ނަން ކަލާގެ މިހިތުގައި ފެވިއްޖޭ(ހަތާވީސްވަނަ ބައި)

ނަވްޔާ މިލާން ބޭނުންވި ސުވާލަށް ޖަވާބު ދިނުމާއި އެކު މިލާން އަވަހަށް ގެ އަށް ދިއުމަށް މިސްރާބު ޖެހީ މިޔާ އަކީ ފިންޏަށް ބަލި މީހެއް ކަމުންނެވެ.”ޑާރލިންގް ދާނަންތަ ގެއަށް މަށާ އެއްކޮށް؟ގެ އަށް ލާދޭނަން”ކިޔާން މިލާން ފަހަތުން ދިއުމުގެ ކުރިން އައިކާ ގާތު އަހާލި އެވެ.”ނޫޅެން ތެމިފަ ހުރި މީހަކާ އެއްކޮށް ސައިކަލު ފަހަތަށް އެރީމަ މަ ވެސް ތެމޭނީ ކުޑަ ހިފައިގެން އިނަސް.ކީއްކުރާ ބޭކަރު ކަމެއް”އައިކާ އަނގަ ހަދާލީ ކިޔާން ވެސް އައިކާ އެހެން ބުނުމުން އަނގަ ހަދާލުމުންނެވެ.

*************************

އައިކާ އެހެން ބުނުމުން ކިޔާން ބަލާލީ ދުރުގައި ހުރި އަލީކް އާއި ދިމާލަށް ށެވެ.ހަގީގަތުގައި ކިޔާން ބޭނުންވީ އަލީކް އާއި އެކީ އައިކާ ފޮނުވާލާށެވެ.އެންމެ ސަބަބަކަށްޓަކައި އެވެ.އަލީކްގެ ހިތުގައި އައިކާ އަށް ޓަކައި އުފެދިފައިވާ އިހުސާސްތައް އޭނާ އަށް އިނގޭތީ އެވެ.

ދަންވަރުގެ ހަމަހިމޭން ވަގުތެވެ.ސްޓަޑީ ޓޭބަލް ކައިރީގައި އިން ޒާރާ ގެ ނަޒަރު އިރުއިރުކޮޅާ އެނދުގައި ނިދާފައި އޮތް ނަވްޔާ އަށް ހުއްޓެމުން ދިޔަ އެވެ.ބާރަ ޖަހަނިކޮށް ޒާރާ އަށް ހޭލެވުނީ ފެން ބޮވައިގަނެގެންނެވެ.ފެން ބޮއެގެން އައިސް ވެސް ޒާރާ އަށް ނިދޭ ގޮތް ނުވުމުން ހިސްޓޮރީ ފޮތް ހިފައިގެން ސްޓަޑީ ޓޭބަލް ކައިރީ ގައި އެ ހިފައިގެން އިނީ ނަމާދު ނުކުރެވޭ ދުވަސްކޮޅަކަށް ވުމުން ނަމާދު ވެސް ނުކުރެވޭނެ ތީ އެވެ.އާންމުކޮށް ދަންވަރު ހޭލައިގެން ނުނިދިއްޖެ ނަމަ އަބަދު ވެސް އެންމެ ފުރަތަަމަ ތަހައްޖުދު ނަމާދު ކުރަން ޒާރާ އަވަސްވެ ގަނެ އެވެ.

އެއް ފަހަރު ފޮތަށް އަދި އަނެތް ފަހަރު ނަވްޔާގެ މޫނާއި ދިމާލަށް ބަލައިލަމުން ޒާރާ ގޮނޑީގައި ހަމަޖެހިލީ ނަވްޔާ ނުހޭލާނެކަން އިނގުމުންނެވެ.ފޮތަށް ނަޒަރު ހުއްޓާލައިގެން އިން ޒާރާ ގެ ހިޔާލުތަކާއި ގުޅިފައިވަނީ ކިޔާން ގެ ސޫރަ އެވެ.ކިޔާންގެ ސޫރަ ހިތުން އެއްލާލަން އުޅެ އުޅެ އޭނާ ވަރުބަލި ވެއްޖެ އެވެ.ކިޔާންގެ ސޫރަ ހިތުގައި ކުރުއްސާލެވޭ ކޮންމެ ފަހަރަކު ވެސް ރާއިލްގެ ސޫރަ ހިތުގައި ޒާރާ ކުރުއްސާލަނީ ކިޔާންއަށްޓަކައި ހިތުގައި އުފެދޭ އިހުސާސްތަކަށް ބީރު ކަންފަތެއް ދިނުމުގެ ގޮތުން ނެވެ.ނަމަވެސް ޒާރާ އަށް ނޭނގުނީ ކިތަންމެ ހިތުގައި އުފެދޭ އިހުސާސްތަކަށް ބީރު ކަންފަތެއް ދޭން އުޅުނުކަމުގައި ވިޔަސް އޭނާގެ ހިތުގައި އުފެދެމުން އަންނަ އެ އިހުސާސްއަކީ އަމިއްލަ ހަށިގަނޑު ވެސް ބަލި ކޮށްލާ އިހުސާސް އެއް ކަމެވެ.

ގަދަ ނޫކުލައިގެ ޝޯލްގައި އެންމެ ފަހު ޕިން ޖަހާލަމުން ޒާރާ އަވަސް ހަރަކާތްތަކާއި އެކު ސްޓަޑީ ޓޭބަލް މަތީގައި އޮތް ޑައިރީ ނަގާ ލައްޕާލިއެވެ.ޑައިރީ ނަގާ އޭނާ ގެ ދަބަސް ތެރެ އަށް ލީ ޒާރާ ސިހިގެން ދިޔައީ ކޮޓަރި ދޮރު ހުޅުވުނު އަޑަށް ށެވެ.ޒާރާ އަށް ވީ ގޮތް ފެނި ނަވްޔާ ފަހަތަށް ފިޔަވަޅެއް އަޅާލި އެވެ.”ސިއްސައިގެންނޭ ދިޔައީ”ޒާރާ ބުނެލީ އޭނާގެ ދަބަހުގައި ޒިބު އަޅުވާލަމުންނެވެ.”އާނ ކާކު ހީކުރާނީ ދެން މީހަކު ދޮރު ހުޅުވާލި ކަމަށްޓަކާ ޒާ ސިއްސައިގެން ދާނެ ކަމަށް”ނަވްޔާ ބުނެލީ ދެފަރާތަށް ބޯ ހޫރުވާލަމުން ނެވެ.

“މިލާން އައީތަ؟”ޒާރާ އަހާލީ މައުޟޫ ބަދަލު ކޮށްލަމުންނެވެ.”އައިމަ ބަލައޭ މި އައީ”ނަވްޔާ ބުނެލީ އޭސީ ރިމޯޓް ނަގާ އޭސީގެ ފިނި މަޑު ކޮށްލަމުންނެވެ.”ހިނގާ ދާން”ޒާރާ އެހެން ބުނެލަމުން ކޮޓަރިން ނިކުމެލިއެވެ.ޒާރާ ކޮޓަރިން ނިކުތުމުން ނަވްޔާ ޒާރާ ދަބަހަށްލާ ފޮރުވީ ކޯޗެއް ތޯ ބަލައިލީ ޒާރާ ސިހިގެން ދިޔައީ ވައްކަމެއް ކޮށްގެން މީހަކު ފަޅާ އަރުމުން ސިހިގެން ދާނެ ގޮތަށް ވިއްޔާ އެވެ.”އޯހ ހާރ ޑައިރީ”ނަވްޔާ މަޑު މަޑުން އެހެން ބުނެލަމުން ކޮޓަރިން ނިކުތީ ޒާރާގެ ޑައިރީ ކިޔާ ހިތް ނެތުމުންނެވެ.

ނަވްޔާ ކޮޓަރިން ނިކުން އިރު ޒާރާ އާއި ލައިނީ ގެ އިތުރުން އައިކާ އާއި މިލާން ފިޔަވާ އިތުރު މީހަކު އެވަގުތު އެތާކު ނެތެވެ.”ކޮބާތަ އެމީހުން.އަދިވެސް އާދެވޭ ކަމަށް ނުވޭ ދޯ”އައިކާ ފޯނުން ގަޑި ބަލާލަމުން ޗުސް ތަޅާލިއެވެ.ހަތަރު ގަޑި ބަޔަށް ހިނގާލަން ދާން ގަޑި ކިޔާފައި އޮތް އިރު މިހާރު ގަޑިން ސާޅީސް ފަހެއް ހިނގީ އެވެ.އަދި ވެސް ކިޔާން އާއި ރަޔާންގެ އިތުރުން އަލީކް އަށް އާދެވޭ ކަމަކަށް ނުވެއެވެ.

“ކަލޭނޭ ކައެމެން އަންހެންނުން ނަށް ދޫނުކުރޭ ދޯ.ޕިސް ޕިސް”މިލާން ބުނެލީ ރަޔާން އާއި ކިޔާންގެ އިތުރުން އަލީކް އައުމުން ނެވެ.”ސޮރީ އަލީކް އާ ހެދި ލަސްވީ”ކިޔާން ޒާރާ އަށް އަވަސް ނަޒަރެއް ދެމުން ބުނެލިއެވެ.”އާނ މީނަ ވެއްޖެ ވިއްޔާ އެވަރަށް އިސްތަށިގަނޑު ސްޓައިލް ކުރަން.އޭރުންނެއްނު އަންހެން ކުދިން މީނަ އާ ދިމާލަށް ބަލާނީ”ރަޔާން ވެސް ކިޔާން އާއި އެއްބައި ވެލިއެވެ.

ކަޅު ކުލައިގެ ރިޕް ކާރލް ޖެހި ޓީޝާޓަކާއި އެކު ކަޅު ކުލައިގެ ޖިންސް އެއްލައިގެން ހުރި އަލީކް ބޭރު މޮޑެލް އަކަށް ދޫނުކުރާނެކަން ކަށަވަރެވެ.އިސްތަށިގަނޑު ސްޓައިލް ކޮށްލާފައި ހުރީ ނިތްމައްޗަށް ދެތިން އިސްތަށި ވެއްޓިފައި އޮންނަ ގޮތަށްށެވެ.

“އޯހޯ ކާކަށް ދައްކަންތަ؟”މިލާން ބުނެލީ ސޯފާއިން ތެދުވަމުންނެވެ.އަލީކް އައިކާ އާއި ދިމާލަށް ނުގޮތަކަށް ބަލާލި އިރު އައިކާ ވެސް ހުރީ އަލީކް އާއި ދިމާލަށް ބަލަން ކަމުން ހަތަރު ކަޅި ބައްދަލުވެގެން ދިޔަ އެވެ.އަލީކްގެ ހިތުގެ ތެޅުން ބާރުވި އެވެ.އަވަހަށް އެެހެން ދިމާލަކަށް ބަލާލީ އައިކާ އާއި ހަތަރު ކަޅި ބައްދަލު ކޮށްގެން ހުންނަން ވެއްޖެ ނަމަ އެހިތުގެ ހާލު ބޭޒާރު ވެދާނެތީ އެވެ.

“މީހަކަށް ދައްކަން ނޫނީ މަށަށް ރީތި ނުވެވެނީ ތަ؟”އަލީކް ނިތް އަރުވާލަމުން މިލާން ގެ ފަހަތުން ދާން ހިނގައިގަތެވެ.ނަވްޔާމެން ވެސް އަނގަ ނަގައިގެން ނުހުރެ މިލާންމެން ފަހަތުން ނިކުންނަން ހިނގައިގަތެވެ.”މަންމާ ދަނީ އިނގޭ”ގޭގެ ދޮރާއްޓައި ހިސާބަށް އައިސްފައި ލައިނީ ލައިޝާ ގާތު ބުނެލި އެވެ.

ގޭގެ ދޮރުން ނިކުމެގެން އައި މިލާންމެންނަށް އެރުނީ އީޝާ މެންގެ ކުރިމައްޗަށް ށެވެ.ވަގުތުން ލައިނީގެ ހިތަށް އަނެއް ފަހަރު އަނެއްކާ އަނެއް ކަންތަކޭ ހިތަށް އެރި އެވެ.”މިލާންމެން ކޮންތާކަށް”އީޝާ އަހާލީ ލިބުނު ފުރުސަތުގެ ބޭނުން ހިފުމުގެ ގޮތުންނެވެ.”ހިނގާލަން”މިލާން ގެ ޖަވާބު ކުރުވެފައި ސާދާ އެވެ.”ކޭން ވީ ޖޮއިން”އީޝާ އަހާލުމުން މިލާން އަށް ނޫނެކޭ ބުނާކަށް ނުކެރުނެވެ.

“އެންމެ ފަހުން ހިނގާލަން ދިޔަ ދުވަހު ވެސް މިމީހުންނާ ހެދި ހަރާބުވީ އަނެއްކާ މިއަދު ވެސް”އައިކާ ބުނެލީ ގާތުގައި ހުރި ލައިނީގެ ކަންފަތް ބުޑުގައި އެވެ.އައިކާ ވެސް އީޝާމެންނާއި މެދު ނުރުހޭ ކަން އައިކާ ގެ ވާހަކައިން ލައިނީ އަށް ނަގައިގަނެވުނެވެ.

މިލާން އާއި ނަވްޔާ ގެ އިތުރުން ލައިނީ އާއި އައިކާ ކުރީގައި ހުރެގެން އިނގަމުން އައިއިރު އެމީހުންގެ ފަހަތުން އަލީކް އާއި ރަޔާންގެ އިތުރުން ކިޔާން އާއި ޒާރާ ހިނގަމުން އައެވެ.”ހައި ޔާން”ޝަހްނާ ބުނެލީ ކިޔާން އާއި ޒާރާގެ ދެމެދަަށް ވަންނަމުންނެވެ.ކިޔާން ހިތްހަމަނުޖެހުނީ ޝަހްނާ އައިސް އެދެމީހުންގެ ދެމެދަަށް ވަނުމުންނެވެ.ހުރީ ވެސް ކިޔާންގެ ގައިގައި ޖެހިގަނެގެންނެވެ.

“ހޭ ޝަހްނާ މިތާ ދެމެދަށް ނުވަދުނަސް ޝަހްނާ އަށް ހުރެވިދާނެ ދޯ”ކިޔާން އެހެން ބުނި އިރު ނަސީބަކުން އެމީހުންނަށް އަތިރިމައްޗާއި ހިސާބަށް އާދެވިއްޖެ އެވެ.އަތިރިމަތީގައި އެމީހުން ތިބި ހިސާބުގައި މީހުން ގިނަ ނުވިކަން އެއީ ކިޔާންގެ ނަސީބެވެ.ކުއްލިއަަކަށް ހުރެފައި ކިޔާން އެއްޗިހި ކިޔައި ގަތުމުން މިލާންމެންގެ އިތުރުން ޝަހްނާ އަށް ވެސް ސިހުމެއް ލިބުނެވެ.”ކިޔާން ދެން ރީތިކޮށް ބުނި ނަމަ އަހަރެން ވެސް ތިދެމެދަކަށް ނުވަންނާނެ ދޯ”މިލާން މެން އެންމެން ގެ ސަމާލުކަން ވެސް ޝަހްނާ އަށް ހުއްޓުމުން ޝަހްނާ ކުޑަ ކޮށް ލަދުގަންނަ ގޮތްވިއެވެ.ނަމަވެސް މޫނުމަތިން އެކަން ނުދައްކާ ވޭތޯ ޝަހްނާ ބެލިއެވެ.

ކިޔާން އޭނާ އާއި ދިމާލަށް އެހެން ބުނުމުން ޝަހްނާ އަށް އެކަމުގެ ކުށް ވެސް އެޅުވީ ޒާރާގެ ބޮލުގައި އެވެ.ޒާރާ އެތަނުގައި ނެތް ނަމަ އެނާ އައިސް ކިޔާން ގާތު ހުއްޓުމުން އެއްޗެކޭ ނުބުނާނެ ވިއްޔާ އެވެ.ނަމަވެސް ޝަހްނާ އަށް ނޭނގުނީ ޒާރާ ނާންނަ އިރު ވެސް ޝަހްނާ އައިސް ކިޔާން ގާތު ހުއްޓުމުން ކިޔާން އަށް އުނދަގޫވާ ކަމެވެ.

ނުނިމޭ