ނަން ކަލާގެ މިހިތުގައި ފެވިއްޖޭ(އެގާރަ ވަނަ ބައި)

ޕާޕްލް ހައުސް ބެންޗުގައި ހުރި ލައިނީގެ ލޮލުގައި އީޝާ އާއި މިލާން އަޅައިގަތުމާއި އެކުހެން ދެލޯ ކުޑަ ކޮށްލެވުނީ އިހްތިޔާރުން ބޭރުގައި އެވެ.އެތަން ފާހަގަ ވީ އޭނާ އަށް އެކަނި ނޫން ކަން ލައިނީ އަށް އިނގުނީ ގާތުގައި ހުރި ކުއްޖަކު އެކަހަލަ އެއްޗެއް ބުނުމުން ނެވެ.”އޭ ޔަޒާ ބަލާބަ މިހާރު އީޝް އެންޑް މިލާން ގުޅުނީ ތަ؟ވަރަށް ލޯބި ކަޕްލް އެއް ދޯ”ފައިހާ ގާތުގައި ހުރި ޔަޒާ އަށް މިލާން އާއި އީޝާ ދައްކާލަމުން ބުނެލި ގޮތުން އެކަނި ވެސް އެދެކުދިން ގާތު އީޝާ އެކަހަލަ އެއްޗެއް ބުނެފައި އޮތް ހެން ލައިނީ އަށް ހީވިއެވެ.

********************

މެޗު ފެށުނީ ވެސް ލައިނީ އީޝާމެން ހަދަން ވިސްނައިގެން ހުރި ގޮތެއް ވިސްނަން ހުއްޓައެވެ.މިއަދު އީޝާގެ ހަރަކާތްތައް ހުރި ގޮތުން ލައިނީ އަށް އެކައްޗެއް ވިސްނިއްޖެއެވެ.އީޝާމެންގެ އަމާޒަކީ ލައިނީމެންނާއި ރަޔާންމެން ދުރުކުރުވުމެވެ.ނަމަވެސް ލައިނީ އަށް ނޭނގެނީ އެމީހުންގެ ޕްލޭން އެވެ.

މެޗު ފެށެންވާ އިރަށް ސަޕޯޓަރުން ގެ އަޑު ގަދަވެގެން ދިޔައެވެ.އެއް ހައުސް އަކަށް ވެސް އަނެއް ހައުސް ދޫކުރާ ގޮތެއް ނުވިއެވެ.ކުއްލި އަކަށް ޕާޕްލް ހައުސް ސަޕޯޓަރުން ގެ އަޑު ގަދަވީ އެހައުސްގެ ކެޕްޓަން ޔަޒާގެ އަތަށް ބޯޅަ އެރުމުންނެވެ.ޔަޒާގެ އަތަށް އެރި ބޯޅަ ސިކުންތު ކޮޅަކަށް ވެސް އަތުގައި ނުބާއްވާ ޔަޒާ ހުސްކޮށް ހުރި ފައިހާ އަށް ބޯޅަ އެއް ލިއެވެ.ފައިހާގެ އަތަށް އެރި ބޯޅަ ނަގަން ޖެހުނީ ގޯލުގެ ތިން ދަނޑީގެ ތެރެއިންނެވެ.

ސަޕޯޓަރުން ގެ ތެރޭގައި ފޯރި އަރާފައި ހުރި މިލާން ޕާޕްލް ހައުސް ލަނޑު ޖެހުމާއި އެކު ރުޅި އައިސްގެން ކައިރީގައި ހުރި އީޝާގެ ކޮނޑުގައި ޖަހާލެވުނެވެ.ނަމަވެސް ދެވަނަ ސިކުންތަކަށް މިލާން އިޝާގެ ކޮނޑުގައި ފިރުމާލަމުން ސޮރީ އޭ ބުނެލިއެވެ.އީޝާ ވެސް ހީލަމުން ތަދެއް ނުވެއޭ ބުނެލަމުން ދަނޑަށް ބަލާލި އިރު ދުރުގައި ހުރި ނަވްޔާ ގެ ނަޒަރު އެމީހުންނަށް އަމާޒުވެފައި ހުރުމުން ނުލަފާ ގޮތަކަށް ހީލިއެވެ.އޭނާގެ ޕްލޭން އާއި އެއްގޮތަށް ކަންތައްތައް ވަމުން ދިޔަ ކަމުގެ ސިގުނަލް ލިބެން ފެށުމުން އުފާ ނުވާނީ ކާކު ހެއްޔެވެ؟

އޭގެ ހަފްތާއެއްހާ ދުވަސް ފަހެވެ.އިންޓާރ ހައުސް މުބާރާތް ނިމުމުން އަނެއްކާވެސް ނަވްޔާމެން ކިޔެވުމާއި ގެން އުޅެގަތެވެ.އެންމެ ފަހު އަހަރަށް ވުމުން ރަނގަޅު ނަތީޖާ އެއް ކޮންމެ މީހަކު ވެސް ބޭނުންވާނެ ތާ އެވެ.

މެންދުރުގެ ހޫނު ގަދަ ވަގުތެވެ.އިރު ގެ ދިލަ ހޫނުގެ ސަބަބުން ހީވަނީ ދެންމެ ދެންމެ ވެސް މީހާގެ ހަންގަނޑު ފިއްސާލަފާނެ ހެންނެވެ.ނަވްޔާ ވެސް އެވަގުތު ކުރާނެ މާ ބޮޑު ކަމެއް ނެތުމުގެ ސަބަބުން ގޭގެ އެއްކޮޅުން އަނެއް ކޮޅަށް ހިނގާލަ ހިނގާލާ ހުރީ ޒީވާ އާއި ނާއިޝް ގެ ހަބަރެއް ވެސް ނުވާތީ އެވެ.އަނެއްކޮޅުން ނުކްޝާން ވެސް ޒަޔާންގެ އޮފީހަށް ވަޒީފާ އަަށް ދާން ފެށުމުން މިވަގުތު ނުކްޝާން އެއްވެސް ގެ އަކު ނޫޅެއެވެ.

ސޯފާގައި ޖައްސާލައިގެން އޮތް ނަވްޔާގެ ސަމާލުކަން އަތުލީ ގޭތެރެއަށް ވަދެގެން އައި ޒީވާ އާއި ނާއިޝް ގެ އަތުގައި އޮތް ގަނޑެވެ.އެދެމީހުން އަތުގައި އޮތް ކޮތަޅު ފެނުމުން އެކަނި ވެސް ނަވްޔާ އަށް އެއައީ ޑޮކްޓަރަށް ދައްކަން ގޮސްފައި ކަން ނަގައިގަނެވުނެވެ.

“މަންމަ ކީއްވެ ޑޮކްޓަރަށް ދައްކަން ދިޔައީ.ބަލީތަ؟”ނަވްޔާ ގެ ސުވާލު ހުރީ މަންމަ އަކު ދަރިޔަކާ ސުވާލު ކުރާ ފަދަ ގޮތަކަށް ށެވެ.”ނޭނގެ މި ކޮޅުން ޑޮކްޓަރ އަށް ވެސް ވާ ގޮތެއް ބޭރަށް ދާން ޖެހޭނީ ދެން އޭރުން އިނގޭނީ”ނާއިޝްގެ އަޑުގައި ހުރި އަސަރުތަކުން އެކަނި ވެސް ނަވްޔާ އާއި ނުކްޝާން ބަހައްޓާފައި ދާން ނާއިޝް ބޭނުން ނުވާ ކަން ނަގައިގަންނާކަށް އުނދަގުލެއް ނުވާނެއެވެ.”ކޮން އިރަކުން ދަނީ؟”ނަވްޔާ އަހާލިއެވެ.”މާދަން ވެސް ދާންވީ.އެކަމު ދަރިފުޅު މެން ދެކުދިން އެކަނި ބަހައްޓާފައި ދާކަށް ބައްޕަ އަކަށް އެއްބަހެއް ނުވެވޭނެ”ނާއިޝް ބުނެލިއެވެ.”ދަރިފުޅު މެން ދެކުދިން ކޫ ކައިރި އަށް ދާން ވީނު ބައްޕަ އަންނަން ދެން”ނާއިޝް ބުނެލީ އޭނާ ބޭނުންވާ ގޮތެވެ.”ނޫނޭ ބައްޕާ އަޅުގަނޑާ ދޮންބެ އަށްށާ އުޅެވޭނެ އެކަނި”ނަވްޔާ ނާއިޝްގެ ބަހާއި ދެކޮޅު ހެދިއެވެ.

“އެހެން ވީމަ މާދަން ނޫން އަނެއް ދުވަހު ބައްޕަމެން ފުރާނަން.ދޮންބެ ކައިރީގަ ދަރިފުޅު ބުނެލާފަ ބާއްވާތި އިނގޭ”ނާއިޝް ބުނެލީ އޭނާ ހަނދާން ނުހުންނާނެ ތީ އެވެ.ނަވްޔާ ވެސް ލައްބަ އޭ ބުނެލަމުން އޭނާގެ ކޮޓަރި އަށް ވަނެވެ.

ބަނދަރުމަތީގައި ތިބި ނަވްޔާ އާއި ނުކްޝާން ހުރީ ނާއިޝްމެން ފުރުވަން އައި ހެވެ.ޒީވާ ދެކުދިންނަށް ނަސޭހަތް ދިނުމަށް ފަހު ލޯންޗް ފުރާވަގުތު ޖެހުމުން ލޯންޗަށް އަރަން ދިޔައެވެ.ޒީވާމެންނަށް ފަހުގެ ސަލާމް ކުރުމަށްފަހު ނަވްޔާ އާއި ނުކްޝާން ވެސް ގެއާއި ދިމާލަށް މިސްރާބު ޖެހިއެވެ.

“ނާޔާ ވަޓްސް ރޯންގް ވިތް ޔޫ”ނަވްޔާ ގެއަށް އައިސްފައި ވެސް އަނގައިން ނުބުނެ އިންނާތީ ނުކްޝާން ސުވާލުކޮށްލިއެވެ.”ނޭނގެ ވާގޮތެއް ހީވަނީ ވަރަށް ބޮޑު ކަމެއް ވާން އުޅޭހެން”ނަވްޔާގެ ޖަވާބުން ނުކްޝާން ދެފަރާތަށް ބޯ ހޫރުވައިލެވުނީ ނަވްޔާ އަށް އެހެން އެވަނީ ޒީވާމެން ދިއުމުން ކަން އިނގޭތީ އެވެ.އެހެން ކަމުން ނުކްޝާން ބޭނުންވީ ނަވްޔާގެ އެ ނުތަނަވަސްކަން ކޮންމެވެސް ގޮތަކުން ފިލުވާލަ ދޭށެވެ.

ފިންކްރޯޒްވިލާ ދޮރު ކައިރީގައި ހުރި ޒާރާ ހުރީ ޒީކާން ގެ އިންތިޒާރުގައި އެވެ.މިއަދު ނުކްޝާން އެގެ އަށް އައުމަށް އެދިފައި އޮތުމުން ނެވެ.ޒީކާން ވެސް ވީ އިރުކޮޅެއް ކުރިން ނުކްޝާންމެން ގެ އަށް ގޮސްފައި ކަމުން އިރުކޮޅަކުން ބަލާދާނަމޭ ޒީކާން ބުނެފައި އޮތުމުން ޒާރާ އަތުގައި އޮތް ގަޑި އަށް ބަލަމުން ދިޔައީ ޒީކާން އިރުކޮޅަކުންނޭ ބުނިތާ މިހާރު ދިހަ މިނެޓް ވުމުންނެވެ.

ސައިކަލު ގައި ބާރު ސްޕީޑުގައި ދުއްވާފައި އައި ކިޔާން އަށް ޕިންކްރޯޒްވިލާ ގެ ދޮރުމަތީގައި ހުރި ޒާރާ ފެނުމުން ކިޔާން އެތާނގައި މަޑުކޮށްލީ ޒާރާ އާއި ވާހަކަދައްކާލުމަށް ހިތް އެދުނު ވަރުންނެވެ.ޒާރާ ގާތަށް މަޑު ކޮށްލި ވަގުތު ކިޔާންގެ ލޮލުގައި އަޅައިގަތީ ޒާރާ ހުޅުވާލި ފޯނުގައި ލޮކް ސްކްރީން އަށް ލާފައި އިން ފިރިހެން ކުއްޖާ އާއި ޒާރާގެ ފޮޓޯ އެވެ.

ޒާރާ އިސް އުފުލާ ބަލާލީ ކައިރީގައި މީހަކު ސައިކަލު ގައި މަޑު ކޮށްލި އިހުސާސްވުމުންނެވެ.ކުރި މައްޗަށް ބަލާލި އިރު ކިޔާން ގެ ނަޒަރު ޒާރާގެ އަތުގައި އޮތް ފޯނަށް ހުއްޓިފައި ހުރި ތަން ފެނުމުން ޒާރާ ބަލާލީ ފޯނުގައި މީހަކަށް ނުފެންނަ ފަދަ އެއްޗެއް އޮތީ ތޯ އެވެ.ޒާރާ ފޯނާއި ދިމާއަށް ބަލައިލަމުން ކިޔާން އާއި ދިމާލަށް ބަލައިލެވުނީ ބޭއިޙްތިޔާރުގައި އެވެ.”މި ފޮޓޯ އަށް ތަ ތި ބަލަނީ.މީ ޒާ އެންޑް ރާއި އާ ދެމީހުން ނަގާފަ އިން ފޮޓޯ އެއް އެއްދުވަހަކު މެލޭގެ ޕާކަކަށް ގޮއްސަ.ރީތި ދޯ”އަތުގައި އިން ފޯނުގައި އޮތް ފޮޓޯ ގަނޑު ދައްކާލަމުން ޒާރާ ބުނެލީ މައުނަވީ ގޮތަކަށް ހީލަމުންނެވެ.

ޒާރާ އަށް ނޭނގުނީ ޒާރާގެ ވާހަކައިން ކިޔާންގެ ހިތަށް ބަޔާން ކުރަން ދަތި އުނދަގޫތަކެއް ވި ކަމެވެ.ޒާރާ އެ ފިރިހެން ކުއްޖާގެ ނަން ކިޔާލި ގޮތުން އެކަނި ވެސް ކިޔާން އަށް އެ ކުއްޖާ އަކީ ޒާރާ އަށް ވަރަށް ހާއްސަ ކުއްޖެއްކަން އިނގިގެން ދިޔައެވެ.”ކޮންތާކަށް ދާން ތިހާ ރީތި ވެލައިގެން ތިހުރީ”ކިޔާން ބުނެލީ ގާތް ގޮތަކަށްށެވެ.މިއި އޭނާ ޒާރާ އާއި މި ގޮތަށް ވާހަކަ ދައްކާ ފުރަތަަމަ ދުވަސް ކަމުން ޒާރާގެ ހިތުގައި އެއްވެސް ވަރަކަށް ބީރައްޓެހިކަން ބާއްވާކަން ކިޔާން އެއް ބޭނުމެއް ނޫނެވެ.”ނާޔާމެން ގެ އަށް ދޮންބެ ބުނި ނުކް ބުންޏޭ އޯރވާ ނައިޓް އަކަށް ދާން”ޒާރާ ބުނެލުމާއި އެކު ކިޔާންގެ މޫނު މައްޗަށް ހިނިތުންވުމެއް ފެނިގެން ދިޔައީ އޭނާ ވެސް އެދަނީ އެގެއަށް ވުމުންނެވެ.”ރައިޑެއް ބޭނުން ތަ؟”ކިޔާން ބޭނުންވީ ވަގުތުގެ ބޭނުން ހިފާށެވެ.”ތެންކްސް.އެކަމު ދޮންބެ އެބަ އާދެ ބަލާ”ޒާރާ ބުނެލީ ޒީކާން ބަލާ އަންނަ ވާހަކަ ބުނެފައި އޮތުމުން ނެވެ.ޒާރާ އެހެން ބުނެލި ވަގުތު ވީ ޒީކާން ވެސް އައި ވަގުތަށް ވުމުން ކިޔާން ޒީކާން އާއި ޒާރާ އަށް ހިނިތުންވުމެއް ހަދިޔާ ކޮށްލަމުން ސައިކަލު ދުއްވާލިއެވެ.

ނުނިމޭ