ނަން ކަލާގެ މިހިތުގައި ފެވިއްޖޭ(އަށްވަނަ ބައި)

ނަވްޔާ ޕިންކްރޯޒް ވިލާ އަށް ވަންނަން ދިޔަ ވަގުތު ބައިވަރު ސައިކަލު ހުރުމުން ސުވާލު އުފެދުނެވެ.ނަމަވެސް މާ ބޮޑު ކަމަކަށް ނަހަދާ ގޭތެރެ އަށް ވަންނަން ދިޔަ ވަގުތު ކަރަންޓު ދިއުމުން ފަހަތަށް ބަލައިލެވުނީ ކަރަންޓު ގެ އަލިކަމެއް މުޅި ގޭތެރެ އަަށް ވެސް ލިބިފައި ނެތުމުންނެވެ.

******************

ކުޑަ ކޮށް ބިރުގަނެފައި ހުރެ ވެސް ނަވްޔާ ގޭތެރެ އަށް ވަންނަން ހިނގައިގަތީ ނުކްޝާން ވެސް މިހާރު ހުންނާނީ ޓެރަސްގައި ކަން އިނގޭތީ އެވެ.ފޯނުން އަލިކޮށް ލައިގެން ސިޑީގެ ހަރުފަތައް ގިރާ ކުރަމުން ނަވްޔާ ޓެރަސް މައްޗަށް އެރިއެވެ.ނަމަވެސް އެތަނުގައި ވެސް ވަނީ މަރުފަދަ ހަމަހިމޭން ކަމަކަށް ވުމުން އަނބުރާ ދާން އުޅުނު ނަވްޔާ އަށް ސިހުމެއް ލިބުނީ މުޅި ގޭތެރެ އެއްކޮށް އަލިވުމުންނެވެ.ޓެރަސް މަތީގައި ވެސް މަޑު އޮރެންޖު ކުލަ އެއް ފެތުރިގެން ދިޔަ އެވެ.ފެތުރިގެން ދިޔައީ މަޑު އޮރެންޖު ކުލައިގެ އައްޔާއި އެކު ނަވްޔާ އަށް ފެނުނީ އޭނާގެ ކައިރީގައި މާ ބޮނޑި އެއް ހިފައިގެން ހުރި ފިރިހެން ކުއްޖާ އެވެ.ބަލާ ބެލުމަށް މިލާން އާއި ވައްތަރު ގޮތެއް ހުއްޓެއް ކަމަކު މިލާން އަށް ވާނީ ކިހިނެތް ހެއްޔެވެ؟މިހާރު އުޅެނީ އީޝާ އާއި ރައްޓެހިވެގެން ނޫން ކަމެއް ވެސް ނޭނގެ އެވެ.

އިސްތަށިގަނޑު ދެފަރާތުން ތުނި ކޮށްލާފައި ހުރިއިރު ލައިގެން ހުރި ހުދު ކުލައިގެ ގަމީހުގެ އަތުކުރި ހުރީ އުޅަބޮއްޓާއި ހަމަ އަށް އޮޅާފައި އެވެ.ކަޅު ކުލައިގެ ޖިންސް އެއް ލާފައި ހުރުމުން ނަވްޔާ އަށް ލައިނީމެން އޭނާ ލައިގެން ހުރި އެއްޗިހި ދީފައި އެލައިގެން އައުމަށް އެދުނު ސަބަބު އިނގިގެން ދިޔަ އެވެ.ނަމަވެސް އަދި ނަވްޔާ އަށް އޭނާ ގެ ހިތް އެެހެން މީހަކަށް ދޭކަށް ތައްޔާރެއް ނޫނެވެ.އެކަން ލައިނީމެން ވެސް ދަންނަން ޖެހޭނެ އެއްނުން ހެއްޔެވެ؟

މިކަހަލަ ހިޔާލުތަކުގައި ހުރި ނަވްޔާ އަށް ހޭވެރިކަމެއްވީ އިސްއުފުލާ އެ ފިރިހެން ކުއްޖާ ބަލައިލަމުން އަތުގައި އޮތް މާބޮނޑި ދިއްކޮށްލުމުން ނެވެ.”ހެޕީ އެނިވާސަރީ ނާޔާ އެންޑް ހެޕީ ބާރތްޑޭ ނާޔާ”ނަވްޔާ އަށް އަތުގައި އޮތް ހުދު ކުލަ އާއި ރަތް ކުލަ ހިމެނޭ ފިނިފެންމާ ބޮނޑި ދިއްކޮށްލަމުން މިލާން ބުނެލީ ހިނިތުންވެލަމުންނެވެ.ނަވްޔާ ފެންނަ މަންޒަރު ގަބޫލު ނުކުރެވިފައި ހުއްޓާ ދެވަނަ ފަހަރަށް ހައިރާންވާން ޖެހުނީ މުޅި ތަން ހުދުކުލައިގެ އަލިން އަލި ވެލުމަށްފަހު ލައިނީމެން އެންމެން އެއްފަހަރާ ހެން ހެޕީ ބާރތްޑޭ ނާޔާ އޭ ކިޔާ ހަޅޭއްލަވައިގަތުމުންނެވެ.

މިހާ ހިސާބުން ނަވްޔާ އަށް މިއީ ލައިނީމެންގެ ޕްލޭން އެއްކަން ނަގައިގަނެވުނެވެ. ނަމަވެސް ހިތުގައި ސުވާލު އުފެދުނީ މިލާން އޭނާގެ ކުރިމައްޗަށް އަރާ ހެޕީ އެނިވާސަރީ އޭ ބުނުމުންނެވެ.ހެޕީ އެނިވާސަރީ ނާޔާ އޭ ބުނަން ލަދު ވެސް ނުގަނޭ ތާ އޭ ނަވްޔާ ގެ ހިތަށް އެރިއެވެ.

“މިލާން ބުނަން ރަނގަޅު ވާހަކަ އެއް ރަސްމީ ކޮށް މިގުޅުން ނިމުނީ އޭ އަހަރެން ނުބުންޏަސް މިލާން އާއި އީޝާ އެއްކޮށް ފެނުނު ދުވަހުން ފަށައިގެން މި ގުޅުން އޮތީ ނިމިފައި.ވިއާރ ޑަން.ކޮންމެހެން ދޮންބެ ހުރީމަ ދައްކާނެ ކަމެއް ނެތް މޮޅު ވާހަކަތަކެއް”ނަވްޔާ ހީކުރީ ނަވްޔާ އާއި މިލާން އާ ދެމީހުންގެ ދެމެދުގައި ޖެހިފައިވާ މައްސަލަ ނުކްޝާން އަށް ނޭނގޭ ކަމަށްށެވެ.ނަވްޔާގެ ޖުމުލަ އާއި އެކު މިލާން ހީލަމުން ނަވްޔާ ގެ ހިތުގައި އުފެދެމުން އައި ހިތާމައިގެ އަސަރުތަކުގެ މައްޗަށް ރުޅި ވެރިކަން ކުރި ހޯދިއެވެ.

“ޑޭމް ނާޔާ.އެހަށް އަޑު އަހާބަލަ މި ދައްކާ ވާހަކަ”މިލާން ގެ ޖުމުލަ ފުރިހަމަ ނުކުރެވެނީސް މިލާންގެ ކޮލަށް އަރައިގެން ދިޔައީ ނަވްޔާގެ އަތުގެ ހޫނު ހަދިޔާ އެކެވެ.”ސާބަސް ނާޔާ އިޓްސް ޖަސްޓް އަ ޕްރޭންކް.މިލާން އަކަށް ވެސް ކުރިންނެއް ނޭނގޭނެ”ރަޔާން އަވަސް އަވަހަށް ބުނެލީ ވެސް ދޮގެއް ނޫނެވެ.

“އެދުވަހު އެ ފޮޓޯ ހަރު ކުރީ މަށާ އަލީކް އާ އެއްބައިވެގެން ދެމީހުންގެ އެނިވާސަރީ އަންނާތީވެ ސަޕްރައިޒް އެއް ދޭން.ފޮޓޯ ނަގަން ވެގެން އަހަރުން ދެމީހުން އީޝާ ކައިރީގަ ބުނީ މިލާން އަންނަންވާ އިރަށް އިޝާގެ ބީ އެފް ކެޓީ އޭ ކިޔާފަ ރޯން ފަށާށޭ.ދެން އީޝާ ކައިރީގަ އާދޭސް ކޮށްގެން މިލާން އައީމަ އަހަރުން އެކަން ކުރީ”ރަޔާން އަތުގައި އޮތް ވީޑިއޯ ދައްކާލި އެވެ.އޭގައި އަލީކް އާއި ރަޔާން އީޝާ ގާތު އީޝާ އެއްބަސް ނުވާން ވެގެން އުޅެން ހެދުމުން އާދޭސް ކޮށްފައި ހުއްޓެވެ.އަލީކް އާއި ރަޔާން އެކަން އެހެން ކުރީ ފަހުން ވެސް ނަވްޔާ އަށް ހެކި ދައްކަން ކަމުގައި ވުން އެކަށީގެންވެއެވެ.”ދެން މިލާން ގައިގަ އީޝާ ބައްދައިގަތިމަ ފޮޓޯ ނަގާފަ ދަންވަރު އަހަރުން ދެމީހުން ސްކޫލް ފާރު މަތިން ފުންމާލައިގެން ގޮއްސަ ތަތް ކުރީ”ދަންވަރު ސްކޫލަށް އެންމެންނާއި ފިލައިގެން ދިޔަ ވާހަކަ ބުނެފައި ރަޔާން ބޯޯކަހާލީ ދުރުގައި ހުރި ރިޔާން އަށް ބަލައިލަމުން ނެވެ.ވަގުތުން ރިޔާން ދެފަރާތަށް ބޯހޫރާލިއެވެ.

“އެދުވަހު ނާޔާ މިލާން ޗީޓް ކުރީ އޭ ބުނީމަ މިލާން ހުރީ ރުޅިއައިސް ގެން ގޮސް ރަތް ވެފަ.އަދި ގޮސް ބުނެލީ ވެސް މިކަން ކުރި މީހެއް އިނގިއްޖެއްޔާ އަތް ބިންދާލާނަމޯ”ރަޔާން އެހެން ބުނުމުން މިލާން ރަކި ވެގެން ބޯ ކަހާލިއެވެ.”ފަހުން އަހަރުން އެސޮރު ކައިރީގަ ބުނެފަ އޭ މިއަދު ވެސް އެކަން ކުރުވީ ނުކީ މެން ނަށް ވެސް އިނގޭނެ”ރަޔާން އިޝާރާތް ކުރީ ކޮން ކަމަކަށް ކަން އެނގުމުން ނަވްޔާ އަށް ވެސް ހީލެވުނެވެ.މިއަދު ހަގީގަތުގައި ވެސް މިލާން އީޝާ އާއި ދިމާލަށް އެހެން ބުނުމުން އޭނާ ގާތަށް ރުޅި އާދެވުނެވެ.

“އެކަމު ހާދަ ކުރިންނޭ ތިމީހުން އެތާނގަ ފޮޓޯތަކާ އެއްޗިހި ހަރު ކުރީ”ލައިނީ ބުނެލީ ޓެރަސް ގައި އަތުރާފައި ހުރި ސޯފާ ތަކުން ސޯފާ އެއްގައި އިށީންނަމުންނެވެ.”ކުރި ތަ؟މިއަދުމީ ނުވެމްބާރ ފޯރޓީން އަހަރުން ފޮޓޯ ތަތް ކުރީ އޮކްޓޯބަރ ފޯރޓީންގަ.ބަރާބަރު އެއް މަސް ކުރިން”ރަޔާން ބުނެލީ ގަޑި އަށް ބަލާލަމުންނެވެ.

އިރުކޮޅަކުން ޒީވާމެން އަންނާނެ އެވެ.ޒީވާމެން ގާތު އަށް ގަޑި ސާޅީސް ފަހެއްގައި އަންނާށޭ ކިޔާފައި އެމީހުން އެތިބީ ޒީވާމެން އައުމުގެ ކުރިން އައިސް ހުރިހާ ކަމެއް ނިންމައިގެންނެވެ.ނަމަވެސް ކޭކު ފަޅާނީ ޒީވާމެން އައުމުންނެވެ.

“އެކަމަކުވާ އިނގޭ ނާޔާ ރޮއްވާލުމުން ވެސް އެއްވަނަ ތި ދެމީހުންނަށް ދޭނަން.އަދި އެކަމުގެ ހަދިޔާ ވެސް އޮންނާނެ އިނގޭ ތި ދެމީހުންނަށް”ނަވްޔާ ބުނެލީ އަލީކް އާއި ރަޔާން އާއި ދިމާލަށް އިނގިލި ދިއްކޮށްލަމުން ނެވެ.”އޭ މީ މަގޭ ހިޔާލެއް ނޫން އަލީކްގެ”ރަޔާން ވަގުތުން އެކަމުން ރެކި ގަތެވެ.ނަވްޔާ އަލީކް އާއި ދިމާލަށް އިނގިލި ދިއްކޮށްލަމުން އަލީކް ވެސް އަތް ހިއްލާލީ އަމާން ދީފިމޭ ބުނާ ފަދަ ގޮތަކަށް ށެވެ.

އެންމެން ސަކަރާތުގައި ތިއްބާ ޒީވާމެން އައުމުން ސަކަރާތް ހުއްޓާލާފައި ކޭކު ފެޅުމައިގެން އުޅުނެވެ.އުފަލާއި މަޖަލުގައި ވަގުތުކޮޅެއް ހޭދަކޮށްލުމަށްފަހު ނަވްޔާ އާއި މިލާން ޒީވާ ގާތު ބުނެފައި ބޭރެށް ނިކުމެލީ ދެމީހުން އެކަނި ވަގުތުކޮޅެއް ހޭދަކޮށްލުމައްޓަކައި އެވެ.

މިލާން އާއި އެއްކޮށް ހިނގަމުން ގޮސް ރާޅު ޖަހާ ފަށް ކައިރި އަށް އާދެވުމާއި އެކު ނަވްޔާ އަތަށް ފައިވާން ނެގިއެވެ.އުޑުގައި ރަނިކަން ކުރަމުން ދިޔަ ސާދަވިލޭރޭގެ ހަނދު ގެ އަލިކަން ފިޔަވާ އެހެން އެއްވެސް އައްޔެެއް ނެތަސް މާހައުލުގައި ސާދަވިލޭރޭގެ ހަނދުން ދިޔައީ އަލިކަން ލިބެމުންނެވެ.

“ލައިމެން ވެސް އެކަމުގަ ބައިވެރިވި ދޯ”ދައްކަމުން ދިޔަ ވާހަކައިގެ ތެރެއިން ނަވްޔާ ބުނެލީ އޭނާ އަށް ލައިނީމެން ވެސް މިކަމުގައި ބައިވެރިވި ހެން ހީވާތީ އެވެ.”ހްމްމްމް ރަޔާން މިލާން ކައިރީގަ ބުނެފަ ލައިމެން ކައިރީ ގަ ބުނީ”މިލާން ނަވްޔާ ގެ ހިތުގައި އުފެދިފައިވާ ޝައްކު ޔަގީނަށް ބަދަލު ކޮށްލިއެވެ.”އީޝާ ބުނި އަހަރެންގާތު ނާޔާއާ ބައްދަލުކޮށްލަން ބޭނުމޭ “މިލާން ނަވްޔާގާތު އެހެން ބުނުމާއި އެކު ސިހުމެއް ލިބުނުކަން ބަލާލި ކޮންމެ މީހަކަށްވެސް އިނގޭނެކަން ކަށަވަރެވެ.”އެޔޯ.ނާޔާ އަކަށް އީޝާ އަކަށް ޓްރަސްޓް އެއް ނުކުރެވޭ.މިހާރު އަންހެން ކުއްޖެއް ފިރިހެން ކުއްޖަކާ ދިމާލަށް ބަލައިވެސް ނުލާނެ ހެޔޮ ނިޔަތެއްގަ އެއް”މިލާން ގާތަށް ހިނި އައީ ނަވްޔާ މިލާން ގެއްލި ދާނެތީ ބިރު ގަންނަ ވަރު އިނގުމުންނެވެ.”ނާޔާ މިލާން އަށް ޓްރަސްޓް އެއް ނުކުރަން ތަ؟މިލާން ނާޔާ އަކަށް އޮޅުވައެއް ނުލާނަން އިން ޝާﷲ”މިލާން އެެހެން ބުނުމުން ނަވްޔާ އިތުރަށް އެވާހަކަ ނުދެއްކީ މިލާން އަށް ޝައްކު ކުރެވުމުން އެކަމަށް އަމިއްލަ ނަފްސަށް އަޑު ލަމުންނެވެ.

މިލާން އާއި ނަވްޔާ ދިޔަ ކަމެއް ނޭނގި ރަޔާން އައިސް ލައިނީ ގާތު ތަނަކަށް ދާން އެދުނެވެ.ނަމަވެސް މި އޮށްފަދަ ރޭގަނޑު ރަޔާން އާއި އެއްކޮށް ލައިޝާ ދާން އެއްބަސް ނުވާނެ ކަން އިނގުމުންނެވެ.އަނެއްކޮޅުން ނަވްޔާ އާއި މިލާން ރައްޓެހިވެގެން އުޅޭ ކަން ދެފަރާތު އާއިލާ އަށް އިނގުނަސް ލައިނީ އާއި ރަޔާން ރައްޓެހިވެގެން އުޅޭ ކަން އެމީހުން ގްރޫޕް މީހުންނަށްނޫނީ ނޭނގޭނެ އެވެ.

ނުނިމޭ