝައްކު ވަނީ؟”އީޝާ އަހާލީ ދެބުމަ ގޮށްޖަހާލަމުންނެވެ.ކައިޔަން ދައްކާލީ އޭނާގެ ފޯނެވެ.”ޒާރާ އެއް ނޫންތަ އެހެރީ ޒަޔާން އާ އެކީ ދެން އެހެރީ އޭނަގެ ބޭބެ އާ މަންމަ އެއްނު.އެމީހުން ހަމަ މަށަށް ފެނުނީ މި ރަށުން ވެސް.ތި ހުރި އަންހެން މީހަ އާ ދެން މީނަ އާ”ކައިޔަން އިޝާ ގާތަށް އައިސް ދައްކާލީ ޒިވާ އާއި ޒީކާން އެވެ.”އާނ އެއީ ޒާރާ.އެހެން ވީމަ ޒާރާ އެއީ ޒަޔާން ގެ ދަރިފުޅު ދޯ”އީޝާ ބުނެލީ ނިއްކުރީގައި އަތް ކާއްތާލަމުންނެވެ.”އެހެންވީމަ ޒާރާ އާ ކުޅޭނެ ކަމެއް ނެތް.އޭނަ އާ ކުޅެފިއްޔާ ފްރީ ޖަލު ޓިކެޓެއް އެ ނެގުނީ”އީޝާ ގެ ޖުމުލަ އިން ޝަހްނާގެ ދެބުމަ ޖޮށްޖެހުނެވެ.ޒާރާ އަަށް ދެރަ އެއް ނުދީ ޝަހްނާ އަށް ކެތް ވާނެ ހެއްޔެވެ؟

“ޝަހްނާ ވެސް ކައިޔަން ވެސް ދާތި މިރޭ ވަރަށް ރެޑީ ވެގެން”އީޝާ ބުނެލީ ނު ގޮތަކަށް ހީލަމުންނެވެ.އީޝާގެ ބަހަށް ޝަހްނާ އާއި ކައިޔަން ވެސް ބޯ ޖަހާލީ ޒާރާ އާއި ކިޔާން ދުރުކުރެވެން އޮތީ ދެމީހުން ތައްޔާރުވެގެން ކަމަށް ވާތީ އެވެ.

އައިކާގެ ކޮޓަރީގައި އިން ޒާރާ ރަން ސްޕްރޭ ޖަހާލީ “އައިރާ ވެޑްސް ރިޔާން”ޖަހާފައި ފިލައިން ހަދާފައި އިން އެއްޗަކަށް ށެވެ.އޭރު ނަވްޔާ ވީ ކަޕް ކޭކުގައި އައިސިން ޖަހަން ގޮހެވެ.އައިކާ އާއި ލައިނީގެ އިތުރުން ފިރިހެން ގްރޫޕް ގަނޑު ވީ ޒަޔާން ކައިވެނި ޕާޓީ ބާއްވަން ބުނި ތަނަށް ގޮހެވެ.އެތަނުގެ ފެންވަރު ބަލާލަން ނެވެ.ރަން ކުލަޖަހާ ނިމުމުން ޒާރާ ފޯނުން ފޮޓޯ އެއް ނަގާލަމުން އައިކާ އަށް ފޮނުވާލިއެވެ.ސްޕްރޭ ޖަހާފައި ޒާރާ ނިކުތީ ނަވްޔާގެ ހަބަރެއް ބަލާލަން ނެވެ.

“ނާޔާ ނިމުނީ ދޯ.ހަމަ ސާބަސް ދޭ ވަރުވޭ”ނަވްޔާ އެންމެ ފަހު ކޭކުގައި އައިސިން ޖެހުމުން ޒާރާ ބުނެލި އެވެ.މުޅި މޭޒު ފުރާ ކޭކުތައް އަތުރާލާފައި ހުރި އިރު އެއީ ހުސް ނަވްޔާގެ ބުރަ މަސައްކަތެވެ.ކޭކުގައި އައިސިން ޖަހާފައި ހުރީ ހުދު ކުލަ އާއި ރީނދޫ ކުލަ އެއް ނުވާ ގޮތަށް ށެވެ.

ލައިނީ އާއި އައިކާ ފަރާތް ފަރާތް ބަލަމުން ދިޔައީ ތަނުގެ ރީތި ކަމުން އާޝޯހު ވެފައި ހުރެ އެވެ.މުޅި ތަން ވަނީ ރަން ކުލައިން ދިއްލާފައި އެވެ.ޒަޔާން އެތަން ހިފާފައި އެތަން ރީތި ކުރާނެ އެއްޗިހި ގެނަ އެއް ކަމަކު އެތަން ރީތި ކޮށްފައި އެހުރީ މިލާން މެންނެވެ.އެކި ތަން ތަން ބަލަމުން ދިޔަ މިޝްޔާ ސިހިގެން ދިޔައީ ގާތު ގައި ހުރެފައި ޒީކާން ކޮށްލި ކަމަކުންނެވެ.

ނުނިމޭ