ޑައިރީ

އަހަރެން ތިބާގެ އަތުގައި ހިފީ ދިރިއުޅުމުގެ ވަކި ހިސާބަކުން ދުރަށް ދާކަށެއް ނޫނެއެވެ . ނޫނީ ތިބާ އަށް އަނިޔާ ކުރުމުގެ ނިޔަތުގައެއް ނުމެ ނޫނެއެވެ . ތިބާ ގެ އަތް މަޑު ކަމަކުން ނުމެ ނޫނެއެވެ . ލޯބި ނުވާތީކީ ނޫނެއެވެ .

އަހަރެން ތިބާގެ އަތުގައި ހިފީ އުމުރު ދުވަހު އުޅުމުގެ ނިޔަތުގައެވެ . އަހަރެން ގެ ދިރިއުޅުމުގެ  ކުރިޔަށް އޮތް ދުވަސް ތަކުގައި އުޅުމަށެއެވެ .  ލޯބި ލޯބި އާއިލާ އެއް ބިނާ ކުރުމުގެ ނިޔަތުގައެވެ . ނަމަވެސް އަހަންނަށް ތިބާ އަށް ދުރަށް ދާން ޖެހުނަސް ނުވަތަ މި ދުނިޔޭގައި ނެތަސް އަހަރެން ގެ ނަން އަބަދު ވެސް ބަހައްޓާނެ ކަމަށް އުއްމީދު ކުރަމެއެވެ .

ރާނިޔާ  ކިޔަން އިން ޑައިރީ ލައްޕާލިއެވެ . ފެން ކަޅިވެފައި އިން ދެލޯ މަރާލި ގަޑީގައި ހިފެ ހެއްޓުމެއް ނެތި ކަރުނަ ހިލިގެން ދިޔައެވެ .  އެއީ މީގެ 5 އަހަރު ކުރިން ރާނިޔާ  އުޅެމުން ދިޔަ އުފާވެރި ހަނދާން ތަކުންނެވެ . ރާނިޔާ އޭނަ ގެ ފިރިމީހާ ކައިލް އާ އެކު އުޅެމުން ދިޔަ އުފާވެރި ދުވަސް ތަކެއެވެ .

އެ ކައިވެންޏަށް 3 އަހަރު ފަހުން އެ އުފާވެރި ދިރިއުޅުމަށް އައި ކަޅު އަދިރި ކަމެއް އައެވެ . ރާނިޔާ އެންމެ ލޯބިވާ ފިރިމީހާ ކާރު އެކްސިޑެންޓް ގައި މި ދުނިޔެ އާ ވަކިވެގެން ދިޔަ ދުވަހެއެވެ .  ރާނިޔާ އިނީ އަލަތު ދަރިއަށް ބަނޑު ބޮޑެއެވެ .  ނަމަވެސް …….

މިހާރު ރާނިޔާގެ ހުރިހާ ވެސް މީހަކީ ރާނިޔާގެ ދަރި ޒޯޔާ އެވެ . ޒޯޔާ އުޅޭ އުޅުމުން މިޒާޖް ، ހަމުގެ ކުލަ ހުމެ ހުންނަނީ ހަމަ ކައިލް އެވެ .  ޒޯޔާ ފެނުމުން ރާނިޔާ އަށް ކައިލް މަތިން ހަނދާންތަކެއް އާވެއެވެ . ޒޯޔާ ކުރަމުން އަންނަ ސުވާލު ތަކުގެ ސަބަބުން ރާނިޔާ ގެ ލޮލަށް ފެން ކަޅި ޖަމާވަމުން ދެއެވެ .

ދުވަހަކީ އުޑުމަތި ސާފް ދުވަހެކެވެ .  ޗުއްޓީ ދުވަހެކެވެ . ހަވީރު ގަޑި ކަމުން ދެމައިން އުޅުނީ ޒޯޔާ އާ އެކު ޕާކަށް ދާން ތައްޔާރު ވަމުންނެއެވެ .  ” މަމްމީ ޒޯޔާގެ ޑެޑީ އަންނަނީ ކޮން އިރަކު ؟”  އެ މައުސޫމު އަޑުން  ރާނިޔާ  ގަޑުވިއެވެ  . ލޮލަށް ކަރުނަ ޖަމާ ވެއްޖެއެވެ . ލޮލުން ކަރުނަ ފޮހެލުމަށް ފަހު ޒޯޔާ އާއި ދިމާ އަށް  ބަލާލުމަށް ފަހު ބުނެލީމެއެވެ .

ޒޯޔާ އަށް އިގޭތަ ޒޯޔާގެ ޑެޑީ ވީ ތަނެއް ؟

ނޫނެކޭ ބުނުމުގެ ގޮތުން ޒޯޔާ ބޯ ހޫރާލިއެވެ .

ދަރިފުޅާ ! ޑެޑީ ވާނެ ޒޯޔާ ވާ ކޮންމެ ތަނެއްގައި ވެސް . ޑެޑީ އަބަދު ވެސް ޒޯޔާ އަދި މަމްމީ އެކުވާނެއެވެ .

ހަވީރުގެ ވަގުތެއެވެ . ޒޯޔާ އަދި ރާނިޔާ ހިގައިގަތީ ގޮނޑު ދޮށާ ދިމާއަށެވެ .  ޒޯޔާ  ދޮންވެލީގައި ނުޖެހި އެތަކެއް ދުވަހެއް ވުމުގެ ސަބަބުން ދެމައިން ހިގައިގަތެއެވެ .  މަޑު ފިޔަވަޅެއްގައި ދެމައިން ހިގަމުން ދިޔައިރު ރާނިޔާ ދިޔައީ އެކި މައު ތަކުގެ ފޮޓޯ ތަކާ ޒޯޔާ އުފާވެރި ކޮށް އުޅޭ ވީޑިޔޯ ތަކެއް ނަގަމުންނެއެވެ . ސަބަބަކަށް ވަނީ ފަހުން ވެސް ރާނިޔާ އަށް ބަލާލުމުގެ ނިޔަތުގައެވެ .