ނަން ކަލާގެ މިހިތުގައި ފެވިއްޖޭ(ނަވާވީސްވަނަ ބައި)

ގެ އަށް ވަދެގެން އައި އަލީކް ކިނބިހި އެޅުމުން ސޯފާގައި އިން އަލީކާ ދިޔައީ ސިއްސައިގެންނެވެ.ސިއްސައިގެން ދިޔަ ވަރުން ފޯނު އަތުން ދޫވެ ބިންމައްޗަށް ވެއްޓުނެވެ.މަޑު މަޑުން ސޮރީއޭ ބުނެލަމުން އަލީކް ތިރި ބަލާލީ ފޯނު ނެގުމުގެ ނިޔަތުގައި ނަމަވެސް ފެނުނު ފޮޓޯގެ ސަބަބުން އަލީކް ހުއްޓުން އެރި އެވެ.

*********************

“ނުކް”އަލީކްގެ އަނގައިން އެ ނަން ނިކުންނަން ސިކުންތު ކޮޅެއް ވެސް ނުނެގި އެވެ.އަލީކް އަށް އެއްޗެކޭ ނުބުނެވި އުޅެނިކޮށް އަލީކާ ކޮޓަރިއަށް ވަދެގެން ދިޔައީ އަލީކް އަށް އެއްޗެކޭ ބުނުމުގެ ފުރުސަތު ނުދިނުމަށްޓަކައި އެވެ.”އަނެއްކާ ދޮންތަ އުޅެނީ ނުކް އާ ތަ؟”ކޮޓަރި އަށް ވަދެގެން އައި އަލީކްގެ ހިތުގައި އެސުވާލު އުފެދެން މާ ގިނަ އިރުތަކެއް ނުނެގި އެވެ.

ރިޔާންގެ ކައިވެނި ދެ ހަފްތާ އެއް ފަހުން ކުރެވޭތީ އައިކާމެންގެ އަށް އެންމެން ދިޔައީ އައިނާ ގާތަށް ހެދުން ފަހާށެވެ.އައިނާ އަކީ އޭނާ އަށް ލިބޭ ހުސް ވަގުތުގައި ވެސް ހެދުން ފަހާ މީހަކަށް ވުމުން އައިރާގެ ކައިވެންޏަށް ހުރިހާ އަންހެން ކުދިންނަށް ހެދުން ފަހާ ދޭނަން ކަމަށް ވަނީ ބުނެފައި އެވެ.

ހުނޅަގު މޫސުމް ގެ ފުރަތަމަ ދުވަސްކޮޅަށް ވުމުން އުޑު މަތި އޮތީ ބަނަ ކޮށްށެވެ.ކިޔާންމެންނާއި ރިޔާންމެން ވެސް ކުރާނެ ކަމެއް ނޭނގުމުން އައިކާމެންގެ އަށް ދިޔައީ ހުރިހާ އަންހެން ކުދިންވީ އެގޭގައި ކަން އީނގޭތީ އެވެ.ސަލާމް ގޮވާލަމުން ކިޔާން އައިކާމެންގެ އަށް ވަދެގެން އައި ވަގުތު ކިޔާންގެ ދެލޯ ހޯދާލީ އެހިތުގެ ރާނީ އެވެ.ޒާރާ ރާއިލް އާއި ރުޅިވިކަން އިނގުމުން ކިޔާންގެ ހިތުގައި ޒާރާ ހޯދުމުގެ ޝައުގުވެރިކަން ބޮޑުވި އެވެ.

“އޭއި ކިޔާން ތި ހޯދާ މަންޖެ އެއް ނެތް މި ވަގުތަކު”ނަވްޔާ ގާތަށް އައީ ލާނެތް ހިންޏެކެވެ.އެވަގުތު އެތާ އެއްވެސް ބޮޑު މީހެއް ނެތުމުން ނަވްޔާ ބުނެލީ ވެސް ބާރަށް ށެވެ.”ކިޔާން ކާކުތަ ހޯދަނީ؟”ރިޔާން އަށް ނަވްޔާ ބުނި ވާހަކައިގެ މާނަ އެއް ނޭނގުނެވެ.”ނަން އޮފް ޔުއާރ ބިޒްނަސް”ރިޔާން އާއި ދިމާލަށް ބަލައިލަމުން ކިޔާން އެއް ލޯ މަރާލިއެވެ.ރިޔާން ވެސް ތުން އަނބުރާލަމުން ސޯފާ މައްޗަށް ވެއްޓި ގަތެވެ.”އޯހޯ ހީވަނީ ހަމަ އައިރާހެން ހާދަ ވައްތަރޭ ދޯ”މިލާން ހީގަތީ ދިމާ ކޮށްލާށެވެ.”ނުކް ނެތަސް ދިމާކުރާނެ މީހުން ހުސް ނުވޭދޯ”ރިޔާން ބުނެލީ މިލާން އަށް އިޝާރާތް ކޮށެވެ.”ހުސް ވާން ޖެހޭތަ؟”ކިޔާން ކޮށްލީވެސް މޮޅު ސުވާލެކެވެ.އެވަގުތުވީ ޒާރާ ނިކުން ވަގުތަށް ވުމުން ކިޔާން ވުގުތުން މަޑުވި އެވެ.”އެއް ފަހަރުން މަޑުވީ އެ”އަޔާން ސިއްރުން މިލާން ގާތު އެހެން ބުނުމުން މިލާން ފެށީ ހޭންށެވެ.

އައިކާމެން ގޭން ކިޔާން އާއި މިލާން ނިކުމެގެން ދެމީހުން ދިޔައީ އެއްވެސް މިސްރާބެއް ނެތި އެވެ.”މިހާރު ޒާ ރާއިލް އާ ރުޅި ވިތާ އެއް މަސް ވެއްޖެ އެއްނު.ދެން ކިޔާން ޒާ އަށް ޕްރޮޕޯޒް ކުރަންވީނު”މިލާން ދިން ހިޔާލަށް ކިޔާން ވެސް އެއްބައިވެލި އެވެ.”އެކަމު އަދި މާ އަވަސް ކަމަށް މަށަށް ފެންނަނީ”ކިޔާން ފާޅުކޮށްލީ އޭނާގެ ހިޔާލެވެ.”ތިހެން ހުއްޓަ އަނެއްކާ ތެޔޮ ނާށި ކަޅު ޖަހައިގަންނާނީ”މިލާން ބުނީ ވެސް ދޮގު ވާހަކަ އެއް ނޫން ކަން ކިޔާން އަށް ވެސް އިނގެއެވެ.

ވަލުގެ އުތުރު ފަރާތުގައި އޮންނަ ފަޅު ގެ ގަނޑުގައި އީޝާމެން ގްރޫޕް ގަނޑު ތިއްބެވެ.އީޝާމެންނާއި އެއްކޮށް އިސްތަށިގަނޑު ކަނދުރާ އާއި ހިސާބަށް ދިގު ކޮށްފައި ހުރި ފިރިހެނެއް ވެސް ހުއްޓެވެ.އަތުގައި އަާއި ފައިގައި ފުރާ ޗޭނުތައް އަޅާލާފައި ހުއްޓެވެ.ބަލާ ބެލުމަށް އަދި ބާވީސް އަހަރެއް ވެސް ނުވާނެއެވެ.

“ކައިޔަން ކަލޭ އަކަށް އެކަމެއް ނުވި ދޯ”އީޝާ ގެ އަޑުން ދިޔައީ އަލިފާން ކަނި ބުރަމުންނެވެ.”މަ އެދެމީހުން އެކްސިޑެންޓް ކޮށްލީމޭ.އެވަރުން ވެސް އީޝާ އަކަށް ނުފުދުންތަ؟”ކައިޔަންގެ އަޑުން ވެސް ދިޔައީ އަލިފާން ކަނި ބުރަމުންނެވެ.”މަ ބޭނުންވީ އެދެމީހުން މަރާލަންށޭ.އެކަމެއް ކައިޔަން އަކަށް ނުވި އެއްނު”އީޝާ މޭޒުގައި ޖަހަމުން ކޮޅަށް ތެދުވެލި އެވެ.އީޝާ މޭޒުގައި ޖަހާލި އަޑު މުޅި ތަނުގައި ގުގުމައިގެން ދިޔަ އެވެ.”ކޮބާހޭ ރުފިޔާ.މަ އެކަން ކޮށްދިނީ ހިލޭ ސާބަހަކަށް ނޫނެއްނު”ކައިޔަން ވެސް ގޮށްމުއްކަވާ މޭޒުގައި ޖެހިއެވެ.”މިވަރު މަދުތަ؟”އީޝާ އެއްލައްކަ ރުފިޔާ ނަގާ މޭޒުމަތީގައި ބޭއްވި އެވެ.އަނެއްކާ ވެސް ޖީބުން އެއްލައްކަ ރުފިޔާ ނަގާ މޭޒުމަތީގައި އީޝާ ބާއްވާލަމުން ނުލަފާ ގޮތަކަށް ހީލިއެވެ.

“މިފަހަރު މިކަން ކުރަން ޖެހޭނެ”އީޝާ ބުނެލިއެވެ.”ކޮންކަމެއް ބުނޭ.އޭރުން އިނގޭނީ ކޮށްދެވޭނެ ކަމަކާ ނުކޮށްދެވޭނެ ކަމެއް ވެސް”އީޝާ އާއި ދިމާލަށް ބަލައިލަމުން ކައިޔަން ބުނެލި އެވެ.”މިފަހަރު ކޮންމެ ގޮތަކުން ވިޔަސް ޒާރާގެ މަންމަ އާއި ބައްޕަ މަރާލަންވީ.އެކަން ނުކޮށްފިއްޔާ.ރުފިޔާއިން މަދުވާނެ.ފަޅާ އަރާފިއްޔާ އަހަރުންގެ ވާހަކަ ނުކުޓުވާތި.މަަށަށް ފަޅާ އަރައިފިއްޔާ އަންގާތީ.ދާނަން ކަލޭ ޖަލުން ނެރެން”އީޝާ ހީލަމުން ހުރިހާ ވާހަކަ އެއް ދައްކާ ނިންމާލިއެވެ.”ނަން ބުނެބަލަ އެދެމީހުންގެ”ކައިޔަން ބުނެލި އެވެ.އީޝާ ކައިޔަން އަށް ޒިވާ އާއި ޒަޔާން ގެ އޭނާ އަށް އިނގިފައިވާ ހުރިހާ މައުލޫމާތެއް ދިނެވެ.

ނިދާފައި އޮތް އައިރާ އަށް ހޭލެވުނީ ފުންމައިގެން ކަހަލަ ގޮތަކަށް ށެވެ.ގަޑި ބަލާލި އިރު ނަސީބަކުން އަދި ފަސްގަޑި ބައި ވެސް ނުވެއެވެ.ފޯނު ހިފައިގެން ޑްރެސިންގް ޓޭބަލް މަތީގައި ބާއްވަމުން އިސްތަށިގަނޑު ގައި ހުޅި ޖަހާލަމުން ފާހަނަ އަށް ވަދުނީ ފެންވަރައިގެން ވުޟޫ ކުރުމަށްޓަކައި އެވެ.

ހެނދުނު ހައެއް ޖަހަންވާއިރަށް އައިރާ ގޭގައި ލާ އުޅޭކަހަލަ ކަޅު ކުލައިގެ ފުއްޕި އަރުވާޅަކާއި މެރޫން ކުލައިގެ ކަކުލާ ހިސާބަށް އަރާ ހެދުމެއް ލައިގެން ގޭގެެ ސިޓިންރޫމް އަށް ނިކުތެވެ.”ސާބަސް ދޮންތަ ގަނޑަށް.އަންނަ ހަފްތާގަ މީހަކާ އިނދެގެން އެ ގެއަށް ދާ އިރު ވެސް ތި ގޮތް ގަނޑު ބަދަލު ނުކުރާތި.އާނ ރަޔާން ވެސް އެގޭގަ އުޅޭނެ ވިއްޔާ.ދެން ތިހެން ބުރުގާ ނާޅާ އުޅޭނީ ކިހިނެތް”އައިކާ ޗުސް ތަޅާލީ ކޮފީ ބޮއުން ޖޯޑު ދޮންނަން ހުރެފައި އެވެ.އައިކާ ޗުސް ތަޅާލުމާއި އެކު އައިރާ ކޮޓަރި އަށް ގޮސް ކަންބުރުގަޅެއް އަޅާލައިގެން އައީ އައިކާ އާއި އައިނާ އަށް އެހީވެދިނުމުގެ ގޮތުންނެވެ.

ޒީވާ ރޭގައި ޓެސްޓް ހަދާފައި ފޮނުވާލުމުން ޓެސްޓް ގެ ނަތީޖާ ބަލާ ދިޔައީ ނުކްޝާން އާއި ޒީކާން އެވެ.ޑޮކްޓަރު އިން ކޮޓަރި އަށް ޓެސްޓް ގެ ނަތީޖާ ނަގައިގެން އައި ޒިކާން އާއި ނުކްޝާން ވަދެފައި އިނީ ނޭވާ ހިފަހައްޓާލައިގެން އިން ކަހަލަ ގޮތަކަށް ށެވެ.ޑޮކްޓަރު ނަތީޖާ އަށް ބަލާލަމުން ނުކްޝާންމެންނާއި ވާހަކަ ދައްކަމުން ދިޔަ އިރު ނުކްޝާން ގެ މޫނުމަތިން ހިނިތުންވުމެއް ފާޅު ވެއްޖެ އެވެ.

“ކެންސަރު ބައްޔެއް މިހާރު މަންމަ ގަޔަކު ނެތޯ.ވާވް އައި ކާންޓް ބިލީވް ދެޓް”ނުކްޝާން ޒީކާން ގާތު ބުނެލީ މަރުކަޒުން ނިކުމެގެން ދަމުންނެވެ.”ރިޔާން މެން ކައިރީ ނުބުނެ ދާނީ.ރިޔާން ހީކުރަނީ އަހަރުން އޭނާގެ ޕާޓީ އަށް ނުދާނެ ކަމަަށް”ނުކްޝާން މޮޅު ގޮތެއް ރާވާލިއެވެ.ނުކްޝާން ދައްކަމުން ދިޔަ ވާހަކަ އަށް އާނ ހްމްމްމް ލެއްވުން ނޫން ކަމެއް ޒީކާން ނުކުރެއެވެ.

އައިކާ މެންގެ ކަމުގައިވާ ވިއްސާރަވިލާގޭ ކުރިމަތީގައި ހުރި ގޭގެ ފާރުގައި ދެޖީބަށް އަތް ޖަހައިގެން އެއް ފައި ފާރުގައި އަޅުވާލައިގެން ހުރި ކައިޔަން ގެ ނަޒަރު ހުއްޓިފައި ހުރީ އެގޭ ދޮރާއްޓަށްށެވެ.ކައިޔަން އޭނާގެ ފަން ދިގު އިސްތަށިގަނޑު ދެފަރާތުން ކޮށާލާފައި މެދުގައި ހުރި އިސްތަށިތައް ވެސް ރީތި ވަރަަކަށް ކޮށާލީ އީޝާ ބުނި ކަންތަކައިގެން ކުރި އަަށް ދެވޭނީ އޭރުން ކަމަށް ގަބޫލު ކުރެވޭތީ އެވެ.ލައިގެން ހުރީ ވެސް ގަޔަށް ހެޔޮވަރުގެ ހުދު ކުލައިގެ ޓީޝާޓަކާއި ކަޅު ކުލައިގެ ޖިންސް އެކެވެ.އަވިން ސަލާމަތް ވުމުގެ ނަމުގައި ލޮލުގައި އައިނެއް އަޅައިގެން ހުރީ އެންމެ ސަބަބަކަށް ޓަކައި އެވެ.އޭނާގެ ނަޒަރު ހުއްޓިފައި ހުރި ދިމާ މީހުންނަށް އިނގިދާނެ ތީ އެވެ.

ހެނދުނު އަށެއް ޖެހި އިރަށް ޒާރާ އާއި ނަވްޔާ ގެ އިތުރުން ލައިނީ ވިއްސާރަވިލާގެ އާއި ދިމާލަށް މިސްރާބު ޖެހިއެވެ.ވިއްސާރަވިލާގެ އާއި އަރާ ހަމަ ކުރެވުނު ވަގުތު ޒާރާގެ ލޮލުގައި އަޅައިގަތީ އެގޭ ކުރިމަތީގައި ހުރި ގޭގެ ކައިރީގައި ހުރި ޒުވާނާ އެވެ.ޒާރާ އަށް ފާހާގަ ކުރެވުނީ އެޒުވާނާ އޭނާގެ ފޯނާއި ދިމާއަށް ބަލައިލާފައި އޭނާ އާއި ދިމާލަށް ބަލައިލި ކަމެވެ.ނަމަވެސް އެއީ މާ ބޮޑު ކަމެއްގެ ގޮތުގައި ޒާރާ ދެކުނީ ކުރިއަށް އަންނަން އޮތް ކޮޅިގަނޑުގެ ހިލަމެއް ނޭނގި އެވެ.

ޒާރާ އާއި ޖެހިގެން ހުރި އަންހެން ކުއްޖާ އާއި ދިމާލަށް ބަލައިލި ވަގުތު ކައިޔަން ގެ ހިތަށް ގޮތްތަކެއް ވެގެން ދިޔަކަން ޔަގީނެވެ.އެންމެ ފުރަތަަމަ ނަޒަރުން ވެސް ކައިޔަން އަށް އެކުއްޖާ ދެކެ ލޯބިވެވުނެވެ.ކައިޔަން އެކުއްޖާގެ ފޮޓޯ ނެގީ އީޝާ ގާތު އެއަންހެން ކުއްޖާ އެއީ ކާކުތޯ އެހުމުގެ ނިޔަތުގައި އެވެ.ހަތަރު އަންހެން ކުދިން ވިއްސާރަވިލާގެ އަށް ވަދެގެން ދިއުމުން ކައިޔަން ސައިކަލަށް އަރާ ދާން ހިނގައިގަތީ އޭނާ ގެ ހިތުގެ މުރާދު ހާސިލް ވުމުންނެވެ.

ވެޑިންގް ޑްރެސް ތަކެއް ބަލަން އައިރާ އާއި އެއްކޮށް ލައިކާ އާއި އަލީކާ ގެ އިތުރުން މިޝްޔާ ތިބީ އައިރާގެ ކޮޓަރީގެ އެނދުގައި އެވެ.އައިރާ އަށް ކަމުދާ ވެޑިންގް ޑްރެސް އެއް ފެނިއްޖެ ނަމަ ސްކްރީން ޝޮޓް ނަގަމުން ދިޔަ އެވެ.”އޭ މީތި ވަރަށް ރީތި.މީތި ނަގަންވީނު”ލައިކާ އަށް ރީތިވި ވެޑިންގް ޑްރެސް ދައްކާލަން އައިރާ ދިޔައީ އައިނާ ގާތަށް ށެވެ.ވަގުތުގެ ބޭނުން ހިފާ ތިން އަންހެން ކުދިން ކައިވެނީގެ ދުވަހު އައިރާ އަށް ދޭނެ ހަދިޔާ އަކާއި މެދު މަޝްވަރާ ކުރަން ފެށި އެވެ.”ނުކްމެން އަންނަ އިރު ގެންނަން ވީ ނު އެކޮޅުން”ލައިކާ ބުނެލި ވާހަކަ އަށް މިޝްޔާގެ އިތުރަށް އަލީކާގެ ސަމާލުކަން ވެސް ހުއްޓުނެވެ.”އޭނ ކޮން އިރަކުން އަންނަނީ”މިޝްޔާ އަހާލީ ހިތް އަވަސް ވެފައި އިނދެއެވެ.”އަމްމް އައި ތިންކް ހުކުރު ދުވަހު ގެ ރޭ.އެއީ ހޮނިހިރު ދުވަހު އެއްނު ކައިވެނި އޮންނަނީ “ލައިކާގެ ޖަވާބުން މިޝްޔާގެ ހިތުގެ ތެޅުން ބާރުވި އެވެ.ޒީކާން ފެންނަން ދެން އިނީ އެންމެ ތިން ދުވަސް ކަން އިނގުމުންނެވެ.

އައިކާ ގެ ކޮޓަރީގައި އިން ޒާރާ ބޭރަށް ނިކުމެލީ ޒީކާން ގެ ކޯލެއް އައުމުންނެވެ.

ގޯތި ތެރޭގައި ހުރި ޒާރާ އަށް ފަހަތުގައި ކިޔާން ހުރި ކަމެއް ނޭނގެއެވެ.ޒީކާން އާއި ވާހަކަ ދައްކާ ނިންމާފައި އެނބުރުނު ޒާރާ އަށް ކުއްްލި ސިހުމެއް ލިބުނީ ގާތުގައި ހުރި ކިޔާން ފެނުމުންނެވެ.”ކިޔާން ކީތް ތި ކުރަނީ މިތާ؟”ޒާރާ އެސުވާލު ކޮށްލީ ދައްކާނެ ވާހަކަ އެއް ނެތުމުން ނެވެ.”އަނެއްހެން ކަމެއް ނުކުރަން”ކިޔާން ޒާރާ އަށް ހިނިތުންވުމެއް ހަދިޔާ ކޮށްލިއެވެ.”އަމްމް ޒާ މިއަދު ހަވީރު އަހަންނާ އެއްކޮށް ތަނަކަށް ދެވިދާނެ ތަ؟ޕްލީޒް ޑޯންޓް ސޭ ނޯ”ކިޔާން އާދޭސް ކޮށްލިއެވެ.ކިޔާންގެ އާދޭސްތަކަށް ބީރުކަންފަތެއް ނުދީ ޒާރާ ވެސް ކިޔާން އާއި އެކީ ދާން އެއްބަސް ވެލިއެވެ.

ނުނިމޭ