އުއްމީދުގެ ބައްތި

އައުޅެން

އުއްމީދުގެ ބައްތި

އިސްމާޢީލް ޢަލީ ކަނދޮޅުދޫ

އާ އަހަރާއިއެކު އުއްމީދުގެ ބައްތިތައް ދިއްލި ދެއެވެ.

އާ ކަންތައްތަކެއް ކުރުމުގެ ޢަޒުމް އާލާވެއެވެ.

އާ ހިތްވަރަކާއިއެކު ދިރިއުޅުމުގެ ބާބު ފަށަންވީއެވެ.

ކުރެވުނު ފާފަތައް ހަނދާން ނައްތާލަންވީއެވެ.

ކޮންމެ އިންސާނަކަށްވެސް ފާފަ ކުރެވިދާނެއެވެ.

ތައުބާވުމުގެ ދޮރުތައްވަނީ ހުޅުވިފައެވެ.

މީހުންގެ ނުރުމުގެބަސްތައް ރައްދުވަމުންދާނެއެވެ.

ވަގުތު ފާއިތުވީ ވަރަކަށް އެހަނދާންތަކާ ދުރުވެވެއެވެ.

ކުރެވުނު އެންމެ ފާފަޔަކުން މުޅިޙަޔާތަށް ގުޑުން އެރިއެވެ.

އެހާ ސިއްރުން ކުރިފާފަ ފަޅާއެރި ހިނދެވެ.

އަނބީމީހާ ކުދިންކޮޅު ބޮލާޖަހާފައި ފިލީއެވެ.

ތިމާގެ މީހުންގެ ނުރުހުމުގެ ބަސްތައް ރައްދުވިއެވެ.

އެކުވެރިން ނުދަންނަ ބަޔަކަށްވެ ދުރުގައި ތިބީއެވެ.

އަވަށްޓެރީން ލޯއަޅަމުން ދިޔައީ ކުޑަދޮރުންނެވެ.

ފުރިހަމަ ތައުބާއަކަށްފަހު އާ ބާބަކުން ފެށީމެވެ.

މަޑުމަޑުން ދިރިއުޅުން އާރާސްތު ވަމުން ދިޔައެވެ.

ބަންދުވީ ދޮރުތައް ހުޅުވުނީ ﷲގެ މަދަދުންނެވެ.

ފާއިތުވާ ކޮންމެ އަހަރަކާއެކު މާޒީ ފުސްވަމުން ދެއެވެ.

އާއަހަރާއެކު ކުރިމަގުގެ ޗާޓު ކުރަހާލެވެއެވެ.