ނަން ކަލާގެ މިހިތުގައި ފެވިއްޖޭ(ބާރަވަނަ ބައި)

ޒާރާ އަށް ނޭނގުނީ ޒާރާގެ ވާހަކައިން ކިޔާންގެ ހިތަށް ބަޔާން ކުރަން ދަތި އުނދަގޫތަކެއް ވި ކަމެވެ.ޒާރާ އެ ފިރިހެން ކުއްޖާގެ ނަން ކިޔާލި ގޮތުން އެކަނި ވެސް ކިޔާން އަށް އެ ކުއްޖާ އަކީ ޒާރާ އަށް ވަރަށް ހާއްސަ ކުއްޖެއްކަން އިނގިގެން ދިޔައެވެ.”ކޮންތާކަށް ދާން ތިހާ ރީތި ވެލައިގެން ތިހުރީ”ކިޔާން ބުނެލީ ގާތް ގޮތަކަށްށެވެ.މިއި އޭނާ ޒާރާ އާއި މި ގޮތަށް ވާހަކަ ދައްކާ ފުރަތަަމަ ދުވަސް ކަމުން ޒާރާގެ ހިތުގައި އެއްވެސް ވަރަކަށް ބީރައްޓެހިކަން ބާއްވާކަން ކިޔާން އެއް ބޭނުމެއް ނޫނެވެ.”ނާޔާމެން ގެ އަށް ދޮންބެ ބުނި ނުކް ބުންޏޭ އޯރވާ ނައިޓް އަކަށް ދާން”ޒާރާ ބުނެލުމާއި އެކު ކިޔާންގެ މޫނު މައްޗަށް ހިނިތުންވުމެއް ފެނިގެން ދިޔައީ އޭނާ ވެސް އެދަނީ އެގެއަށް ވުމުންނެވެ.”ރައިޑެއް ބޭނުން ތަ؟”ކިޔާން ބޭނުންވީ ވަގުތުގެ ބޭނުން ހިފާށެވެ.”ތެންކްސް.އެކަމު ދޮންބެ އެބަ އާދެ ބަލާ”ޒާރާ ބުނެލީ ޒީކާން ބަލާ އަންނަ ވާހަކަ ބުނެފައި އޮތުމުން ނެވެ.ޒާރާ އެހެން ބުނެލި ވަގުތު ވީ ޒީކާން ވެސް އައި ވަގުތަށް ވުމުން ކިޔާން ޒީކާން އާއި ޒާރާ އަށް ހިނިތުންވުމެއް ހަދިޔާ ކޮށްލަމުން ސައިކަލު ދުއްވާލިއެވެ.

**********************

ބްލޫ ބެލް ގޭގެ ސިޓިންގް ރޫމްގައި ތިބި އެންމެން ކަހަލަ ގޮތަކަށް ރާވަމުން ދިޔައީ މިއަދު ހަދާ އޯވާރ ނައިޓް ގައި އެންމެން ތިބޭނެ ކޮޓަރި އެވެ.”ނާޔާގެ ކޮޓަރިގައި ތިބެވޭނެ އެއްނު ނާޔާ ލައި އައިކާ އެންޑް ޒާ.ގައިމު ވެސް ކޮޓަރި ކުޑަ އެއް ނުވާނެ”ނަވްޔާ ބުނެލީ އޭނާގެ ހިޔާލެވެ.”ތި ގޮތް ވެސް އޯކޭ.ދެން މަށާ ރިޔާންއާ ޒީކް އެންޑް ޓޮމް”ނުކްޝާން ޓޮމް އޭ ކިޔާފައި އިޝާރާތް ކުރީ އަޔާން އަށް ކަން އެންމެންނަށް ވެސް އިނގުމުން ހޭން ފެށީ އަޔާން އާއި ދިމާކޮށްލުމަށްށެވެ.”ދެން އަދި މަތީގަ އިންނާނެ ހުސް ކޮޓަރި އެއް.ތިރީގަ ވެސް އިންނާނެ މަންމަ މެން ގެ ކޮޓަރިއާ ނުލާ ދެ ހުސް ކޮޓަރި ތިމީހުން ބަހާނެ ގޮތަކަށް ބަހާ ދެން”ނުކްޝާން ބުނެލީ އޭނަ ބަހާ ގޮތަކަށް ބަހާ ނިމުމުން ތޯ އެއްޗެކެވެ.”އަންހެން ވެރިން ތިބޭ އެއް ކޮޓަރި އެއްގަ.މަށާ އަލީކް އާ ދެން އިން ކޮޓަރީގަ ރަޔާން އާ ކިޔާން އާ”މިލާން ބުނެލީ މިޝްޔާ އާއި ދިމާލަށް ފާޑަކަށް ބަލައިލަމުން ނެވެ.މިޝްޔާ އެގޮތަށް އެއްބަސްނުވާނެ ހެން އޭނާ އަށް ހީވާތީ ކަމަށް ވެސް ވެދާނެއެވެ.ނަމަވެސް މިލާން ހީކުރި ގޮތާ ހިލާފަށް މިޝްޔާ މިލާން ގެ ހިޔާލާއި އެއްބަސް ވެލިއެވެ.

ރޭގަނޑު ގެ ކެއުން ނިންމާފައި ތްރޫތް އޯ ޑެއާރ ކުޅެން އެންމެން ނިންމީ އެ ގަޑީގައި ކުރާނެ މާ ބޮޑު ކަމެއް ނެތުމުންނެވެ.އެންމެން އެ ގޮތަށް އެއްބަސް ވުމުން ނުކްޝާން އާއި ޒީކާން ބޭރަށް ނިކުމެލީ ވަރަށް ބޮޑު ވާހަކައެއް ދައްކަން ވެފަ އެބަ އޮތޭ ކިޔާފައި އެވެ.”ނުކް އަހަރުން ގެނެއްސަ އޭނަ ދޯ އެބެޗީ ވެސް”އަޔާން ބުނެލީ ފޫހިވެގެން ސޯފާގައި އޮށޯވެލަމުންނެވެ.

“ވަރަށް ބޮޑު ވާހަކައެއް ދައްކަން ވެފަ އެބަ އޮތޭ ކިޔާފަ އެއްނު އެ ދިޔައީ ހިނގާ އަހަރުން ވެސް ހިނގާލަން ދާން”ރިޔާން ބުނެލީ މި ވަގުތު ކުރާނެ މާ ބޮޑު ކަމެއް ވެސް ނެތުމުންނެވެ.އެންމެން ވެސް އެހިޔާލަަށް އެއްބަސްވަމުން ބޭރަށް ނިކުމެލި ވަގުތުވީ އެމަގުން އީޝާމެން ވެސް ދިޔަ ވަގުތެވެ.

އީޝާމެން އެ މަގުން އަޅާފައި ދިޔަ މަންޒަރު ބަލަން ހުރި ލައިނީ އަށް ހިތާ ހިތުން އީޝާމެންނަށް އެމީހުން ނުފެނޭ ތޯ ދުޢާ ކޮށްލެވުނެވެ.ނަމަވެސް ތަގުދީރުގައި ވާން އޮތް ކަމެއް ނުވެ ނުދާނެތާ އެވެ.މައިރާ އެއްލި ކަޅިން ލައިނީމެން ފެނުނެވެ.މައިރާ އީޝާމެންނަށް ލައިނީމެން ދައްކާލުމާއި އެކުހެން ލައިނީގެ ދަތްތަކަށް ބާރު ކޮށްލެވުނެވެ.

“އީޝްމެން ދޯ އަހަރުން މިދަނީ ހިނގާލަން ދާނަން ދޯ އަހަރުންނާއި އެކު”މިލާން އީޝާމެންނަށް އެމީހުން ގާތަށް އަންނަން އިޝާރާތް ކުރަމުން ބުނެލިއެވެ.މިލާންގެ އެޖުމުލައިން މިޝްޔާ ހިތްހަމަނުޖެހުނުކަން އެންމެންނަށް ވެސް އެނގިގެން ދިޔައީ މިޝްޔާ މިލާން ގެ ނަމުން ގޮވާލުމުންނެވެ.

ހަގީގަތުގައި މިޝްޔާ އެމީހުން ގްރޫޕް އާއި އެކު އަންނާތީ ހިތްހަމަނުޖެހުނީ އެއް ނޫނެވެ.ނަމަވެެސް މީހަކާއި ރައްޓެހިވެގެން ހުރެ އެކުއްޖާ ގާތުގައި ހުރި އިރު ވެސް އަންހެން ކުއްޖަކަށް ގޮވުމުން މިޝްޔާ ހިތްހަމަނުޖެހުނީ އެވެ.އޭނާ އަކީ ވެސް އަންހެން ކުއްޖެކެވެ.އަންހެން ކުއްޖެއްގެ އިހުސާސްތައް އޭނާ އަށް ވެސް އިނގޭ ވިއްޔާއެވެ.

ޝަހްނާ އައިސް ކިޔާން ގާތު ހުއްޓުމާއި އެކުހެން ކިޔާން އަށް އުނދަގޫ ވިއެވެ.މީގެ ކުރިން ވެސް ޝަހްނާ އާންމުކޮށް ހުއްޓޭނީ ކިޔާންގެ ގާތުގަ އެވެ.ނަމަވެސް ކުރިން ނުހުއްޓޭހާ ގާތުގައި ޝަހްނާ ކިޔާންގެ ކައިރީގައި ހުއްޓުމުން ކިޔާން އަށް ވެސް އުނދަގޫވާނެ ތާ އެވެ.

އީޝާމެން ވެސް އެމީހުންނާއި އެއްކޮށް ހިނގާލަން ދިއުމުން ލައިނީ އަށް ހުރީ ފާޑަކަށް އުނދަގޫ ވެފައި އެވެ.ނަމަވެސް މޫނު މަތިން އެކަން ނުދައްކާ ވޭތޯ ލައިނީ ބެލިއެވެ.ރަޔާން އަށް ލައިނީގެ އިހުސާސްތައް އިނގުނީ ކަންނޭނގެ ރަޔާން އެންމެ ހިނދުކޮޅަކަށް ވެސް ލައިނީ އާއި ދުރަށް ނުދެއެވެ.މިކަމުގެ ސަބަބުން ޔަޝާ ހުރީ ތުން ދަމައިގެން ނެވެ.

“މިތަނަށް ވަންނަންވީނު ކާން މަ ލާރި ދައްކާނަން”އީޝާ ބުނެލީ އެހާ އަވަހަށް މިލާން އާއި އެކު ހޭދަކުރެވޭ ވަގުތު ކޮޅު ކުޑަކޮށްލަން ބޭނުން ނުވާތީ އެވެ.”މަ ލާރި ދައްކާނީ”މިލާން އާއި އީޝާ އެކަމާ ދެބަސް ވަމުން ރެސްޓޯރެންޓް ތެރެ އަށް ވަދުނެވެ.އެންމެންނަށް އިށީންދެވޭ ވަރުގެ ބޮޑު މޭޒެއް ނުވެސް ލިބުނެވެ.އެންމެ ފަހުން ހަތަރު މޭޒު އެއްކޮށްލީ އެންމެންނަށް ތިބެވޭ ވަރު ކުރު މަށްށެވެ.

“އޭނދީ ނުކީ”ދުރުގައި ހުރި މޭޒެއްގައި އިން ނުކްޝާން އާއި ޒީކާން ފެނުމުން ރިޔާން ބުނެލީ ލޯ ކުޑަ ކޮށްލަމުންނެވެ.”އެބަ އަންނަން އިނގޭ އެންމެން އޯޑަރު ނަގާ އަހަރުން އަންނަން ދެން މަޑު ނުކޮށް .އަހަރުން ދެ މީހުންނަށް ދެ ކޮފީ”ރިޔާން އާއި އަޔާން އެކީ ތެދުވެ ލަމުން ނުކްޝާންމެން ތިބި ދިމާލަށް ދާން ހިނގައިގަތެވެ.

“މަށަކަށް ހިޔެއް ނުވެ މަންމަ އެދިޔައީ ކުޑަ ބައްޔެއް ވެގެންނެކޭ.ބައްޕަ އެހެން ނޫނީ އެހާ އަވަހަކަށް ނުދާނެ”ނުކްޝާން އިނީ ރިޔާންމެންނަށް ފުރަގަސް ދީގެން ކަމުން ނުކްޝާން ގެ މޫނުމަތީގައި ހުރި ކުލަވަރުތަކެއް ރިޔާންމެންނަކަށް ނޭނގުނެވެ.ޒީކާން އާއި ނުކްޝާން އަށް ފެނުމުގެ ކުރިން އަޔާން އާއި ރިޔާން ފާރާ ނިވާވެލީ އިތުރަށް އެމީހުން ދައްކަމުން ދިޔަ ވާހަކަ އަޑު އެހުމުގެ ނިޔަތުގައި އެވެ.”މި ކޮޅުން ވީ ގޮތް އިނގުން އެކަމު މި ކޮޅުންނެއް ނޭނގުނޭ ކިޔާފަ އެ ދިޔައީ ނާޔާ އާ މަށާ ދެމީހުންނަށް ނޭނގޭނެ ކަމަށް.ނާޔާ އަށް ނުވިސްނުނަސް މަށަށް ވިސްނެޔޭ މި ކޮޅުގަ އަތޮޅު ހޮސްޕިޓަލް އޮތް އިރު މިތަނުން ވީ ގޮތް އިނގޭނެކަން”ނުކްޝާން ގެ އަޑުން އެކަނި ވެސް އޭނާ އެކަމާ ކަންބޮޑުވާ ވަރު އަޔާންމެންނަަށް އިނގުނެވެ.”ނުކް މަ ބުނަން ތަ ވާހަކައެއް އަސްލު ބުނާކަށް ވެސް ބޭނުމެއް ނޫން ދޮންތަމެން ސިއްރު ކުރާނީ ބުނަން ބޭނުން ވިޔަސް އެ ހިތްވަރު ނެތުމުންހެން ހީވަނީ”މޫނުމަތިން އެއްވެސް އަސަރެއް ނުދައްކާ ޒީކާން ގެ މޫނުމަތިން ކަންބޮޑުވުން ފެނުމުން އަޔާންމެންނަަށް ޒީކާން ބުނަން އެޅުނީ ކުޑަ ވާހަކަ އެއް ނޫން ކަން އިނގިގެން ދިޔައެވެ.

“އަސްލު ދޮންތަ އެ ދިޔައީ މި ކޮޅުން ވީ ގޮތް އިނގުނީމަ ވެސް އެ ބައްޔަށް އަދި ފަރުވާ ލިބޭނެ ކަމަށް ޑޮކްޓަރު ބުނުމުން.މަންމަ ކައިރީ ގަ ދޮންތަ އެހެން ބުނީ.ނުކް އަށް ކޮން ބައްޔެއްކަން އިނގޭތަ؟ކެންސާރ”ޒީކާން ބުނެލީ ބުނަން ނުބުނަން އިނދެފައި ކަހަލަ ގޮތަކަށް ށެވެ.ޒީކާން ގެ އެ ވާހަކައިން ނުކްޝާން އަށް ސިހުމެއް ލިބުނެވެ.”އޭނ ކެންސަރ އޭ”ނުކްޝާން އަށް ބުނެލެވުނީ ގަބޫލު ކުރަން ދަތިވެފައި އިނދެއެވެ.”އަދި ހުރީ ފުރަތަމަ ސްޓޭޖް ގަ އެހެންވެ ފަރުވާ ލިބޭނެ ކަމުގެ އުންމީދު ބޮޑޭ ޑޮކްޓަރ ބުނި ވާހަކަ ދޮންތަ ބުނީ.އޮޕަރޭޝަން އެއް ކުރަން ޖެހެނީ އެހެންވެ ދޮންތަބެ އެއްބަސް ނުވީމަ މިކޮޅުން ނަހަދާ އެކޮޅަށް ދިޔައީ އެ”ޒީކާން އޭނާ އަށް އިނގޭ ވަރު ކިޔާލަ ދިނެވެ.ޒީކާން ދައްކަމުން ދިޔަ ވާހަކަ އަޑު އަހަން ހުރި ނުކްޝާން ގެ މޫނުމަތިން އެކި ކަހަލަ އަސަރު ފާޅުވަމުން ދިޔަ އެވެ.

ޒީކާން ގެ ވާހަކަ އެހާ ހިސާބަށް ދިއުމުން އަޔާން އާއި ރިޔާން ދެއްކި އެއްވެސް ވާހަކަ އެއް އަޑު ނީވޭހެން ހަދާލަމުން އެތަނުން ނިކުމެލީ ދެންމެ އައި ދެމީހުން ފަދައިންނެވެ.”ސާބަސް ދެމީހުންނަށް.ބޮޑު ވާހަކަ އެއް ދައްކަންނޭ ކިޔާފަ ބަލާބަލަ ދެ ކޭމާޓުން އައިސް ތިބި ތަން ކާން”އަޔާން ބުނެލީ ނުކްޝާން ގެ ސަމާލުކަން އެހެން ފަޅި އަކަށް އަނބުރާލަމުން ނެވެ.އަޔާން އަށް ވެސް ނުކްޝާން ގެ ސަމާލުކަން އަތުލެވޭނީ އޭނާ އާއި ދިމާކޮށްލައިގެން ކަން އިނގޭ ފަދަ އެވެ.

ނުނިމޭ