ލަމްހާ

ލަމްހާ ހުރީ ކަލްވިންގެ  މޫނަށް ނަޒަރުހިންގާ ލައިގެން ފުން ހިޔާލަކަށް ގެއްލިފައެވެ. މޭޒުމަތީގަ ހުރި ފެންފުޅި ވެއްޓުނު އަޑަށް ލަމްހާ ދިޔައީ ސިއްސާގެން ނެވެ. އޭރު ކަލްވިން އޮތީ ރީޗަށް ލޯ ހުޅުވާލައިގެން ލަމްހާ ޔާ ދިމާ އަށް ބަލާށެވެ.

ލަމްހާގެ ލޮލުން އުފާވެރިކަމުގެ ކަރުނަތަށް ފައިބާން ފަށައިފިއެވެ. ވަގުތު ބޭކާރު ނުކޮއް ފުރަތަމަވެސް ކަލްވިންގެ މޭމަތީގައި ބޯ އަޅާ ލެވުނީއެވެ. ތެދުވެ މީހަކަށް ހަބަރު ދޭން ހިތަށް އެރިއެވެ. ލަމްހާ އަތުން އައިވީ ނައްޓަން ތައްޔާރުވި ވަގުތަކީ ޔޫހާ އާއި އަފުރާހު އެތެރެ އަށް ވަތް ވަގުތެވެ.

މަމްމާ ބޭބެ އިސް އެވޭކް….. ލަމްހާ އަށް ހަޅޭލަވައިގަނެވުނެވެ. ޔޫހާ ވަގުތުން ޑޮކްޓަރަށް ގޮވިއެވެ. ޑޮކްޓަރު ކަލްވިން ގެންދިޔަ އިރު ވެސް ކަލްވިން އަނގައިން ބުނެ ނުލައެވެ. ގެންގޮސް ޗެކަޕް ހަދާ އެހެނިހެން ކަންތައް ކޮއް ނިންމާގެން ރޫމަށް ގެނެސް ފިއެވެ.

ކަލްވިން، ކަލްވިން  ކޮޓަރިއަށް ވެއްދިތަނާ ފުރަތަމަވެސް ލަމްހާ އަށް ގޮވާލެވުނެވެ. ލަމްހާ ގޮސް ބާރަކަށް ކަލްވިން ގާގަ ބައްދާގަނެފިއެވެ. ރޮއެގަނެވުނެވެ.

ތީ ކާކުތަ ލަމްހާ ގަޔާ ދުރުކޮއްލުމުން ކަލްވިން އެހިއެވެ. ލޯ ބޮޑުކޮއްލާފަ ޔޫހާ އަށް ބަލާލެވުނީ ޑޮކްޓަރާ ދިމާލަށެވެ.

އަޅުގަނޑު ދޭން އައި ހަބަރަކީ މިއީ…އެ ނުރައްކާތެރި އެކްސިޑެންޓްގައި ކަލްވިންގެ ބޮލަށް ލިބިފައިވާ އަނިޔާތަށް ވަރަށް ބޮޑު… އެކަމާއި ގުޅިގެނއ ކަލްވިންް ގެަހަނދާންތައް ގެއްލިގެން ގޮސް ފައި ވާކަމަށް ބެލެވެނީ…. ޑޮކްޓަރ އެހެން ބުނުމުން ޔޫހާގެ ހިތުގައި ޖެހުނެވެ.