މަގޭ ނަސީބު

އައުޅެން

މަގޭ ނަސީބު

އިސްމާޢީލް ޢަލީ ކަނދޮޅުދޫ

ލޯބި ފިރިއެއް ލިބުނީތީ އުފާ ކުރީމެވެ.

މުޅިޢުމުރު އެތަނަވަސް މޭމަތި ލިބޭނެ ކަމަށް ހީކުރީމެވެ.

އެލޯބިވެތި ފިރުމުންތައް ތާއަބަދަށް ލިބުންއެދުނީމެވެ.

މިލޯބިވެތިކަން ދެމިއޮތީ މަދު ދުވަސްކޮޅަކުއެވެ.

ރީތި ފިރިހެނުންގެ ހިތް ހުހެއްނުވާނެއެވެ.

އެކަކަށްޓަކައި ޢުމުރު ހޭދައެއް ނުކުރާނެއެވެ.

ގުނާ އަދަދު ނުކުރެވޭހައި ލޯބިވެރިން ތިބޭނެއެވެ.

އަހަރެންނަކީވެސް ލިސްޓުގައި ހިމެނިމީހެކެވެ.

ކައިވެނިވާން ދިމާވީ ބަދުނަސީބުން ކަމުގައިވެދާނެއެވެ.

ރަޙުމަތްތެރިން އަހަރެންގެ ނަސީބާއިމެދު އުފާކުރިއެވެ.

އަހަރެމެންގެ ފޮޓޯ ފޭސްބުކަށްލީ މަޖަލަކަށް ހަދާފައެވެ.

ތިބާއަށްލިބުނީ ހާދަރީތި ފިރިއެކޭ ބުނެލައެވެ.

ގިނަމީހުން މާޝާ ﷲއޭ ނުބުނެ ތިބާ ނަސީބުގަދައޭ ބުނެލައެވެ.

އަހަރެންގެ އުފާތައް ގެއްލި ހިތާމައިގެ ދުވަސްތައް ގުނަން ޖެހުނެވެ.

އެއްޗެއް ނުލިބުމަށްވުރެ ލިބިފައި ބީވެދިއުން މާއަސަރުގަދައެވެ.

ފިރިއެއްގެ ލޯތްބާއި ހިމާޔަތުގެ ތަޖްރިބާ ވަނީކުރެވިފައެވެ.

ހޫނުއިހްސާސްތަކާއި ޖަޒްބާތީ އަސަރުވަނީ ލިބިފައެވެ.

މިއަދު އެހުރިހާ ހަނދާންތަކެއް ހިތް ރޮއްވަމުން ދެއެވެ.

އެ ހަނދާންތައް އަބަދު އާލާވަމުންދެއެވެ.

ވިސްނާވިސްނާ އަހަރެން ބަލިމީހަކަށް ވެއްޖެއެވެ.