ނަން ކަލާގެ މިހިތުގައި ފެވިއްޖޭ(ފަނަރަވަނަ ބައި)

“ތިބޭފުޅާ އަށް ގުޅިގެން ތި އުޅެނީ ނުބައި ނަމްބަރަކަށް”ނުކްޝާން ފޯނު ނެގުމާއި އެކު ހެން ބުނެލިއެވެ.ނަމަވެސް ނުކްޝާން އަށް ބުނެވުނީ އެހިސާބަށް ށެވެ.އެމީހާ ވާހަކަ ދައްކަން ފެށުމުން ނުކްޝާން ޖެހުނީ މަޑުމަޑުން އިންނާށެވެ.”ތިއީ ނާއިޝްގެ ދަރިފުޅު ތޯ”އެމީހާގެ އަޑުން އެކަނި ވެސް އެމީހާ ހާސްވެފައި ހުރި މިންވަރު ނުކްޝާން އަށް ނަގައިގަނެވުނެވެ.ނުކްޝާންގެ ހިތް ބާރު ބާރަށް ތެޅެން ފެށިއެއް ކަމަކު ލައްބައޭ ބުނެލިއެވެ.ނުކްޝާން ލައްބައޭ ބުނުމުން އެމީހާ ދިން ހަބަރު ގެ ސަބަބުން ނުކްޝާން އަށް ހީވީ ދުނިޔެ ވެސް އެނބުރުން ހެންނެވެ.

*********************

އެއާރޕޯޓް އިން ނިކުމެގެން އައި ނާއިޝް އާއި ޒީވާ ފަރާތް ފަރާތް ހޯދަމުން ދިޔައީ އެމީހުން ބަލާ އަންނަން ބުނި ޑްރައިވަރު ކޮބައިތޯ އެވެ.ނާއިޝް އެއްލި ކަޅި އަކުން ދުރުގައި އޮތް ކާރު އަޅައިގަތުމާއި އެކު އެއީ ޒަޔާން ބުނި ކާރުކަން ޔަގީންވި އެވެ.ޒީވާ އާއި އެކު ނާއިޝް އެތާ ކައިރީ މަޑުކޮށްލުމާއެކު ޑްރައިވަރު ކާރުން ނިކުމެ ފަހަތު ސީޓުގެ ދޮރު ހުޅުވާލިއެވެ.ކާރަށް ލަގެޖްތައް އެރުވުމަށްފަހު ނާއިޝް ވެސް ޑްރައިވަރާއި އެއްކޮށް ކާރަށް އަރާލިއެވެ.

ޑްރައިވަރު ކާރު ދުއްވާލުމާއި އެކުހެން ޒީވާ ނާއިޝް އާއި ވާހަކަ ދައްކަން ފެށިއެވެ.”އަޅެ މިހާރު އެބަ ހިތަށް އަރާ ނުކްމެން ކައިރީގަ ބުނެފަ އާދެވުން ނަމަ އޭ.އެދެކުދިންނަަށް އެންމެ ފަހު ވަގުތު އިނގުނީމަ ހާދަ އަސަރު ކުރާނޭ”ޒީވާ ބުނެލީ ނާއިޝްގެ ކޮނޑުގައި ބޯ އަޅާލަމުންނެވެ.ޒީވާ އަށް ނޭނގުނީ ޒީވާމެން ނުބުންޏަސް ނުކްޝާން އަށް ވީ ގޮތް އިނގޭ ކަމެވެ.”އަޅާނުލާ ޑޮކްޓަރ ވެސް އެބުނީނު ރަނގަޅުވާނޭ.ދެން އެވާހަކަ ސިއްރެއް ގޮތަށް ބާއްވާނީ.އިން ޝާ ﷲ ޒީ ރަނގަޅު ވާނެ”ނާއިޝްގެ ކޮނޑުގައި ބޯ އަޅާލައިގެން އޮތް ޒީވާ ގެ ގައިގައި އަތް ވަށާލާމުން ނާއިޝް ބުނެލީ ޒީވާ ގާތް ކޮށްލަމުންނެވެ.

ކުއްލިއަކަށް ކާރު ގެ ތެރެއިން އިވިގެން ދިޔަ ޒީވާގެ އަޑާއި އެކު ފެނިގެން ދިޔައީ ހަމައިން ނެއްޓިގެން އައި ކާރެއް އައިސް ހަލުވި މިނުގައި ދުއްވަމުން ދިޔަ ޒީވާމެން ކާރު ގައި ޖެހި އެކްސިޑެންޓް ވި މަންޒަރެވެ.މީހުންތައް އެތަނަށް ޖަމާވާން ނެގީ މަދު ސިކުންތު ކޮޅެކެވެ.އިރުކޮޅެއް ތެރޭގައި ސިފައިންނާއި ނޫސްވެރިން ވެސް އެތަނަށް ޖަމާވިއެވެ.

ކާރުގެ ތެރޭގައި އޮތް ޑްރައިވަރު އޮތީ މަރުވެފައި ކަމެއް ނުވަތަ ހޭނެތިފައި ކަމެއްވެސް ނޭނގެއެވެ.ކާރުން ޑްރައިވަރު ނެގި އިރު ވެސް ޑްރައިވަރު ގެ ހަށިގަނޑުން ވަނީ ވަރަށް ބައިވަރު ލޭ ފައިބާފައި އެވެ.ޑްރައިވަރު ކާރުން ނެގުމަށްފަހު ޒީވާމެން ކާރުން ނެރުމަށް އެންމެން އުޅެގަތެވެ.ނާއިޝްގެ ހަށިގަނޑަށް މާބޮޑު ޒަހަމްތަކެއް ލިބިފައި ނެތަސް ޒީވާގެ ހަށިގަނޑު ގައި ފުރާނަ ހުރި ކަމެވެ.”ޒީވާ.ބަލައިގެން”އެންމެން ޒީވާ ނެރެން އުޅުމުން ނާއިޝް ޒީވާ ގެ ގާތު ބުނެލީ އެއްވެސް ބެލުމެއް ނެތި ޒީވާ ކާރުން ނިކުންނަން އުޅުމުންނެވެ.

“ނާއީ.އަހަރެން ކިތަންމެ ސަލާމަތް ކުރަން އުޅުނަސް ސަލާމަތެއް ނުވާނެ.އެއްވެސް މީހަކަށް މަރެއް ނުހިފެއްޓޭނެ.ނުކް އާ ނާޔާ ދެކެ މަންމަ ވަރަށް ލޯބިވެއޭ އެކުދިން ކައިރީގަ ބުނާތި.ނާއީ އަހަރެންގެ ދެކުދިން ރަނގަޅަށާ ބަލާތި.ނާއި ދެކެ ވެސް އަހަރެން ވަރަށް ލޯބިވޭ “ނާއިޝްގެ އަތުގައި ހިފައިގެން އިން ޒީވާގެ އަތުން ވަރު ދޫވިކަން ނާއިޝް އަށް އިހުސާސްވިއެވެ.ނާއިޝް ރަނގަޅަށް ޒީވާ އާއި ދިމާލަށް ބަލާލި އިރު ޒީވާ އަބަދުގެ އަބަދަށް ލޯ މަރާލީ ކަމެއް ނުވަތަ އެހެން ކަމެއްވީ ކަމެއްވެސް ނާއިޝް އަކަށް ނޭނގުނެވެ.

ޒީވާ އަތްދަނޑި މައްޗަށް ލައިގެން ނާއިޝް ކާރުގެ ދޮރު ބާރަކަށް ހުޅުވާލަމުން ނިކުތުމާއި އެކުހެން ޒީވާ އެމްބިއުލެންސް އަށް އެރުވިއެވެ.ޒީވާގެ ހަށިގަނޑުން ފައިބައިފައި ހުރި ލޭތައާ ހުރީ ނާއިޝްގެ ޓީޝާޓު ގައި އުނގުޅިފައި ކަމުން ޓީޝާޓު ގައި ވެސް ލޭގެ ނިޝާންތައް ހުއްޓެވެ.

“ސާރ”ނާއިޝް ފަހަތް ބަލާލީ އޭނާގެ އެސިސްޓެންޓް ގެ އަޑު އިވުމުންނެވެ.ފަހަތުގައި ކާރެއް އޮތުމުން އޭނާގެ އެސިސްޓެންޓް އެއައީ އޭނާ ބަލާކަން ދެނެގަންނާކަށް ނާއިޝް އަކަށް މާ އުނދަގުލެއް ނުވިއެވެ.

“ފާރިޝް ނުކްޝާން އަށް ގުޅާފަ ވާނުވާ އަންގާލާ”ނާއިޝް ބުނެލީ ކާރަށް އަރާ ހަމަޖެހިލަމުންނެވެ.އަދިވެސް ނާއިޝް އިނީ ލޯ ކުރިމަތީގައި ފެނުނު މަންޒަރު ވެސް ގަބޫލު ކުރަން ދަތިވެފައި އެވެ.ނުކްޝާން އާއި ނަވްޔާ އަށް އެހަބަރު ލިބުމުން ވާނެ ގޮތާއި މެދު ނާއިޝް އަށް ވިސްނާލެވުނީ ވެސް އަދިކިރިޔާ އެވެ.ބޮޑުވެފައި ހުރި ފިރިހެނެއް ކަމަކު ނާއިޝް ގެ ލޮލުން ކަރުނަ އަންނަން ފެށިއެވެ.ޒީވާގެ ކޮންމެ ޖުމުލަ އެއް ނާއިޝްގެ ކަންފަތުގައި ގުގުމަމުން ދިޔައެވެ.

ޒީވާ ހަމަ އެނާ ދޫކޮށްފައި ދިޔައީ ހެއްޔެވެ؟ދެން ޒީވާ ނާންނާނެ ހެއްޔެވެ؟ހުސް ޖަވާބު ނުލިބޭ ސުވާލުތަކެވެ.ލޮލުން ނިރާލި ކަރުން ނާއިޝް ފޮހެލީ ދެން ތިބި ދެ ދަރިންނަށް އޭނާ ރޯ މަންޒަރު ފެނުމުން އަދި އެކުދިންގެ ހިތްވަރުވެސް އެލޭނެކަން އިނގުމުންނެވެ.ކުޑަދޮރުން ބޭރު ބަލަހައްޓައިގެން އިން ނާއިޝް އަށް ނުކްޝާން ފޯނު ނެގިކަން އިނގުމުން ލޯ މަރާ ބާރު ކޮށްލެވުނީ ދޭން އުޅޭ ހަބަރުގެ ހިތިކަން އިނގުމުންނެވެ.

“ކޮބާ މިހާރު މަންމަ؟”އެމީހާގެ ވާހަކަ އިތުރަށް ކުރި އަށް ގެންދިޔަ ނުދީ ނުކްޝާން ބުނެލިއިރު އެ އަޑުގައި ވެސް ހިތާމަވެރިކަން ހުއްޓެވެ.ނުކްޝާން އަށް ވަމުން ދިޔަ ގޮތް ބަލަން އިން ޒީކާން އިނީ ވާނުވާ ނޭނގިފައި އެވެ.ނަމަވެސް ނުކްޝާން ޒީވާ ކޮބާތޯ އެހުމުން ޒީވާ އަށް ބޮޑު ކަމެއް ވެއްޖެ ކަން ޒީކާން އަށް ޔަގީން ކޮށްލެވުނެވެ.ނުކްޝާންގެ މޫނުމައްޗަށް އަރާ ކުލަވަރުތައް ދިރާސާ ކުރާ މީހަކު ފަދައިން ޒީކާން އިނީ ނުކްޝާން އާއި ދިމާލަށް ބަލަހައްޓައިގެންނެވެ.އެެހެން އިން އިރު ޒީކާން އަށް ޒީވާ އަށް ދެރަގޮތެއް ނުވޭތޯ ހިތާ ހިތުން ދުޢާ ކޮށްލެވުނެވެ.

“ނުކް ދޮންތަ އަށް ކިހިނެތް ވީ؟”ނުކްޝާން ފޯނު ބޭއްވުމާއި އެކު ޒީކާން އަށް އަހާލެވުނީ ޒީވާ އަށް ވީ ގޮތް އިނގެން ބޭނުންވެފައި ހުރި ވަރުންނެވެ.ނުކްޝާންގެ ފަރާތުން ޒީކާން ކުރި ސުވާލަށް މާ ބޮޑު ސަމާލުކަމެއް ނުލިބުމުން ޒީކާން ސުވާލު ތަކުރާރު ކޮށްލިއެވެ.އެވަގުތު ޒީކާން އަށް ވިސްނާނުލެވުނީ އެއް ގޮތަކުން ނުވިއްޔާ އަނެތް ގޮތަކުން ވެސް ސަކަރާތް ޖަހަ ޖަހާ ފައި އުޅޭ ނުކްޝާން މަޑުން އިންނާނީ ބޮޑު ކަމެއް ވެގެން ކަމެވެ.މަޑު މަޑުން އިނދެފައި ވެސް ނުކްޝާން ޒީވާގެ އެކްސިޑެންޓް ގެ ހަބަރު ޒީކާން އަށް ދިނެވެ.

” ޒީކް ބުނެބަލަ އަހަރެން ކިހިނެތް މި ވާހަކަ ނާޔާ ގާތު ބުނާނީ.ގައިމު ވެސް އެފަކީރު ހިތާމައިން މަރު ވާނެ.އަހަރެން ހަމަ މި ހަބަރު ލިބުމުން ނާޔާ އަށް ވާނެ ގޮތް އިނގުނަސް ނާޔާ އަށް މި ހަބަރު ދޭން ވީތަ؟”ނުކްޝާން ބުނެލީ ލައިގެން ހުރި ޓީޝާޓުން މޫނު ފޮރުވާލަމުންނެވެ.ނުކްޝާން އިން ގޮތުން ޒީކާން އަށް ނުކްޝާން ރޮނީކަން އިނގިގެން ދިޔައެވެ.ނަމަވެސް ނުކްޝާން ހުއްޓުވާލަން މަސައްކަތް ނުކޮށް ޒީކާން އިނީ އެ ހިތަށް ވެސް ހަމަޖެހުން ލިބޭނީ އޭރުން ކަން އިނގޭ ތީ އެވެ.

ނުކްޝާން އަށް އެވަރު ވީ އިރު ނަވްޔާ އަށް ކެތް ކުރެވޭނެ ތޯ ޒީކާން އަށް ވެސް އަމިއްލަ ހިތާ ސުވާލު ކޮށްލެވުނެވެ.ޚުދު ޒީކާންގެ ހިތަށް ވެސް އެހާ ވެސް އަސަރު ކޮށްފި އެެވެ.ދެން އަދި ނަވްޔާ އަށް ވާނެ ވަރު ވިސްނާލަން ވެސް ދައްޗެވެ.ޒީކާން ޒިވާ މަތިން ވެސް ހަނދާންވީ އެވަގުތު އެވެ.ތިރީ ތުންފަތުގައި ޒީކާން އަށް ދަތް އަޅާލެވުނީ ޒިވާ އަށް މިހަބަރު ލިބުމުން ވާނެ ގޮތް އަންދާޒާ ކޮށްލަން ވެސް އޭނާ އަށް ދަތި ވުމުން ނެވެ.

“ޒީކް އެންމެ އަވަހަށް މެލޭޝިޔާ އަށް ދެވޭނެ ގޮތެއް ހަމަ ޖައްސާ”އިރުކޮޅަކު އެެހެން އިނުމަށްފަހު ނުކްޝާން ތެދުވެ އޭނާގެ ކޮޓަރި އަށް ދާން ހިނގައިގަތެވެ.ނުކްޝާން އަށް ބަލާލާފައި އެއީ ދާދި ދެންމެ އަކު ރޮވުން ނުކްޝާން ހެން ހީވެސް ނުވާނެ އެވެ.އާނއެކެވެ.ނަވްޔާ އަށްޓަކައި ވެސް އޭނާ ހިތްވަރު ކުރަން އެބަ ޖެހެ އެވެ.ނަމަވެސް ނުކްޝާން ގެ ސުވާލަކީ އޭނާ އަށް އެހެން ހިތްވަރު ކުރެވޭނީ ކިތަށް މިނެޓު ވަންދެން ތޯ އެވެ.

ނުކްޝާން ދިޔަތާ އިރުކޮޅެއް ނުވަނީސް ޒީކާންގެ ފޯނަށް ޒިވާ ގުޅަން ފަށައިފި އެވެ.ޒީކާން ފޯނު ނެގީ ޒިވާ މިވަގުތު ގޭގައި ހުންނާނީ އެކަނި އެކަނި ކަން އިނގޭތީ އެވެ.ޒަޔާން ވެސް ވީ ވިޔަފާރި ދަތުރެއްގައި މެލޭޝިޔާ ގައި އެވެ.މިވަގުތު ޒިވާ ވެސް މީހެއްގެ އެހީތެރިކަން ބޭނުން ވާނެ އެވެ.ފޯނު ނެގުމާއި އެކު ޒީކާން އަށް އިވިގެންދިޔަ ޒިވާގެ ގިސްލުމުގެ އަޑުން އެކަނި ވެސް ޒީކާން ގެ ހިތް ހީވީ ކުދި ކުދި ވެގެން ފޭބި ހެންނެވެ.”ދަ..ރިފުޅާ”ޒިވާ އުނދަގުލުން ވެސް ޒީކާން އަށް ގޮވާލި އެވެ.ބޮޑު ވެފައި ހުރި ފިރިހެނެއް ކަމަކު ޒީކާން އަށް ވެސް އަމިއްލަ މަންމަ ރޯ އަޑު އިވުމުން ރޮވުނެވެ.ނަމަވެސް ދެވަނަ ސިކުންތަކަށް ކަރުނަތައް ފޮހެލަމުން ނުކްޝާން މެން ގެއިން ނިކުންނަން ދާން ހިނގައިގަތީ ޒިވާ އެކަނި ގޭގައި ނުބަހައްޓާން ވެގެން ނެވެ.

މިވަގުތު ނުކްޝާން އަށް ވެސް މީހެއްގެ އެހީތެރިކަން ބޭނުން ވާނެ ކަން ޒީކާން އަށް އިނގެއެވެ.ނަމަވެސް މިވަގުތުވެސް ރަޔާންމެން މީހަކަށް އެހަބަރު ލިބުނަސް ނުކްޝާން އަށް ހިތްވަރު ދޭން ތިބޭނެއެވެ.އެކަމަކު ޒިވާ އަށް ހިތްވަރު ދޭނެމީހެއް އޭނަ ނޫނިއްޔާ ނެތެވެ.

ނުނިމޭ