ނަން ކަލާގެ މިހިތުގައި ފެވިއްޖޭ(ނުވަވަނަ ބައި)

މިލާން އާއި ނަވްޔާ ދިޔަ ކަމެއް ނޭނގި ރަޔާން އައިސް ލައިނީ ގާތު ތަނަކަށް ދާން އެދުނެވެ.ނަމަވެސް މި އޮށްފަދަ ރޭގަނޑު ރަޔާން އާއި އެއްކޮށް ލައިޝާ ދާން އެއްބަސް ނުވާނެ ކަން ލައިނީ އަށް އެނގެއެވެ.އަނެއްކޮޅުން ނަވްޔާ އާއި މިލާން ރައްޓެހިވެގެން އުޅޭ ކަން ދެފަރާތު އާއިލާ އަށް އިނގުނަސް ލައިނީ އާއި ރަޔާން ރައްޓެހިވެގެން އުޅޭ ކަން އެމީހުން ގްރޫޕް މީހުންނަށް ނޫނީ ނޭނގޭނެ އެވެ.

*****************

ލައިނީ ދާން ނުދާން ހުރެފައި ވެސް ލައިޝާ ގާތު ހުއްދަ އަށް އެދުނީ އައިކާމެން ވެސް ދާން ކިޔާން އެދިފައި އޮތުމުންނެވެ.”މައްސަލަ އެއް ނެތް.އެކަމު ދަރިފުޅު ވާނެ ދިހަ އެއް ޖަހަން ވާ އިރަށް އަންނަން.މިހާރު ގަޑިން ނުވަ ގަޑި ބައިވީ”ލައިޝާ ބުނެލީ އަތުގައި އަޅާފައި އޮތް ގަޑި އަށް ބަލައިލަމުންނެވެ.ލައިނީ ވެސް އެކަމަށް އެއްބަސްވަމުން ދާން ހިނގައިގަތީ ރަޔާން ބޭރުގައި އިންތިޒާރުގައި ހުރި ވާހަކަ ބުނުމުންނެވެ.

ލައިނީ އާއި ޒާރާގެ އިތުރުން އައިކާ އައުމުން ހަ މީހުން އެއްކޮށް މިލާން ބުނި ސަރަހައްދަށް ދާން ހިނގައިގަތެވެ.ހަމީހުން މިލާން ބުނި ސަރަހައްދަށް އާދެވުމާއި އެކު މިލާން އާއި ނަވްޔާ ކުރީގައި ހުރެގެން ދާންވާ މަންޒިލާއި ދިމާލަށް ހިނގައިގަތެވެ. “ކޮންތާކަށް މި ދަނީ؟”ލައިނީގެ ސުވާލު އަމާޒުވީ އެމީހުންގެ މަންޒިލާއި ބެހޭގޮތުންނެވެ.”އެއީ އީޝާ ބުނި ނާޔާ އެންޑް ލައި އާ ބައްދަލު ކޮށްލަން ބޭނުންވާ ވާހަކަ އެހެންވެ.ދެން މިތިބި ދެމީހުން އެކަނި ވާނެތީ އެމީހުންގެ ޖީ އެފްގެ ނަމުގަ އަޅައިގެން ގެންނަ ބައެއް މީ”ރަޔާން ދެވަނަ ޖުމުލަ ބުނެލީ ލާނެތް ކަމާއި އެކު އެވެ.

ވަކި ހިސާބަކަށް ދެވުނު ތަނާހެން އެމީހުންނަށް ދުރުގައި ތިބި އީޝާމެން ފެނުނެވެ.އެންމެން އެދިމާލަށް ދާން ހިނގައިގަތީ އެއީ އެމީހުންގެ މަންޒިލަށް ވުމުންނެވެ.”މީ އީޝާ ނާޔާ އަށް އިނގެއެއްނު ދޯ.ދެން މީ ޝަހްނާ ޔަޝާ އެންޑް މައިރާ”މިލާން އެންމެން ތައާރަފް ކޮށްލަދިނެވެ.”ދެން މީ ނާޔާ.މީ ރަޔާން ގެ ޖީ އެފް ލައިނީ ލައި”މިލާން އެހެން ބުނުމާއި އެކު ލައިނީ އާއި ނަވްޔާ އީޝާ މެންނާއި ސަލާމް ކޮށްލިއެވެ.

“މިލާން ވަރަށް ދައްކާނެ ނާޔާގެ ވާހަކަ.މިލާން ލިބޭނީ ވަރަށް ނަސީބު ގަދަ މީހަކަށް”އީޝާގެ އަޑުގައި ހުރި ހިތް ހެތޮކަމުގެ ސަބަބުން ނަވްޔާ ގެ ހިތަށް ހަމަ ޖެހުމެއް ލިބުނެއް ކަމަކު ލައިނީގެ ހިތަށް ކުޑަ ނަމަވެސް ހަމަޖެހުމެއް ނުލިބުނެވެ.ލައިނީގެ ހިތް ދިޔައީ ކޮންމެވެސް ކަމެއް ނުބައިވާން އުޅޭ ކަމުގެ ރަތް ސިގުނަލް ދެމުންނެވެ.

މާވާހަކަ ގިނަނުކޮށް މިލާންމެން ދާން ނިންމިކަން ލައިނީ އަށް ވީ ނަސީބަކަށް ށެވެ.އެއް ގޮތަކަށް ވެސް ލައިނީގެ ހިތެއް އީޝާމެންނަށް އިތުބާރު ކުރުމަކީ ރަނގަޅު ގޮތެއް ކަމަކަށް ނުބުނެ އެވެ.

“ދަނީ އިނގޭ ޔަޝާ”ދާން ހިނގައިގަންނަމުން ރަޔާން ބުނެލީ އޭނަ އާއި އެންމެ ގާތުގައި ހުރި ޔަޝާ ގާތު އެވެ.މި މަންޒަރު ބަލަންހުރި ލައިނީގެ ހިތަށް އުނދަގޫވިއެވެ.”ރަޔާން އަށް ޔަގީންތަ އީޝާމެންގެ ނިޔަތް ރަނގަޅު ވާނެ ކަން”ލައިނީ ދަމުން އޭނާގެ ހިތަށް އުނދަގޫ ކުރަމުން ދިޔަ ސުވާލު ކޮށްލިއެވެ.”ހްމްމް.ލައި ހާސްނުވޭ.އީޝާމެންނަކީ ރަނގަޅު ބައެއް.ސީ ނާޔާ ގެ އެނިވާސަރީ އަށް ވެސް ދެމީހުން ދުރުކުރަން ބޭނުން ނުވާތީ އެއްބަސް ވެސް ނުވާން އުޅުނެއްނު”ރަޔާން ބެލީ ލައިނީ ހިތްހަމަޖައްސާލަ ދެވޭ ތޯ އެވެ.ނަމަވެސް ލައިނީގެ ހިތުގެ ހަމަޖެހުން ވަނީ ގެއްލިފައި އެވެ.

ރަޔާންމެން ދިޔަ ދިމާލަށް ބަލަހައްޓައިގެން ހުރި ޔަޝާގެ ދެލޮލުން ވިދަމުން ދިޔައީ އަލިފާން ކަންޏެވެ.”އަހަރެން ރަޔާން ހާސިލް ކުރާނަން އެ ހެޔޮ ކަނޑު ފަޅު ފީނައިގެން ވިޔަސް”ޔަޝާ ގެ އަޑުގައި ވަނީ ޔަގީންކަމެވެ.ނަމަވެސް ޔަޝާ އަށް ނޭނގުނީ އޭނާ ކިތަންމެ ގަދަ ހެދިޔަސް ތަގުދީރުގައި ލިބެން ނެތް އެއްޗެއް ކިތަންމެ ހޯދަން އުޅުނަސް ނު ހޯދޭނެ ކަމެވެ.

ޔަޝާގެ ވާހަކަ އަށް އެއްބަސްވާން ކަންނޭނގެ އެވެ.އީޝާ އާއި ޝަހްނާގެ އިތުރުން މައިރާވެސް ބޯޖަހާލިއެވެ.އެ ހަތަރު ކުދިން ގެ ހިތުގައި މިލާންމެންނަށްޓަކައި ލޯބި އުފެދިފައި އޮތް ތާ ކިތަންމެ ޒަމާނެކެވެ.އެކުގައި އުޅެނީ ވެސް ފަސޭހައިން މަޅި ޖަހާލެވޭނީ އޭރުން ކަމަށް ވާތީ އެވެ.

“އަހަރެން ހާދަ އުންމީދެއް ކުރީމޭ މި ފަހަރު މިލާން އަށް އެ ނަވްޔާގަނޑު ނުލިބުނީމަ މިލާން އަހަރެން ކައިރިއަށް އަންނާނެ ދުވަހަކަށް.އެމީހުން ވީޑިއޯކުރި ކަން އެހެން ނޫނީ މިހާރު މިލާން ހުންނާނީ އަހަރެންގެ މުށުތެރޭގަ”އިޝާގެ އެތެރެ ފަރާތް ވެސް މި ފެނުނީތާ އެވެ.ބަލާލާފައި އެއީ ދެންމެ ނަވްޔާ އާއި ހީލާފައި ވާހަކަ ދެއްކި އީޝާ އޭ ހީވެސް ނުވާނެއެވެ.”ހެޔޮ އަދިވެސް އޮންނާނެ ބައިވަރު ޗާންސް މިލާން ހޯދަން.އަހަރެން ހުއްޓާލާނީ މިލާން އަހަރެން ގެ މިލްކަކަށް ހަދާފަ “އީޝާ އެކޭ ޔަޝާ އެކޭ ވަކި ތަފާތެއް އެބަ އޮތް ހެއްޔެވެ؟

ނަވްޔާމެން އެންމެން ދިއުމުން ލައިކާ އާއި މިޝްޔާ އާއި އައިރާ ވާހަކަ އެއް ދައްކާލަން ޓެރަސް މަތީގައި ހިޔާ ކޮށްފައި ހުރި ދިމާލަށް ޖެހިލިއެވެ.”އޭއި މިޝް ބުނިހެން ޒީކް ހާދަ ހޭންޑްސަމް އޭ ދޯ”ލައިކާ ޒީކާންގެ ރީތިކަމަށް ތައުރީފު ކޮށްލިއެވެ.”މިހާރު އެންމެ ފަހުން އަޔާން މަތިން ހަނދާން ނެތުނީ ތަ؟”އައިރާ ލައިކާ އާއި ދިމާކޮށްލިއެވެ.

ލައިކާ އާއި އަޔާން އާ ދެމީހުން އަޅުވާ ކިޔުމަކީ އެމީހުން ވަރަށް ފޯރި އަރުވާލާފައި ކުރާ ކަމެކެވެ.ނަމަވެސް ލައިކާ އަށް އަޔާން ކަމުދަނީކީ ވެސް ނޫނެވެ.އަދި އެހެންމެ އަޔާން އަށް ވެސް ލައިކާ ކަމުދަނީ އެއް ނޫނެވެ.ސަބަބަކީ އަޔާން އާއި ލައިކާ ދިމާވާ ފެހަރަކު ދެމީހުން ކުރެ ކޮންމެވެސް އެކަކަށް ލަނޑު ލިބޭތީ އެވެ.އެއީ އަބަދު ވެސް ވާ ގޮތެކެވެ.ނަމަވެސާ މަޖުބޫރު ވެއްޖެ ހާލަތެއްގައި މެނުވީ ދެމީހުން އެކަކު އަނެކަކާއި ވާހަކައެއް ވެސް ނުދައްކައެވެ.

“އެއުޅެނީ ކޮން ކުއްޖެއް ތަ؟”ދުރުގައި އަލީކްގެ މަންމަ އަލީނާ ގާތުގައި ހުރި އަންހެން ކުއްޖާ ދައްކާލަމުން މިޝްޔާ ބުނެލިއެވެ.ބަލާ ބެލުމަށް އެމީހުންނާއި އެއްވަރުވާނެ ހެން ވެސް ހީވެއެވެ.”ހިނގާބަލަ އެ ކުއްޖައާ ވާހަކަ ދައްކާލަން.ވާހަކަ ދެއްކީމަ އެއްނު އިނގޭނީ ކޮންކަހަލަ ކުއްޖެއް ކަން”މިޝްޔާ ބޭނުންވީ އެކުއްޖަކާ ވާހަކަ ދައްކާ ގުޅުން ބަދަހި ކުރާށެވެ.

“ހައި އައި އޭމް މިޝްޔާ.ދެން މީ މިޝްގެ ދެ ފްރިއެންޑުން އައިރާ އެންޑް ލައިކާ.ވަޓްސް ޔުއާރ ނޭމް”މިޝްޔާ އަމިއްލަ އަށް ތައާރަފް ވެލަމުން އައިރާ އާއި ލައިކާ ވެސް ތައާރަފް ކޮށްދިނެވެ.”އަލީކާ”ސަލާމަށް އަތް ދިއްކޮށް ލަމުން އަލީކާ ބުނެލީ ލަދު ރަކި ގޮތަކަށް ށެވެ.އަލީކާ ގައިގައި ވެސް ހުންނަނީ އަލީކްގެ ގައިގައި ވެސް ހުންނަ މަޑުމައިތިރި ކަމެވެ.ހަތަރު ކުދިން ވާހަކަ ދައްކަން ފެށުމުން އަލީކާ ވެސް ބީރައްޓެހިކަން ފިލާ އައިރާމެންނާއި ވާހަކަ ދައްކަން ފެށިއެވެ.

ނުކްޝާން ގެ ހަރަކާތްތަކަށް ބަލަން ހުރި ޒީކާން ގެ މޫނުމަތިން ފެންނަމުން ދިޔަ އަސަރުތައް ދެނެގަންނަން ކޮންމެ މީހަކު ވެސް ނުކުޅެދޭނެކަން ކަށަވަރެވެ.ޕާޓީ އަށް ޓެރަސް މައްޗަށް އެރީއްސުރެ ނުކްޝާން ހިޔާލަކަށް ގެއްލިފައި ހުންނަކަށް ޒީކާން އަށް ފާހަގަ ވިއެވެ.ނަމަވެސް ނޭނގެނީ ސަބަބެވެ.އެކަން ވެގެން ދިޔައީ ޓެރަސް މައްޗަށް އެރި ނުދަންނަ އަންހެންކުއްޖާ ގެ ސަބަބުން ކަން ޒީކާން އަށް ނަގައިގަންނާކަށް މާ ގިނަ އިރެއް ނުނެގުއެވެ.

ޓެރަސް މައްޗަށް ނަވްޔާ ގެ ޕާޓީ ބާއްވަން ވެގެން އަލީކްގެ މަންމަ އާއި އެއްކޮށް އެރި ކުއްޖާ ފެނުމުން ނުކްޝާން އަށް އެކުއްޖަ އާއި ދިމާލަށް ހަމަ ބެލެނީ އެވެ.ކޮންމެވެސް ތާކުން އެއްކުއްޖާ ދުށް ހަނދާންވި އެއް ކަމަކު ނުކްޝާން އަށް ސީދާ ކޮންތާކުން ކަން ހަނދާން ކުރަން އުނދަގޫ ވިއެވެ.

ނުނިމޭ